تسجيل الدخول

مشاهدة النسخة كاملة : لك الله مانكبّك لين فوق الكبد تونسها!! المشرف سعـــــــود

عيد العازمي
15-Mar-2009, 09:37 PM
المشرف والعلم ابو طايل لحب الاستفاده اذا سمح وقتك

:):)



الا ياحضرة المشرف عليك الحرب من ذالحين = لك الله مانكبّك لين فوق الكبد تونسها!!

تركت الجوخه اللي من لبسها هد سور الصين = بعد ماكل متنك يالعصيمي من تلبّسها!!
سلطان الجـذع
15-Mar-2009, 09:40 PM
..

لك الله مانكبّك لين فـوق الكبـد تونسهـا!!
تكفى ياابو طلال لاتكب المشرف سعود لين يونسها صدق :)


صح لسااااااااااانك وانا دائماً وابداً في صفك
عيد العازمي
15-Mar-2009, 09:45 PM
ههههههههههه

ابو عبدالله

تهقا المشرف سعود يسمح يعدل العنوان؟؟


صح بدنك يالاسطوره


ومشرف وجودك في اي صف
بندر المرشدي
15-Mar-2009, 09:49 PM
ياسلام ياسلام



صح لساااااااانك يابو طلال


لكن اانا في صف ابو طايل لأول مرة على شأنه مشرف
نوآف الغنامي
15-Mar-2009, 09:54 PM
تركت الجوخه اللي من لبسها هد سور الصين
بعد ماكل متنـك يالعصيمـي مـن تلبّسهـا!!


الله الله

صح لسانك يا بو طلال ...........

وعلى شاااااانك ..

احشر سعود علاك ابه ..

ههههههههههههه

متااااااااااااابعين ..

وفي صف ابو طلال ..

..
سعود العصيمي
15-Mar-2009, 09:57 PM
عن اصحاب البشوت الشقر واهل السيف ابوحدين = تعيّن لك طريقآ تسلكه لاعاد تعمسها.
طلعنا فوق منها مانزلنا كانكم غاوين = تمسك بالمراجع والآوامر عند ريسها
فايز بن سرحان الثبيتي
15-Mar-2009, 09:59 PM
ياسلام يالعازمي عيد

ربي وربك الله




سعود العصيمي

مشرفنا لا عدمناك والصف صفك لعدة اسباب اهمها انك مشرف ! وانك حليف استراتيجي !
سعود العصيمي
15-Mar-2009, 10:01 PM
الاسطورة


حييت


خيال الصفرااا

مرحبا ومسهلا


وانطعتني تعال معي

ترا عيد ماهوب نافعك بعد شوي


تشووووف.



هههههه




بندر المرشدي


مرحبا مليووون يابو سلطااان


ويتشرف ويزهى بك الصف.
قادح شرار
15-Mar-2009, 10:04 PM
ههههههههههههه . :)

صح لسانك يا أبو طلال ...

وأنا اليوم في صفك ...

وصح لسان أبو طايل ...

ومتابعكم ..
عيد العازمي
15-Mar-2009, 10:08 PM
الله الله


عن اصحاب البشوت آنوب واهل السيف والمرتين = بدون اقصور فيهم مار من فعلي منومسها!!


تحسبنّك تبا تامن من القطّاع والسكين = علينا حيلتك ماتنطلي لو صرت مسسها!!
عيد العازمي
15-Mar-2009, 10:14 PM
بندر المرشدي


مرحبا مليووون يابو سلطااان

شرفتنا والعالم الله

................................................

خيال الصفرااا

مرحبا ومسهلا



ابك سعود مايحشره غار ربه

لكن مادامك انت والاسطوره وقادح شرار بالصف

يمكن اهجده بس حشر ما <<<<<اظن هههههه


......................................



ابن سرحان

مرحبا ومسهلا


ماهقيتها منك !! ههههههههههه

لكن دامك وجودك يا استاذي



...............................................


