الله يوفق كل راعي مهمه

[سلطان بن دحيم]

الا يا جماعه كل ابوكم مساء الخير = يقوله عتيبي(ن) رضاكم يهمه
الا يا عتيبه صار فالوضع تغيير = وعسى الله يوفق كل راعي مهمه

[مطر المطيري]

مسا النور عن كل القروم الشواعير=يقوله مطيري(ن) طلع راس قمه
ويش الي تغير يازبون المخاسير=لعلك بخير وكل فرض(ن)تتمه

[سلطان بن دحيم]

مطر يعترض للوارده والمصادير= وانا ما امدحه والله ولاني بذمه
انا ما اقدر اعلمك وانته من مطير = وسر الرجل يبديه لعيال عمه

[مطر المطيري]

أنا جار ومسير ولي حق تقدير=ولااغتبت جيراني ولااجي بنمه
ترى السر بين ثنين وانتم طوابير=وريحة غداكم كل جايع يشمه

[سلطان بن دحيم]

يا جار العلوم علوم من دون تفسير = وحنا نعرف اللي يجيب المطمه
عتيبه تشاور بينها خير يا طير = تجسس تبى علم(ن) يبين وتخمه

[مطر المطيري]

على وجيهكم حنا قرينا التعابير=تعابير مرسومه على الوجه رسمه
رجيتو بشاير خير جتكم معاصير=وحملك ثقيل وبين الامتان زمه

[محمد العتيبي]

هههههههه

الله الله الله

ياسلام عليك ياسلطان .. وصح لسانك ياذيب ..


مطر المطيري
الله يحييك يالغالي .. وصح لسانك .. ومرحبا ومسهلا ..

واااصلواا وللأبداع بقيه ..

متااابع
..

[مطر المطيري]

محمد العتيبي
!!!!!!!!!!!!!!!!!!!!!!!!!!!!!!!!!
صحت ابدانك وبقيت

[سلطان بن دحيم]

الا يا مطر ما معك للقول تبرير = تفوه وفوقك غيمة(ن) مدلهمه
عتيبه ترجا الله ياراجي الغير =يا راع العلوم اللي على غير يمه

[سلطان بن دحيم]

محمد شرفتني بمرورك لاهنت

[مطر المطيري]

عسا الله يصلح شان كل المناعير=وانا ادعي لتباع الرسل والأمه
تبا تخفي الدعوى وهي كنها النير=اثرها صحيح ان اكثر الكثر نقمه

[سلطان بن دحيم]

دعيت ونقول امين ونواصل السير = وندعي على سود القلوب المخمه
هقاوي عتيبه فوق وانتم مخامير = وعلى كثركم ما بينكم طيب ذمه

[مطر المطيري]

منول ليا جيناك تنحاش وتنير =ولا انقذك غير الي كبير(ن)معمه
دموعك من الراعه تقاطر شخاتير=وهرجتك زور ولاورىالزور حكمه

[سلطان بن دحيم]

خف الله ترا التاريخ ما فيه تزوير = بطون الكتب علم الحقيقه تظمه
تقاطر دموعي كيف وانتم مدابير = ومظهوركم جمع النشاما يلمه

[مطر المطيري]

ياخوان ويش قصتكم قفلتو علي وشلتو الموضوع وبعدين رجعتوه
عسا ماجا مني خلاف

[سلطان بن دحيم]

مطر الموضوع ما شيل ولا احد قفل

[مطر المطيري]

ياذكي العرب ذكياه اثركم دوافير=تعرفون ذاك العضو لو غير اسمه

وتصبح على خير ياسلطان شاعر ولا فيك حيله شرفتني

[سلطان بن دحيم]

حياك الله وكل واحد ومجهوده

[ابو فايح]

الا يا عتيبه صار فالوضع تغييـر**وعسى الله يوفق كل راعي مهمه

معنى جميل جدا ولكن لم يجد من يفهمه صح لسانك يابو دحيم



ياذكي العرب ذكياه اثركم دوافير**تعرفون ذاك العضو لو غير اسمه

كسر واضح جدا اتمنى ان تنتبه له اخي صقر

[أبو مصلح 511]

الله الله


صحت السنتكم



ابداع



واصلوا

[سلطان بن دحيم]

ابو فايح


صح بدنك شرفتني بمرورك

[سلطان بن دحيم]

ابو مصلح


صح بدنك وبيض الله وجهك على المرور


تحياتي