يامعجب اللي يغني كل ليل ونهار

[ابو لمار]

مسيت بالخير يامشرفنا القدير

اسمح لي بالطاروق هذا للفائده
طال عمرك اذا وقتك يسمح


يامعجب اللي يغني كل ليل ونهار = ماكلّ او ملّ لو كل العرب تطلبه

باسه قوي ويتحمّل نار ولا دمار = والناس من خوف رب الناس ماتقربه

[حاكم الغنامي]

الله الله


صح لسانكــــ



متابعين


وبنتظار الشيخ معجب وصح لسانه مقدماا

[ابو لمار]

حاكم الغنامي

صح بدنك

شرفتني بمرورك لاهنت


تحيااااتي لك

[مشهاب]

ماكلّ او ملّ لو كـل العـرب تطلبـه


والناس من خوف رب الناس ماتقربه



شطر ينقض شطر ههه هه هه ههه صح لسانك ياابالمار

وفي انتظار اللي معجب فيه كل الناس وصح لسانه

واعتبرني في صفك يابولمار

[خلف العارضي]

من لا يطول العنب يقول حامض يابو 0000

صح السانك يابو لمار


وصح السان الشاعر الكبير معجب مقدم

[خالد المقاطي]

والناس من خوف رب الناس ماتقربه




ياسلام يابو لمار


صح لسانك


وصح لسان شاعرنا المميز معجب


ياصلك رد الشطر هذاه هههههههه :)


متابعين





..

[ابو لمار]

مشهاااب

صح بدنك يالغالي

شطر ينقض شطر هذي حلووه
هههههه عسى مافيه خطأ بس

شرفتني بمرورك والصف يزهى بك يالذيب

تحياااتي لك


خلف العارضي

كيف طعم العنب حامض ولا حلوو
هههههههههههههه

صح بدنك يالعارضي لاهنت على المرور


خالد المقاطي

صح بدنك يالغالي

انت عينت معجب بس
عشان يرد على الشطور كلها
هههههههههه

لاهنت على المرور ياخالد



تحياااتي للجميع

[خلف العارضي]

مشهاااب

صح بدنك يالغالي

شطر ينقض شطر هذي حلووه
هههههه عسى مافيه خطأ بس

شرفتني بمرورك والصف يزهى بك يالذيب

تحياااتي لك


خلف العارضي

كيف طعم العنب حامض ولا حلوو
هههههههههههههه

صح بدنك يالعارضي لاهنت على المرور


خالد المقاطي

صح بدنك يالغالي

انت عينت معجب بس
عشان يرد على الشطور كلها
هههههههههه

لاهنت على المرور ياخالد



تحياااتي للجميع

ايقارب الحموضة اكثر من الحلاوة

لازم يعتق اشوي

[محمد العتيبي]

الله الله ياولمار .. ابداع معهود من ياشيخ ..

صح لسااااانك مدد

وننتظر العمده معجب ..

تحيتي
...

[ابو لمار]

محمد العتيبي

الابداع مرورك يالغالي

صح بدنك


لاهنت يامحمد

[معجب العتيبي]

الشاعر المبدع ابو لمار

العذر والسموحه والله ماشفت بدعتك الا بعد التنبيه

واللي مثلك يشرفنا اللعب معه:



وشلون ماتبتدي بالحق يابو لمار=معميك رب البشر والا القشر ترغبه
عليك باسي قوي ياللي عكست المسار=بعض العرب حظه ليا جربه ينكبه

[معجب العتيبي]

لكل من شرفنا بمروره


هلا وغلا


نورتوا المحاوره


وصحة ابدانكم


ودي ارد على كل واحد بس الحمى نايشتني

[بندر المرشدي]

وشلون ماتبتدي بالحق يابـو لمـار
معميك رب البشر والا القشر ترغبـه
عليك باسي قوي ياللي عكست المسار
بعض العرب حظه ليا جربـه ينكبـه




الله..الله


صح لسااااانك .. والليلة الميكرفون صافي عندك ماشاء الله

[معجب العتيبي]

ابو سلطان

لا والله موب صافي الا الحراره 39 بس استحيت من ابو لمار


ارقد مافي محاوره هعهعه


صح بدنك

[ابو لمار]

الف سلامه لك يامعجب
ومعذور يالغالي
والشرف لي طال عمرك


الحق اقوله في معجب سر ولا جهار = وامزح معه مير مزحي معه مايعجبه

يومين خليتني ياصاحبي في انتظار = اقول عني عميل الخير وش غيّبه

[معجب العتيبي]

البينه بينه والحر مثل الحرار=ماني بقايل خويي ول يامكذبه
العام خليتني ماقلتلك ويش صار=والظاهر افكارك من العام متكهربه

[ابو لمار]

ههههههه
الله الله


ياصاحبي لاتحسب الهدم مثل العمار = صف النوايا وخلّ اعلومك امرتبه

اترك علوم الصغار اسمع علوم الكبار = وان كان يقطع ضماك البحر روح اشربه

[معجب العتيبي]

من يزرع الحنضله ماهوب جاني ثمار=والطرقه اللي بلا نيه ترا متعبه
يامسرع الروغه اللي طار منها الغبار=روغة قوي العزوم اللي رفع منكبه

[ابو لمار]

المشرف القدير معجب العتيبي

صح لسانك يابحر
وبيّض الله وجهك

تشرفت باللعب معك

والحقيقه مابغيتك تعيد الماضي
والجايات اكثر لكن احرجتك واحرجتني
باخلاقك العاليه

والمعذره على القصور يالغالي


تحيااتي لك

[معجب العتيبي]

ابو لمار

شاعر يملك الموهبه والجزاله

ويملك الخلق الرفيع


شكرا له على ماقدم

والدعوا مزوح وذكريات هههههه

بيض الله وجهك والله ان الحراره 39 لكن حياءا منك لعبت

[معجب العتيبي]

ابو لمار

يامعجب اللي يغني كل ليل ونهار = ماكلّ او ملّ لو كل العرب تطلبه

باسه قوي ويتحمّل نار ولا دمار = والناس من خوف رب الناس ماتقربه


معجب العتيبي

وشلون ماتبتدي بالحق يابو لمار=معميك رب البشر والا القشر ترغبه
عليك باسي قوي ياللي عكست المسار=بعض العرب حظه ليا جربه ينكبه


ابو لمار

الحق اقوله في معجب سر ولا جهار = وامزح معه مير مزحي معه مايعجبه

يومين خليتني ياصاحبي في انتظار = اقول عني عميل الخير وش غيّبه


معجب العتيبي

البينه بينه والحر مثل الحرار=ماني بقايل خويي ول يامكذبه
العام خليتني ماقلتلك ويش صار=والظاهر افكارك من العام متكهربه



ابو لمار

ياصاحبي لاتحسب الهدم مثل العمار = صف النوايا وخلّ اعلومك امرتبه

اترك علوم الصغار اسمع علوم الكبار = وان كان يقطع ضماك البحر روح اشربه


معجب العتيبي

من يزرع الحنضله ماهوب جاني ثمار=والطرقه اللي بلا نيه ترا متعبه
يامسرع الروغه اللي طار منها الغبار=روغة قوي العزوم اللي رفع منكبه