من يدور على الحكمه براس مهبول

[خالدالعصيمي]

اشرقت شمس جفت بكسجيـن الحقـول = وغربـت مستحيـل احلـم بنسيانـهـا
ارتجفت اوقفت وصـار فينـي ذهـول = ولعـت نـار ونـا صـرت دخانـهـا
خلـف ادم اوحـواء بنـت غيدادلـول = تبتهـل شـر والا خـيـر الخوانـهـا
لويصيب العيون مـن المحبـه كسـول = اخضعت روس قوم السيف صللطانهـا
ويش معنى النحل لولا العسل يامعسول = ويش معنـى القلـوب بـدون وجدانهـا
كيف منعه وفتـح لـك جميـع القفـول = رحت تسـرح وتمـرح وسـط بنيانهـا
القصيده عللى شانـك تصـول وتجـول = اخلقـت نفسهامـن ضلـع شيطانـهـا
من يدور على الحكمه بـراس مهبـول = ونت حكمـه خلقـك الله علـى شانهـا
في عيونك سولف ويـش تبغـا تقـول = خلهـا تشـرح القـصـه وعنوانـهـا
اطعن الخوف كن واثق بكـل الحلـول = شـرد الافكـار قــل وش برهـانـك
قبـل تنـدم بماتفعـل علـى ماتـنـول = حاسب النفـس قبـل احسـاب ديانهـا
خلنا ننفـض غبـار السنيـن المحـول = في حضـن جنـت الدنيـا وريضانهـا
كـل كلمـه بريـه الخطيـه غـسـول = فرشت لـك طيـور الحـب جنحانهـا
شفت من سبع بعيونك محل وابو هـول = والحدائـق وبـرج أفــل بحجانـهـا
يضوي الرمش السود فوق طرفن خجول = وبيـن مثـل الشفـق مزنـه iiوربانهـا
وعنك اللي مثل عنق ا لمهـاه الجفـول = الحـذر شـم ماهـو شـوف بعيانـهـا
وبين متنك وصدرك والردوف معـزول = جـل مـن يعطـي النعمـه ومنانـهـا
ضام ساقيك من ردفك جميـع الحمـول = يرجـح الكيـل بالكـفـه وميزانـهـا
فيك من كل شكل بكـل الـون معمـول = وكل الشكـال الونـك ذاب بـا لوانـه
وفيك كلك على جيلك جميـع الفصـول = وفيك كـل الزهورالخضـر باغصانهـا
ولك باقة ورود الحـب خذهـا قبـول = وا لـك دولـه برئسـهـا وسكانـهـا
انت درة ماتشبع منـك كـل الفضـول = قطـرة منـدا مـاء شـرب عطشانهـا
ماتخيلت مـن شفتـك علـى كـل زول = اضمحـل بعيونـي شـوف خـلا نهـا
كـان مافيـه مثلـك مايثيـر العـقـول = كـل ورده تمـوت بوسـط بستانـهـا
يمـدح السـوق مـن يربـح بداياعـذل = اتـرك النـاس رابحهـا وخسرانـهـا
اه لوجابـت القـدره شـداد وذلــول = ماتضيـق الوسيعـه بيـن ضلعانـهـا
نسترد النفس بالارض عرضن وطـول = ونتـبـادل عــزاء الدنياوحرمانـهـا
بس ماني على قسمت وكيلـي عجـول = الله الـي رفــع نفـسـي ولاهانـهـا
عزة النفـس تبقـى والغريـزه تـزول = ماتمـوت النفـوس يمـوت جثمانـهـا




الشـاعـر / نـشـمـي الـرشـيـدي

[((الدلبحي))]

تسلم ياخالد
يعطيك العافيه

[خالدالعصيمي]

الدلبحي

سلمت وغنمت

مرور معتاد من الدلبحي

لك خالص تحياتي

[وصل العطياني؟؟؟]

لاهنت يالنشمي أنت :)
دائماً ماتتحفنا بكل جميل..
لك التقدير والمحبة..



تحياااااااااااتي

[خالدالعصيمي]

ولاهان من مر وسلم

مشكور وصل على المرور الكريم

[الدهاسي]

تسلم يمناك ياخالد
يعطيك العافيه

[خالدالعصيمي]

الدهاسي

مشكور على مرورك الكريم

لك أعذب التحيات

[خـالد الحافـي]

السلام عليكم ورحمة الله وبركاته

اخوي خالد العصيمي نقل رائع وأختيار وتشكر عليه الى مالا نهايه

فقط عندي توضيح بسيط أتمنى قبوله

القصيده ليست للشاعر نشمي الرشيدي ..

القصيده للشاعر عايض الرشيدي _ ( ابو عارف )

والقصيده موجوده في منتديات المرقاب ومنتديات مشاهير العرب ومنتيات الفلك

فقط حبيت أوضح لأني أتوقع اخوي خالد أنك غلطت في الأسم وهذا طبعاً حفاظاً على الحق الأدبي للشاعر عايض الرشيدي ..

والف شكر لك اخوي خالد على الأختيار الموفق

تقبلو تحياتي