وفاة االابداع في ساحة المحاورة

[وحي العقل]

/
1
(مرحبا عد همال الخيال ,)
2
(مرحبا بالبعيد ومرحبا بالقريب ,)
3
( مايشيل الحمول الا الجمال )
4
( الله يعز الشجرة اللي كلنا في ظلها )
5
( واللي تغني بها حنا نغني بها )
6
( والكلمة الطيبة من حظ من قالها )
7
( مال المواقف غير راعيها )
8
( مرحبا في حلال اهل الكرم والجود )

نماذج قليلة من ابيات قالها كبار شعراء الساحه
سابقاً ولازالت تستخدم , :)

في احد اللقاءات الصحفية سئل شاعر الخليج صياف الحربي رحمه الله
مارايك فالشعراء الشباب ؟ قال هناك شعراء جيدين ولكن لم يأتوا
بشئ جديد بل مشوا على ماهو مرسوم قبلهم ,,

نعم نعم نعم نعم نعم نعم لم يأتوا بجديد ,


المشكلة ليست متوقفة على الشعراء الشباب بل الكبار المبدعين نضب
معينهم ايضاً :)
فلم نرى لهم ابداع الا قليل ,

الابداع في ساحة المحاورة غير موجود اطلاقًا الان الا مع عده شعراء
لايتجازوزن عدد اصابع اليد الواحده وعلى راسهم حبيب العازمي
وعبدالله الميزاني ,


هل لم يستطيع شعراء المحاورة تجاوز الكثير من المصطلحات
مثل سمحة وام الكباير وشعيل والشداد والخطام والنار والفتيل ...ألخ

لماذا هذا التكرار الممل ,, ؟

لماذا عندما تسمع الان لاتسمتع بما تسمع ؟ :)

لماذا اضحت القلطة تركيب قوافي فقط .؟:)




اخيراً من الامثلة على الابداع /

يقول مطلق الثبيتي /
البعير اللي يشيل الحمل عود يرضع امه
بعد قالوا شامخ النيبان مردوم السنامي

يقول صياف الحربي /
سبحان من شال عرشه واستقل بسماه
الارض يدخل تحتها من مشى فوقها

يقول حبيب العازمي :
ترى السنام اللي على الثور لازم يميل يمين ويسار
وابوك يادنياً دبوره مثل السنام اللي على الثور :)

يقول ملفي المورقي :
يالمطيري شارب الفنجال مايشرق بريقة:)
وانت تدري بالخبر يومٍ للبحر اصطفاقي

يقول مستور العصيمي :
غدت بك اللي ظهرها ظهور وعنقها عنق ريم
اليا بغت درب سارت به واهلها مايربونها

يقول عبدالله الميزاني

الله يغش الجاهل اللي يحسبن الصيت صـوت
لا يحسبنه شايل الدنيـا علـى سطـح القمـر :)

[حاكم الغنامي]

الله يغش الجاهل اللي يحسبن الصيت صـوت
لا يحسبنه شايل الدنيـا علـى سطـح القمـر


الله الله

عبدالله الميزاني شاعر مبدع


وانا اوافقك اخي وحي العقل :)


اسم على مسمى ياوحي:)

[سلطان بن دحيم]

وحي العقل


انا اشهد انك صادق يا كثر نسمع هالابيات وغيرها واجد

(مير حافظ على غترتك وعقالها )
(لا تحداني ترا ما انته بقدي )
(ياليل يا ليل يا ليل السعد )
(ابى اذبح العقرب اللي رزت ذنيها)
(ابى اذبح الحيه اللي حكة جنيبها )


ومثل ما قال سفر الدغيلبي


عليك بالكرمه اللي في صحنها سمنها سال = ما فالعضام البوالي فايده لو تعرشها

تقبل مروري وتحياتي واعجابي

[محمد العتيبي]

المميز / وحي العقل

دائما مواضيعك حساسه وتعالج مايدور في داخل الساحه

الشعبيه وخصوصا فن المحاوره ..

وهذا مايميزك يااستاذ ..

موضوع رائع وأوافقك عليه ..

تحيتي
...

[ولد ميسان]

لانه وبنسبة 80% لم يبقى هناك شيء يطلعون فيه الشباب غير مواويل الأغاني

وتقريبا الجمهور يتحمل نسبه كبيره فالسبب لأنه يريد محاورات مكشوفة المعنى وتتطرق للقبايل ويبغى الشاعر يشبه الشاعر اللي امامه بمغني او مغنيه

خلاص كل شيء اخذوه الأولين ولم يبقى الا شيء قليل نتمنى ان يظهروا بشيء منها

[بندر المرشدي]

وحي العقل



قلم مميز نشكرك على طرحك الاكثر من رائع



وفعلا ساحة المحاورة هالايام لك عليها لكن هناك


شعراء مازال يتدفق ابداعهم مثل النماذج التي ذكرت


وعلى شأن ما تصير نظرتنا سوداوية نقول في ساحة

المحاورة الغث والسمين

[المرقاااب]

حبيب العازمي<>سوار الذهب
قمة تنااافس قمه

[ابو فيصل الحربي]

اي والله انك صادق اخوووووووي وحي العقل وانت كلك عقل ماشاء الله عليك



وصادق والله بس فيه شاعر اعطى الساحه الشعبيه ولا يزال بروح الحماس والابداااااااااااااااااع



