حاكـــــم الغنامي / ابتدى الهجوووووووووم / تكمله لمحاكمـــه قريبه !!؟ [الأرشيف] - الهيـــــــــــــلا *** منتدى قبيلة عتيبة

خالد المقاطي

12-Apr-2009, 04:45 PM

كيف الحال ياحاكم
والله مدري وش الطاري لاكن هالحين تفرغت للمناوشات :)
ومتى ماوقتك سمح

.

.

.

ياحاكم اقلط على الماجوب تطلبك الميادين = والله مايطويً الدلٌي غار ام المحالي !!
ان كان تغى الكلام اللي تقر اله الموازين = الارض بجبالها والدار تحكمها الرجالي !!

حاكم الغنامي

12-Apr-2009, 10:47 PM

هلا والله يابو فيحاااااان

ههههههه

والله يستر منكـــــ:)

والله مادخلت النت غير قبل شووي

مير استلم واعذرنا على القصور

كريم ياضوح برقٍ فالسما تنظر له العين =عسا يسيرك رب الكون للدار المحالي
الفرق واضح يابن فيحان بين اثنين واثنين=والحمل لازاد تشتاله مظاهير الجمالي

عبدالله الجـــذع

12-Apr-2009, 10:50 PM

الله اكبر

ابو فيحان علاك ابه يابعدي

بدعه ولااروع ياذيبان

حاكم القوافي صح لسانك
رد وافي يالوافي

محبكم

.,

حاكم الغنامي

12-Apr-2009, 10:52 PM

افا ياعبدالله

وين زمالة الاشراف

ياخي انتم يالمشرفين عليكم خيانه هههههههه

على العموم مالومكــ ابو فيحان يستاااهل الصف

وووصح بدنكـــ

سلطان بن دحيم

12-Apr-2009, 10:52 PM

الله الله

متابعين لكم

واصلوا

حاكم الغنامي

12-Apr-2009, 10:55 PM

هلا يابن دحيم

نورت بها الطله

وووووصح بدنكــ

ابك ابن فيحان الظاهر انه امرح:)

خالد المقاطي

13-Apr-2009, 09:59 PM

الله الله

ارحب ياحاكم

:)

لا شالك السيل الاجرف لا تلد يسار ويمين = مادمت فرضك وانا مافي سماي الا الخيالي !!
اثرٌك يا لاعب "الشطرنج " حكمك للموالين = وانا احسبنك معك قلبً مثل عمي وخالي !!

خالد المقاطي

13-Apr-2009, 10:01 PM

اااارحب

ياعبد الله منوووور

الله لايضرك

..

يامرحبا ياسلطان

صح بدنك ولاهنت على المرور الطيب

ارق تحيه

..

حاكم الغنامي

13-Apr-2009, 10:15 PM

البقا البقا

يابو فيحان

واستلم

ياخالد اعلم ترى حاكم.. حكم ...مثل السلاطين =والذيب سرحان لو زاد العوى ماغث بالي
ماتدري اني سوات السور حامي دولة الصين =وان كنت جاهل تجيب الك الخبر سود الليالي

خالد المقاطي

13-Apr-2009, 10:31 PM

الله الله

عندك عندك

..

ماذمكم وادري انك تخلص الديان فالدين = لاكن ابو زيد ماعقب سوى زيد الهلالي !!
مافيه نارً بلا دخان .. خل " الجيم " " للسين " = السور للصين وانته ماتعديت السؤالي !!

حاكم الغنامي

13-Apr-2009, 11:00 PM

ههههه

اسلم اسلم

الحمد لله نصر جيش العرب في يوم حطين =ولولا صمودي ترى يمديه من ضمن الموالي
ماني بحطاب ليل يقش بين الزين والشين =الله حسيبك يابن فيحان لاطال الجدالي

خالد المقاطي

13-Apr-2009, 11:20 PM

هههه

الله الله

.

اللي حضر مايغيب ومعه ماهو قلب قلبين = والبدر لو ماكمل يكفيك ( لو سمي هلالي ) !!
مادام جتك الرساله .. مال حلقك غار يدين = منته خويي وعان الفال يقفاه العقالي !!

