قصيدة مستور العصيمي في افتتاح قلطة الوطن

[رجا بن فهيد الهاجري]

هنا القصيده كامله

لمستور العصيمي في قلطة الوطن

http://www.ftll.cc/news_view_128.html


ومع تسجيل في اليوتوب

[الفليت العتيبي]

سلمت يمينك


قصيدة رائعة

وانا متفاءل لهذا البرنامج دام البداية مع ابو تركي

[أبونواف]

يقول مستور العصيمي :

الاوله بسم الله الرحمن وبذكره بديت = واعوذ به من غفلة الدنيا ومن شيطانها

في واجبي من ديرة ابن سعود لصاحبي لفيت = دعوة طويل العمر اقدرها واجي منشانها

شاعر مشاعر وانتقى جزل القوافي بيت بيت = ان كان في ديوانها وان كان في ميدانها

سلام يارمز الفخر سلام ياشعب الكويت = تحيتٍ يطقي بختريها على ريحانها

حضرت في الموعد ولا فيها غرابه يوم جيت = لقيت فيها الخير والتقدير وسط اوطانها

بالطيب والترحيب والتكريم والحب احتفيت= والنعم في حكامها والنعم في سكانها

الدوله اللي خيرها في كل دار وكل بيت = بالعز معتزه بعز اعزاز عزو شانها

ال صباح اهل الكفاح اللي لهم سمعه وصيت = اللي على قاله وطاله شيدو بنيانها

افعالهم ما تنحصي بين العرب مهما حصيت = الله يخليهم لها ويديم عز اركانها

واللي بعدها من هجوس الصدر دورت ولقيت = نادر دررها فوق لولوها ومرجانها

تنساق لك يلي على العليا تعليت وعليت = لك يا خليفة بن علي واسمك على عنوانها

يالنادر اللي في سنام المجد للعليا رقيت = راعي مكارم والمراجل شيخ من شيخانها

وافي خصايل وان مدحتك ياخليفه ماوفيت = اقولها صدق وحقيقه والحدث برهانها

احيت ماوروث الجدود وفيه بالفكر اعتنيت = اعدت للقلطه جزالتها وبدع الحانها

صلو على محمد بذكر الله وموالنا بديت = ومنك السموحه وان حصل تقصير في قيفانها


صح لسان أبو تركي
ولاهنت أبو زيد على النقل تحيتي .

[المحايد]

الله يعزك يامستور
شاعر فحل

[سلطان بن دحيم]

ابو زيد


لاهنت على النقل

والله يطول عمر ابو تركي

[%الصامل%]

كفو ابو تركي شاعر كبير 0 نظم رائع0 وعميد شعراء المحاورة

[ابو فايح]

صح لسان ابو تركي وقصيده غير مستغربه منه

[** أبو ندى **]

شكرا لك ...

[معجب العتيبي]

ابو نواف


ابو زيد


بيض الله وجيهكم

وجهد تشمرون عليه


وصح لسان ابو تركي

[رمح برقاا]

صح لسان الشاعر / مستور العصيمي على كل بيت قاله