وهو الذي لا يختلف على ابداعه 2 هو الشاعر العلم


حبيب العازمي ...... ابو فيصل




الله يخليه لنا يبدع لنا ويطربنا





من اشد المتابعين له ومن اشد المعجبين فيه




وكذلك شاعر اخر وهو

الشاعر الشاب المميز / فلاح المورقي العتيبي فهذا الشاعر
كانت الايام كريمه بانجابه لنا ... فالله يحفضك يا ابو خالد من كل مكروووووووووووووه




ولا اقلل من الشعار الثانيين فكلهمن فيهم البركه والخير



وحي العقل.. طرح موفق وتقبل تحياتي وصادق تمنياتي
لك بالتوفيق يالغالي

[بدر المر]

خذ ذي بعد :

مافات بجماد تحصله في رجب ( جميع محاورات تركووه على هالقاف تسمعها )

الرغا عيب الجمل لا رغا بعد الهدير ( دائما يستخدمها تركوووه )

تذكر وش اللي صار من عدة شهور

سدد الفواتير

هاذي كلها لتركووه

البندق والنيشان مستحيل تمر محاورة لعبدالله بن عتقان ماتسمعها

[.. خالد الثبيتي ..]

صدقني في مبدعين ماخدمهم الاعلام
وفيه سيئين وخدمهم الأعلام
وأغلبهم السائرون على درب المووايل والأغاني

وهنا المشكلة


لاهنت ياوحي العقل

[نادر العش]

.


وحي العقل ..


انا مبطي ما كتبت ..
وانت كلامك دافع للكتابة , ولكني اعتذر عن الاطالة:

يقول الزلامي في احدى محاوراته مع زيد بن سلمي :

(لا عوّدت نظرة الرجال عند قدمه .... ودّك ترجّه على علباه بأكبر حصاه)


بيت حكمة في زمننا ..




في عبارة دائما ً يرددونها الشعراء :
((((( زنقرة في راس عود )))) ,, ههههههه .



شكراً يا وحي العقل ..


.

[نايف الثبيتي الروقي]

لاهنت على الطرح وبيض الله وجهك

[وصل العطياني؟؟؟]

موضوعك رائع أخوي "وحي العقل"

و راح اشارك معكم الرأي ...

من وجهة نظري الشخصية ان أول اسباب تكرار الأبيات المستهلكة هو تكرار الوقفات المستهلكة ..!!

أغلب الشعراء يتعبون مع القوافي السهلة مثل ( آنها , أونها , ... الخ )

لأنها قيلت قبلك مليون مرة ,, وتحصل بعض الشعراء ما عنده مشكلة ,,

اذا القاف على ( اونها ) تأكد انك بتسمع :

التمرة اللي وسط عرجونها , والبضاعة جوف كرتونها , والامانة عند مامونها , والامانة صونها صونها


اللهم انك تزيد كلمه هنا او هناك ويجي معك بيت :)


ولكن اللي يساعدك على الابيات الجديدة : القافية الغير مستهلكة

والفكرة الجديدة وهي في الغالب مع القوافي الجديدة ...




تحياااااااااااااتي

[ابو فايح]

موضوع رائع يا اخ وحي العقل مثل ماقال الشاعر الكبير وصل ان البلا في القافيه .........

فنادرا ما اجد محاورة تنتهي قافيتها بحرف الصاد مثل هذه المحاوره

بخيت السناني






الا يا معشر الصفين باقي ساعة الا نـص
عساها يا صفوف اللعب ما تاقف عقاربهـا
حبيب يا حبيب وش سبب غيبة سليم الحص
ترا دايم حضور القوم تهرج دون غايبهـا


حبيب العازمي


تكلم يالسناني ساعة الا ربـع ثـمً اص
وعلم القافلة يطلع ويرجع عند صاحبهـا
ترا بإمكانك انك تسأل الي بالخبر مختص
انا اصدق اعلومك والعرب يمكن تكذبهـا

[هاني خاشقجي]

اهل الابداع اثنين

حبيب البدو وحبيب الحضر :):):)

[رعد الروقي]

البلا فالشاعر ماهو فالقاف


اللي يبني بيوته من راسه


لو ان القاف ال الها ام اومها


ما علاه تلقاه يبدع افكار جديدة ما يقلد غيره



والشيء السيء ان ينجرف الشاعر مع القافية

[فهد الزهراني]

خذ عندك

الجبال بكل اساميها

البحر وموانيه

السفن ..وهلم جراء ...

كلامك صحيح واوافقك عليه والعشم في الشعراء الشباب....

[OTAIBAH]

/
1


اخيراً من الامثلة على الابداع /

يقول عبدالله الميزاني

الله يغش الجاهل اللي يحسبن الصيت صـوت
لا يحسبنه شايل الدنيـا علـى سطـح القمـر :)




الله يغش!!
:confused:

[ابوتيجان]

/
1
يقول مستور العصيمي :
غدت بك اللي ظهرها ظهور وعنقها عنق ريم
اليا بغت درب سارت به واهلها مايربونها


تصحيح الشطر الاول

غدت بك اللي ظهرها ظهر ثور وعنقها عنق ريم


والابداع ليس عند كل شاعر وليس كل يوم

[سحيم العصيمي]

لاهنت ياوحي العقل على الطرح المُميز

اوافق العمدة في الرأي

otaibah

:)