بطحي بن غنيم الغنامي

[سلطان نايف العضياني]

يالربع من يعرف قصيدة الشاعر المرحوم/بطحي بن عنيم الغنامي

اللي يقول فيها

ألا ياسعد قم صل وارم الحطب فالنار=وقدم حديدن سالمن من مخاسيره

تجيب الطراقي والطراقي تجيب أخبار=تجيك الطراقي وكل طرقي بتقديره
ألا واعشيري حط واد الجرير يسار=

وانا مااعرف القصيده كامله فياليت من يعرفها يتحفنا بها مشكور

[محمد العتيبي]

مطلع قصيده يشوق لقراءة باقي القصيده ..

وها نحن نوجه النداء للأخوه من من يعرفونها أن يأتوا بها ..

وأخص ربعنا الغنانيم :)

لاهنت ياسلطان
...

[نوآف الغنامي]

حياك الله يالعضياني

وهذي قصبدة بطحي رحمه الله ..

الا ياسعد قم صل وارم الحطب فالنـار = تكلـف وكلـن سالمـأ مـن مخاسيـره
تجيك الطراقي والطراقـي تجيـب اخبـار = تجيك الطـروش وكـل طرقـي بتقديـره
والا واوجود وجـد ملحـأ تديـر احـوار = طرحه الوجـع ويديـره الذيـب واتديـره
على عشيـرأ حـط واد الجريـر يسـار = وخلا الجثوم مـع ايمنـه مـع محاديـره
حداني على المنحى وانا ما اشتهي المحدار = حداني وراحت تمشي الرجل فـي صيـره
يانعنـبـو دارأ مهـيـب لعشـيـري دار = ما ابى الدار عقبه لو تكاشـف نواويـره


..

[سلطان نايف العضياني]

خيال الصفراء بيض الله وجهك

مشكور يالذيب

[ابو ضيف الله]

بيض الله وجهك يا خيال الصفراء على القصيدة الرائعة

واحب اصحح ان اسمه هو بطحي ابن غنيم



الا ياسعد قم صل وارم الحطب فالنـار = تكلـف وكلـن سالمـأ مـن مخاسيـره
تجيك الطراقي والطراقـي تجيـب اخبـار = تجيك الطـروش وكـل طرقـي بتقديـره
والا واوجود وجـد ملحـأ تديـر احـوار = طرحه الوجـع ويديـره الذيـب واتديـره
على عشيـرأ حـط واد الجريـر يسـار = وخلا الجثوم مـع ايمنـه مـع محاديـره
حداني على المنحى وانا ما اشتهي المحدار = حداني وراحت تمشي الرجل فـي صيـره
يانعنـبـو دارأ مهـيـب لعشـيـري دار = ما ابى الدار عقبه لو تكاشـف نواويـره

[محمد العتيبي]

ابيات رائعه للمرحوم بطحي بن غنيم الغنامي ..

شكرا لك

وتم تعديل الاسم
..