قادح شرار

مشرف

لاعدمتك

وصح بدنك



لاهنتم جميعا
سعود العصيمي
15-Mar-2009, 10:17 PM
انا ماقول فيك قصور وادري انك تسد الدين = لكن اهل البشوت ادرسك مانته مدرسها.



انا من خلقتي ماضاع لي عند العرب قرشين = لكن ياعيد دعواك القديمه لاتمارسها.
سلطان الجـذع
15-Mar-2009, 10:20 PM
عن اصحاب البشوت آنوب واهل السيف والمرتين
بدون اقصور فيهم مار مـن فعلـي منومسهـا

نعم نعم :)
%الصامل%
15-Mar-2009, 10:21 PM
قال العازمي

الا ياحضرة المشرف عليك الحرب من ذالحين=لك الله مانكبّك لين فـوق الكبـد تونسهـا!!
تركت الجوخه اللي من لبسها هد سور الصين=بعد ماكل متنـك يالعصيمـي مـن تلبّسهـا!!

ورد سعود العصيمي

عن اصحاب البشوت الشقر واهل السيف ابوحدين=تعيّـن لـك طريقـآ تسلكـه لاعـاد تعمسـهـا.
طلعنـا فـوق منهـا مانزلنـا كانكـم غـاويـن=تمسـك بالمراجـع والآوامـر عـنـد ريسـهـا



فتل ونقض متميز لكما الشكر
ناصر الجلاه
15-Mar-2009, 10:21 PM
..

العازمي .. سعود العصيمي

..

صحت ألسنتكم يامبدعين .. والصف عصيمي والرزق من الله مادام الجذع مع عيد :)

واصلووووا متابعين للفائده

..
سلطان الجـذع
15-Mar-2009, 10:24 PM
...



طيب طيب يالجلاه مسلطك الله على المهزوم تمسك

صفه دايم :) ...
سعود العصيمي
15-Mar-2009, 10:28 PM
ابن سرحان


قادح شرااار


الصامل


ناصر الجلاه


مرحبا ومسهلا ملايين
سعود العصيمي
15-Mar-2009, 10:30 PM
سلطان الجذع


مامعك الا قادح شرااار


ووضعكم مزري



ههههه
عيد العازمي
15-Mar-2009, 10:31 PM
رفيقك طابقك بالفعل يومٍ الفعول اتبين = على فعل الذيابه مايدل الا مفارِسها !!


منوّل كنت تاخذ حقك الوافي ولو بيدين = وذاالحينه كبرت وغترتك باقي تمسمسها !!
عبدالله الجـــذع
15-Mar-2009, 10:43 PM
الله ياشعرائنا الكبار

صحت السنتكم

الهرش Vs ابو طلال

كلاسيكو المنتدى :)



وانا مع الهرش


عطونا الما يالربع

وعطو العازمي النار :(

هههههههههه

متابع
عيد العازمي
15-Mar-2009, 10:44 PM
الصامل


ناصر الجلاه


مرحبا ومسهلا ملايين



ناصر ابك انا احامي عن النخبه <<<<<<< ههههه


لاعدمتكم جميعا


سلطان الله الله


ازهل الهرش


والصف ماشاء الله مدهر
سلطان الجـذع
15-Mar-2009, 10:46 PM
رفيقك طابقك بالفعل يـومٍ الفعـول اتبيـن
على فعل الذيابه مايـدل الا مفارِسهـا !!
منوّل كنت تاخذ حقك الوافي ولـو بيديـن
وذاالحينه كبرت وغترتك باقي تمسمسها !!


خف الله يامسلم :) تراك بهذلته هههههههههههه
عيد العازمي
15-Mar-2009, 10:48 PM
عبدالله الجذع

كلاسيكو<<<<<<< هههههه ريال مدريد


لاعدمناك دائم وجودك غير


صح بدنك


والصف اللي انت فيه من حظ راعيه <<<<<الهرش
سعود العصيمي
15-Mar-2009, 10:48 PM
وانا خابر صحيبك حملك حملٍ ثقيل وشين = وانا فعلي من فعول الذيابه في غطالسها.


