سمران القثامي
02-May-2004, 04:59 PM
ياوجودي وجد من صكوا عليه أهل الركايب=مع قبال الليل في ساقه صواب بوارديه
لاقريبٍ ينتظر فعله ولاحوله قرايب=في نحيه والفزوع اللي يباهم في نحيه
والله إني ياملاك الحسن منسوع الذوايب=من سبايب شوفتك وارد على حوض المنيه
كل ماأذكر شوفتك يشتب في صدري شبايب=والبلاء لاجيت أبا أنسى ماحصل00يطري عليه
ياعيون اللي ملاجيها منيفات الرقايب=وأهني اللي تهرج معك00لوربع عشويه
يوم شفتك ملت مثل الغصن لاهبت هبايب=قلت 00بسم الله عليك00ورحت كلي مرحميه
العجايب سبع وانتي ياغلا 00كل الغرايب=ماتركتي للصبايا لاكثير ولابليه
أشهد إنه ينتعب لك بالرجال وبالركايب=ياملاك تنفدين بناظري 00هذي 00وذيه
ليتها وقت مضى يوم المغازي والنهايب=يوم راع الشف يأخذها بعزم ومعنويه
والله إني لاأبردالقلب الحريق من اللهايب=لين أسجلها مثل قيس وغرام العامريه
مادريت إن المحبة تورد الناس النشايب=لين شفت اللال دونك يطرد بالمهمهيه
جعل من لام المولع بالعواتق 00والترايب=مابقى له من سنين يعيش مجهول الهويه
ليت ربي خالق لي فالحنايا00قلب شايب=مانشر للحب في قلبه نشور ولارعيه
وسلامتكم
لاقريبٍ ينتظر فعله ولاحوله قرايب=في نحيه والفزوع اللي يباهم في نحيه
والله إني ياملاك الحسن منسوع الذوايب=من سبايب شوفتك وارد على حوض المنيه
كل ماأذكر شوفتك يشتب في صدري شبايب=والبلاء لاجيت أبا أنسى ماحصل00يطري عليه
ياعيون اللي ملاجيها منيفات الرقايب=وأهني اللي تهرج معك00لوربع عشويه
يوم شفتك ملت مثل الغصن لاهبت هبايب=قلت 00بسم الله عليك00ورحت كلي مرحميه
العجايب سبع وانتي ياغلا 00كل الغرايب=ماتركتي للصبايا لاكثير ولابليه
أشهد إنه ينتعب لك بالرجال وبالركايب=ياملاك تنفدين بناظري 00هذي 00وذيه
ليتها وقت مضى يوم المغازي والنهايب=يوم راع الشف يأخذها بعزم ومعنويه
والله إني لاأبردالقلب الحريق من اللهايب=لين أسجلها مثل قيس وغرام العامريه
مادريت إن المحبة تورد الناس النشايب=لين شفت اللال دونك يطرد بالمهمهيه
جعل من لام المولع بالعواتق 00والترايب=مابقى له من سنين يعيش مجهول الهويه
ليت ربي خالق لي فالحنايا00قلب شايب=مانشر للحب في قلبه نشور ولارعيه
وسلامتكم