البـــــــــــارحه,,

[مصخر العوج]

البارحه جتني كوابيس واحلام=ثم ثورت جرحن بقلبي عطيبي
شفت الذي زخرف حياتي باالالام=يبكي على حالن يشوفه صعيبي
جتني وقالت ما مضى غير الاوهام=عيش الهوى واحي الامل ياحبيبي
قلت اتركيني للمواجع والاحلام=دام الذي امرض فؤادي طبيبي
خليني احيا في ثرا حبك العام=يوم الامل طفلن ولا جاه شيبي
ولا الحقيقه عيشتي مثل الاصنام=مالي على الواقع حياه ونصيبي
قالت ترى مالي بعد يومك ايام=وانت الحياه اللي نبضبه قليبي
انت الخلاص اللي نشد عنك صدام=يوم النصارى يرفعون الصليبي
وانت الحنان اللي شكوا فقدك ايتام=نادوا ولكن ما لقوا مستجيبي
وانت الخيال اللي عشق كل رسام=يا لوحتن رسمت على ريح طيبي
قلت العذر ما ياكل الاكل من صام=واليوم انا صايم وربي حسيبي
وان كنت لك حبرن خلت منه الاقلام=فكي على صفحة جفا واكتبيبي



الحقيقه هذه القصيده الاولى لي في هذا المنتدى,

ارجوا انها قد نالت اعجابكم واستحسانكم,

اخوكم / مشاري الغبيوي

[محمد العتيبي]

صح لساااانك يامشاااري

عز الله قصيده وافيه .. استمتعت بقرائتها ..

لاهنت ياغالي
...

[مصخر العوج]

صح بدنك يا محمد,,,

ومن قال لا هان,,,

وبيض الله وجهك