اظن اللي توصل للمعالي فالقسى واللين = اخير من الذي حالته وحده وامتقيسها
عبدالله الجـــذع
15-Mar-2009, 10:58 PM
خف الله يامسلم :) تراك بهذلته هههههههههههه

نبا نشوف من اللي بيتبهذل شوي :mad:

القوي من يضحك اخرا ;)
عيد العازمي
15-Mar-2009, 10:59 PM
تجيب الهينه وتقول كيتي والعرب دارين = علومٍ ماترددها النشاما في مجالسها!!


بعد جبت الرحا حب العصيمي قبل كان طحين = غريبه طاحنن حبه قبل فالنار نحمسها!!
عبدالله الجـــذع
15-Mar-2009, 10:59 PM
وانا خابر صحيبك حملك حملٍ ثقيل وشين
وانا فعلي من فعول الذيابه في غطالسها.
اظن اللي توصل للمعالي فالقسى والليـن
اخير من الذي حالته وحـده وامتقيسهـا



وانا خابر صحيبك حملك حملٍ ثقيل وشين
وانا فعلي من فعول الذيابه في غطالسها.
اظن اللي توصل للمعالي فالقسى والليـن
اخير من الذي حالته وحـده وامتقيسهـا


وانا خابر صحيبك حملك حملٍ ثقيل وشين
وانا فعلي من فعول الذيابه في غطالسها.
اظن اللي توصل للمعالي فالقسى والليـن
اخير من الذي حالته وحـده وامتقيسهـا



الله الله يابو طااايل

عليك ابه هو وحزبه :)
أبونواف
15-Mar-2009, 11:00 PM
صح لسانك ياسعود


-----------------------------------------

وصح لسانك يالعازمي
عيد العازمي
15-Mar-2009, 11:02 PM
نبا نشوف من اللي بيتبهذل شوي :mad:

القوي من يضحك اخرا ;)



الرجا عدم المناوشه بين الصفوف :cool:

والتزام الهدوء من الصف اللي عليه الميل :eek:
عيد العازمي
15-Mar-2009, 11:08 PM
أبونواف


صح بدنك

ومشرف اخوانك لاهنت
سعود العصيمي
15-Mar-2009, 11:13 PM
انا ماني بمثلك وتعاملّي على وجهين = ابو وجهين اله مله ووجهينه منجسها.


تدوّر لك رحاةٍ ماتغير حبنا شكلين = لكن ريّح قبل لاطحن حبوبك من مرامسها.
سعود العصيمي
15-Mar-2009, 11:16 PM
عبدالله الجذع



مرحبا مليووون


ودامك معي لايهمك سلطااان وصفه
سعود العصيمي
15-Mar-2009, 11:16 PM
ابو نواف


صح بدنك
عبدالمجيد العطاوي
15-Mar-2009, 11:30 PM
الله اكبر الله اكبر الله اكبر الله اكبر الله اكبر الله اكبر الله اكبر الله اكبر الله

الأستااااااااااذ عيد العازمي صحّ لساااااانك مليون x مليون ...مبدددددع والابداااااع ليس عليك غريب فأنت جامعة منتدى الهيلا في المحاورة من غير قصور في الشعراء الباقين


سعود العصيمي تعجز الكلمات عن وصفك يابو طايل واشهد انذك مكسب حقيقي للمنتدى والشعر كافة لك خالص تحيّاتي وودّي وأعجابي الشديد
عيد العازمي
15-Mar-2009, 11:33 PM
قبل لاعرفك ياسعود العصيمي مال فرقا العين = عصامي واليمين الطايله يحرم مادنسها!!


نباك معين وانته يالعصيمي مالقيت معين = مشاهيب الجمر عيبٍ على مثلك يحسحسها!!
عيد العازمي
15-Mar-2009, 11:40 PM
استاذي


سعود


صح لسانك

ويعلم الله لازلت استقي منك الابداع بكل صوره


مجرم وشاعر من الدرجه الممتازه


الختام عندك ياعلم


لاهنت على قبول الدعوه يامشرفنا الموقر


.................................................. .


