الهمس والقناديـــــل

[خالدالعصيمي]

كان السهر غافي بهمس القناديل "=
ليلة غزاني صوتك اللي نسيته
وكان الهوى ورموشك اللي مضاليل "=
وشمٍ على حلو الليالي محيته
وكانت عيوني هاجسي والمواويل "=
باقي عتابٍ في ضلوعي طويته
حزين انا مثل الليالي المقابيل "=
لا طايلٍ حلمي ولاني جفيته
ياصاحبي لا تنشد الصبح عن ليل "=
ليل الغرام بطلعتك ماسريته
انا نسيت الشوق ما عاد بي حيل "=
غير اني امسح كل دمعٍ بكيته
صار الكلام وضحكتك والتعاليل "=
ذكرى قصيد وقلت عقبك سليته
لا تفتح عيوني تبوق المواصيل "=
روحي غدت يافلان حيه و ميته
وش جابك الليله مع لمعة سهيل "=
كانه حنين انا حنيني وطيته
هاك إسال دموعٍ عصتها المناديل "=
عن باقي عتابٍ حكى وما حكيته
ويا اخر جروح العمر ويا الغرابيل "=
عمر وتعدى وش تبي فيه جيته
صوتك غزا..وارتاب همس القناديل "=
ما هو جفا بس إني صوووتك نسيته


الشاعر
صالح الظفيري







-

[الدهاسي]

قصيدة رائعه
تسلم اخوي خالد
يعطيك العافيه

[خالدالعصيمي]

الدهاسي

مشكور على مرورك المعتاد والغير

مستغرب من الدهاسي

لك أجمل تحاتي

[((الدلبحي))]

تسلو يمناك
ياخالد على القصيد الجزل
تقبل تحياتي

[خالدالعصيمي]

((الدلبحي))

مشكور على مرورك الكريم

والغير مستغرب منك

تمنياتي لك بالتوفيق الدايم

[وصل العطياني؟؟؟]

اختيار موفق وجميل ..
صح لسانك ولسان الظفيري..


تحياااااااااتي

[خالدالعصيمي]

وصح بدنك ياوصل

تحياتي البعثره