خلووووووها

[ابو بندر]

سلام من بال ليا هوجس سرى في كل صوب=سوات طير هده القناص والساري سرى
يكفخ على روس الجبال من الشمال اليا الجنوب=ون جا على شاطي البحر غواص والساري سرى

[حاكم الغنامي]

الله الله


صح لسانكـ


يابو بندر


رائع

[ابو بندر]

الاخ حاكم الغنامي
صح الله بدنك
الرائع تواجد يالغالي

[عيد العازمي]

سوات طير هـده القنـاص والسـاري سـرى


الله الله



يابو بندر


رائع


والحمد لله على عودتك سالما


صح لسانك


وصح لسان قبيلك مقدما

الهمام ياشعار

[ابو بندر]

الاخ الشاعر/االعازمي

الروعه متابعتك لا عدمناك

والله يجعلك سالم انشاء الله
شكر لك

[طائر الاشجان]

الله الله


يامرحبا ترحيبة ٍ ميقاعها وسط القلوب = من شاعر ٍ في ماقفه ماحاص والساري سرا
ياطير يالي تكفخ الجنحان شالتك الهبوب = ماكل طير ٍ يعرف المخلاص والساري سرا

[الأعرابي]

ابو بندر
طائر الأشجان
صحت الألسن
بدع ورد راقي جدا

[بندر المرشدي]

صحت السنتكم واصلوا

[ابو بندر]

لك البقى يللي ترحب ما نبا نغوا الدروب=نرمي الهدف بالبندق ام رصاص والساري سرا
ان هبت الهبان لطير اعتلى فوق السحوب=وليا نزل قص العظام اقصاص والساري سرا

[ابو بندر]

الاخ الاعرابي
صح بدنك
الراقي ذوقك ياالنشمي

[ابو بندر]

الاخ الكريم بندر المرشدي صح بدنك
شكرا للمتابعه

[طائر الاشجان]

ابو بندر معليش الاتصال عندي رايح فيها المعذره



التاجر الي يدخل الاسواق مليان الجيوب = مايتشري غير الذهب والماص والساري سرا
مودٌنا نعطيك حمله مثل حملات الجيوب = وانته لحم وعظام منته شاص والساري سرا

[جنرال الدعاجين]

كفوو

سلام علينا و على المجتمعين *** و اشكر ابو بندر على الها البيت

شاعر مطافيق تباري مطافيق *** تجيه رمحا لكن صنديد 2000

[ابو بندر]

التاجر اللي يشتري سلعه ولا فيها عيوب=مايحسب الارباع ولانصاص والساري سرا

ماودي اعاملك عملة من عصا عيا يتوب=انكتفه ونحمله فالباص والساري سرا

[طائر الاشجان]

ان كان ابو بندر على ماقيل ناوي بالحروب = نبا نغفصه غفصت الغفاص والساري سرا
الله يكافينا البلاوي والمصايب والذنوب = ياطير يالي داخل الاقفاص والساري سار

[طائر الاشجان]

الاخوااان الي مروو هناا جميعااا


صحت ابدانكم وشرفتوا ونورتوا

[ابو بندر]

اللي يخالف دربنا ماهو علانا بمحسوب=ياللي تمص الزاد بالمصاص و الساري سرا
هذا كلام الصدق من صاحبك ماهو بالكذوب=يزيد ماينقص منه نقاص والساري سرا

[ابو بندر]

طائر الاشجان اسعدني لقائك في هذا الطاروق

صح لسانك

الخاتمه عندك

[طائر الاشجان]

الي على درب السنع مايلحقه لوم وعيوب = تمر الحسا ماهو كما الاخلاص والساري سرا
ترا الرحاه المستديره تدرج فوق الحبوب = هذا كلام الصدق يامشقاص والساري سرا


ابو بندر صح بدنك الله لايهينك وتشرفت بمجاراتك على هذا الطروق النشبه :)