المساعد الشخصي الرقمي

مشاهدة النسخة كاملة : ابن سرحان اذا جاء لايروح !!!!!!!!!

ابو لمار
14-Apr-2009, 06:51 PM
ابن سرحان مساك الله بالخير

اذا وقتك يسمح لاهنت للفائده
طال عمرك


سلام بخير والقاضي قضى = وحكم الله على خلقه مضى

وكل" راضي" بامر القضا = وحكم" غير حكم الله يزول



ابن سرحان تاجر طرق باب التجاره = لكنّه يشتري السلعه اللي ماتباعي

يجمّع له سلع ماوراها الا الخساره = واثر عقل الثبيتي يصّدق مايشاعي
معجب العتيبي
14-Apr-2009, 06:56 PM
الله الله

ابو لمار وبدايه استفزازيه

يريد ان يفقد ابن سرحان تجارته

صح لسانه


ولسان ابن سرحان

واذا انتهت المحاوره لاتروح معه تدور السلعه المذكوره ههههه
فايز بن سرحان الثبيتي
14-Apr-2009, 08:00 PM
مرحبا الله يمسيك بالخير

ولنا الشرف طال عمرك

استلم ياذيب



هلا يامرحبا رحب يدوم=على اللي لابدا حظه يقوم
وانا قسمي من اخيار القسوم = وحكم غير حكم الله يزول



ابن سرحان تاجر ولكن بالشطارة = قدر يضحك على الشيخ ويخليه راعي
ولو قلنا لك ان الذهب تحت العمارة = تهد البيت واتدمره من دون داعي ؟؟!!
عيد العازمي
14-Apr-2009, 08:07 PM
الاساتذه

ابو لمار



ابن سرحان


للابداع تواجد في حروفكم وافكاركم


صحت السنتكم
بندر المرشدي
14-Apr-2009, 08:10 PM
ابو لمار


ابن سرحان الثبيتي


هنا الابداع يقول كلمته الليلة




صحت السنتكم
ابو لمار
14-Apr-2009, 09:31 PM
المعذره يابن سرحان
والله سبب التأخير انقطاع الاتصال
بسبب انفصال التيار الكهربائي
من الساعه العاشره لمدة ساعه كامله
العذر والسموحه يالغالي




يقولون السبب جوع الفقير = يابن سرحان في الوقت الاخير

وهذا الوضع والله مايصير = وحكم" غير حكم الله يزول



لاتنسانا ليا جبت كنز من المغاره = وانا خابرك تصبر على قرص الافاعي

تصدقك البدو في عفيف وفي جداره = وباعوك الاثاث القديم مع المتاعي
ابو لمار
14-Apr-2009, 09:49 PM
معجب العتيبي

عيد العازمي

بندر المرشدي

هلا وغلا
والله ان كل واحد منكم يستاهل رد لوحده
لكن والله الاتصال عكّر مزاجي واحرجني
مع الاستاذ ابن سرحان

شرفتم ونورتم
شارك لكم مروركم ومتابعتكم
يااساتذة الابداع


تحياااتي للجميع
فايز بن سرحان الثبيتي
15-Apr-2009, 01:11 PM
لا باس يابو لمار حصل خير



الا ياطيب قلبك يافتى = وفصل الصيف يعقبه الشتاء
تبا تمشي علاك اليا متى = وحكم غير حكم الله يزول



لنا في كل عام التفاته اواعتكاره = ولو ان الضحايا من الناس الجياعي
يبون ايحققون الثراء باسهل عباره = ولكن صارت احلامهم زيف وخداعي
فايز بن سرحان الثبيتي
15-Apr-2009, 01:28 PM
ابو سلطان



عساني ماعدم مرورك ومتابعتك



تحيتي
قادح شرار
15-Apr-2009, 01:34 PM
متابع ... .......
ابو لمار
15-Apr-2009, 07:19 PM
تبا تلفت نظر ربعك على ايش = تلفت للمعاني ياكديش

غلطت احسبك شاعر معليش = وحكم" غير حكم الله يزول



انا شفتك في سوق البلد ماسك خفاره = يجونك بالزباين على النقل الجماعي

يقولون الخبر فيه لفه واستداره = يبون يستّرونه بقدر المستطاعي
فايز بن سرحان الثبيتي
15-Apr-2009, 08:12 PM
:rolleyes::rolleyes::eek:

هههههههههههههههههه


صح لسانك وفرصة طيبة يابو لمااااااااااااااااااار
ابو لمار
15-Apr-2009, 09:04 PM
:rolleyes::rolleyes::eek:

هههههههههههههههههه


صح لسانك وفرصة طيبة يابو لمااااااااااااااااااار

صح لسانك يابن سرحان
وبيّض الله وجهك

والطاروق هذا ماكتب له النجاح
مادري التوقيت ماكان مناسب الظاهر
لكن الجايات اكثر

واسمح لنا على القصور



تحياااتي لك