تسجيل الدخول

مشاهدة النسخة كاملة : وش طلع العفريت في وضح النهار

خلف العارضي
03-Apr-2009, 11:52 AM
وش طلع العفريت في وضح النهار---في يوم جمعة والمساجد قايمة
ان كان من عود لقومة واستخار----- يلوم نفسة لا يخطي لايمة
خلف العارضي
03-Apr-2009, 12:31 PM
غير يالمري العفريت طول علينا
معجب العتيبي
03-Apr-2009, 12:32 PM
كثر القرايه ماتخليله قرار=هذا وبعض الناس تقرا صايمه
لكن عليك بضلع والا في عرار=العافيه ماهيب دايم دايمه
معجب العتيبي
03-Apr-2009, 12:34 PM
العارضي اسف جدا

والله مادريت ان فيه واحد اسمه العفريت


لكن صح لسانك و لسانه مقدما
المري اليامي
03-Apr-2009, 12:36 PM
ارررحب ياخلف وصح الله لساانك ولسان العفريت مقدما

واسمحلي انا مروح للذود واليوم امطار وخير

وانا طالع وعلاااك بالعتبان وانتبه لا ينوشونك ههههههههه
خلف العارضي
03-Apr-2009, 12:47 PM
انتة من اهل العقد واصحاب المدار----والناس من منصبك ماهي سايمة
ما قول فيك اقصور وافعولك كبار----- والنفس عن وقفتك ماهي شايمة
خلف العارضي
03-Apr-2009, 12:51 PM
لا تعذر يامعجب كلي لك

وامقابلك ولا مقابل عفاريت
خلف العارضي
03-Apr-2009, 12:56 PM
صح بدنك يالمري واعلومك طيبة معي

ولاتحاتي وازهلهم

واللة اللة في لبن الصميل لا تحرمنا منة

اللة لا يحرمك الاجر
معجب العتيبي
03-Apr-2009, 01:06 PM
يا اصحابنا لاتبحثون عن الدمار=ماودنا بالكلمه اللي عايمه
ماعدك الا من هلي يامستشار=والناس خل الناس تبقى نايمه
معجب العتيبي
03-Apr-2009, 01:07 PM
مانتبهت احسبكم كملتوا


والمري الله يسهل امره\


خله يروح يغتبق
سلطان بن دحيم
03-Apr-2009, 01:09 PM
يا اصحابنا لاتبحثون عن الدمار=ماودنا بالكلمه اللي عايمه
ماعدك الا من هلي يامستشار=والناس خل الناس تبقى نايمه



يا سلام يا سلام
ابو لمار
03-Apr-2009, 01:19 PM
الله الله الله

صحت الالسن والقلوب

واصلواااا

متاااابع


تحياااتي لكما
خلف العارضي
03-Apr-2009, 01:23 PM
لو ا تعذر مايفيد الاعتذار----اقلوبنا فالخوف ما هي هايمة

مايفرح الرجال غير الانتصار---ونفسن ذبحهاالضيم ماهي ضايمة
معجب العتيبي
03-Apr-2009, 01:35 PM
مانبحث اللي صار دام الشي صار=ونفوسنا عن ماتردا شايمه
مهما حصل ياصاحبي سار القطار=وصوحيبي يخطي ولاني لايمه
خلف العارضي
03-Apr-2009, 01:52 PM
حيرتني واحترت ياراع المطار----هاذيك تمنعها وهاذي حايمة
ان ماعدلت وسرت في نفس المسار---تلقا السما من فوق راسك غايمة
خلف العارضي
03-Apr-2009, 01:57 PM
صح السانك يامعجب جززززززززززززززل


اذن العصر واسملحي



وكل مطرود ملحوق
معجب العتيبي
03-Apr-2009, 02:03 PM
ترا البحر مليان من در ومحار=والسعر مايفرق مع اللي سايمه
الرحله الللي حجزكم فيها انتظار=ماتنتوكد والخلايق قايمه




صح لسانك يالعارضي

الصلاة والمجرم الثاني اللي طلبني


لهم حق


والى طاروق اخر
خلف العارضي
03-Apr-2009, 02:55 PM
صح بدنك يامعجب اعتيبة مجرمينهم واجد

كل ماخلصت من مجرم يجيك غيرة

كود نجيب الافواج عليهم يس ما قدر وشليويح العطاوي
ذريتة موجودة ---- والعطاوية غير مثل ماجدة غير