حاكم الغنامي

13-Apr-2009, 11:48 PM

ههههههه

ياللي تشيل السنابل متجه بالله على وين =حنا حصدنا الحقول ولابقا غير التوالي
لو لانت عظام خالد مستحيل اعضامي تلين =كلٍ على وقفته مايحسب جنيه وريالي

خالد المقاطي

14-Apr-2009, 12:05 AM

:)

دقت محيسن عقيمه قدم عرام ابو راسين = اللي حصدته طغا فيه الدبا ماله مجالي !!
راح ابن غنام في وقعه مثل وقعت فلسطين = من عصر والبوصله تشر على الظلع الشمالي !!

حاكم الغنامي

14-Apr-2009, 12:26 AM

الله الله

مايلتفت للحصى من يملك السيف ابو حدين =خله لرجلٍ عزومه ماتجمل بالقتالي
حضارم السيل باعت سمنها وسط الدكاكين =ماني براجي وراها لاحرام ولا حلالي

خالد المقاطي

14-Apr-2009, 12:45 AM

الله الله

هذاه في ذمتي تاريخ جملني من سنين = جدي مورثه ابيويه " ثم اورثه لعيالي !!
بينك وبينه قضاة الحق ( وكلك محامين ) = واعرف ترى الذيب مايرقا على جرفً هيالي !!

حاكم الغنامي

14-Apr-2009, 01:07 AM

اسلم اسلم

محد يريبه طلوع العز في وسط العزيزين =لكنّ انا هرجتي لهل المراقيب الطوالي
انا نويت انقل ابيوتي على اظهور البعارين=ياعنك الي دآر بينّ ظلها بين الظلالي

سلطان بن دحيم

14-Apr-2009, 01:20 AM

الله الله

ابداع يا مبدعين

تراي في صف خالد ههه

واصلوا والله معاكم

خالد المقاطي

14-Apr-2009, 01:26 AM

الله الله

صح الله لسانك ياحاكم وشكرآ من القلب لتقبلك الدعوى وعلى حسن اخلاقك
ليس الا مدرسه نتعلم منها الكثير

والختام عندك اذا تحب

ابيض وجه والله

.

.

.

من لايقر الحقيقه جعله ماله فالعرب بين = عز انك تروب العد بطوال الحبالي !!
لاكن يالاصمعي ماتحرث الحيده بسكين = واللي طرالك يابن غنام والله ماطرالي !!

خالد المقاطي

14-Apr-2009, 01:33 AM

سلطان بن دحيم

هلا والله يابن دحيم

شاكرآ لوجودك

والصف واحد بلا شك

لاخلا ولاعدم

انت لاتزعله على دوبي ابي الطقيق

:)

حاكم الغنامي

14-Apr-2009, 01:35 AM

ليس هناكـــ ختام اجمل من بيوتكـــ يابو فيحان

انت علم ومدرسه شعريه مستقله بذاتها

صح لسانكـــ وابدانكـــ

حاكم الغنامي

14-Apr-2009, 01:35 AM

بن دحيم هلابكـــ

منورنا

قادح شرار

14-Apr-2009, 08:24 AM

حضارم السيل باعت سمنها وسط الدكاكين =ماني براجي وراها لاحرام ولا حلالي

السيل ما فيه حضارم الله يهديك .. :)

سعود العصيمي

14-Apr-2009, 10:56 AM

ياحاكم اقلط على الماجوب تطلبك الميادين
والله مايطويً الدلٌي غار ام المحالـي !!
ان كان تغى الكلام اللي تقر اله الموازين
الارض بجبالها والدار تحكمها الرجالي !!

كريم ياضوح برقٍ فالسما تنظر له العيـن
عسا يسيرك رب الكون للـدار المحالـي
الفرق واضح يابن فيحان بين اثنين واثنين
والحمل لازاد تشتاله مظاهيـر الجمالـي

ياسلالالام عليكم

خالد المقاطي

حاكم الغنامي

صحت الالسنه والقلوب

طارووق رااائع.

نوآف الغنامي

14-Apr-2009, 12:03 PM

صحت السنتكم وبيض الله وجيهكم

طاااااااروووووووووق ممتع

..