عبد المجيد العطاوي

ماعلاك زود وانت من مناهل الابداع بهذا الصرح الشامخ


اشادة منك تعتبر تاج لنا


ودام وجودك


وصح بدنك
سعود العصيمي
15-Mar-2009, 11:47 PM
قبل لاعرفك وانته عازميٍ بين حين وحين = امرك وتونس معك واصحابك تونسها.


ابا اعينك ليامنك طلبت العون في ثنتين = لياضعفت عزومك والوغى تقبس مقابسها.
سعود العصيمي
15-Mar-2009, 11:54 PM
عبدالمجيد العطااااوي

يامرحبا ويامسهلا

ياأستأذي


شكرآ لاطرائك الجميل

وماعليك زود يابن العم
سعود العصيمي
16-Mar-2009, 12:01 AM
عيد العازمي =

الا ياحضرة المشرف عليك الحرب من ذالحين=لك الله مانكبّك لين فـوق الكبـد تونسهـا!!
تركت الجوخه اللي من لبسها هد سور الصين=بعد ماكل متنـك يالعصيمـي مـن تلبّسهـا



سعود العصيمي =

عن اصحاب البشوت الشقر واهل السيف ابوحدين =تعيّن لك طريقآ تسلكه لاعاد تعمسها.
طلعنا فوق منها مانزلنا كانكم غاوين = تمسك بالمراجع والآوامرعند ريسها



عيد العازمي =


عن اصحاب البشوت آنوب واهل السيف والمرتين=بدون اقصور فيهم مار مـن فعلـي منومسهـا!!
تحسبنّـك تبـا تامـن مـن القطّـاع والسكيـن=علينا حيلتـك ماتنطلـي لـو صـرت مسسهـا




سعود العصيمي =

انا ماقول فيك قصور وادري انك تسد الدين = لكن اهل البشوت ادرسك مانته مدرسها.
انا من خلقتي ماضاع لي عند العرب قرشين = لكن ياعيد دعواك القديمه لاتمارسها.





عيد العازمي =

رفيقك طابقك بالفعل يـومٍ الفعـول اتبيـن=على فعل الذيابه مايـدل الا مفارِسهـا !!
منوّل كنت تاخذ حقك الوافي ولـو بيديـن=وذاالحينه كبرت وغترتك باقي تمسمسها !!



سعود العصيمي =

وانا خابر صحيبك حملك حملٍ ثقيل وشين=وانا فعلي من فعول الذيابه في غطالسها.
اظن اللي توصل للمعالي فالقسى والليـن=اخير من الذي حالته وحـده وامتقيسهـا




عيد العازمي =

تجيب الهينه وتقول كيتي والعـرب داريـن=علومٍ ماترددها النشامـا فـي مجالسهـا!!
بعد جبت الرحا حب العصيمي قبل كان طحين=غريبه طاحنن حبه قبل فالنـار نحمسهـا



سعود العصيمي =

انا ماني بمثلك وتعاملّـي علـى وجهيـن=ابو وجهين اله مله ووجهينـه منجسهـا.
تدوّر لك رحـاةٍ ماتغيـر حبنـا شكليـن=لكن ريّح قبل لاطحن حبوبك من مرامسها.




عيد العازمي =


قبل لاعرفك ياسعود العصيمي مال فرقا العين=عصامي واليمين الطايله يحـرم مادنسهـا!!
نباك معين وانته يالعصيمي مالقيـت معيـن=مشاهيب الجمر عيبٍ على مثلك يحسحسها!!



سعود العصيمي =

قبل لاعرفك وانته عازميٍ بين حيـن وحيـن=امرك وتونس معك واصحابـك تونسهـا.
ابا اعينك ليامنك طلبت العون في ثنتيـن=لياضعفت عزومك والوغى تقبس مقابسها.
سعود العصيمي
16-Mar-2009, 12:07 AM
ابو طلالال


بيض الله وجهك يااستأذي

المبدع الرااائع


وصح لساااانك مليوووون

اسعدتني بهذه الفرصه الرااائعه التي استفدت منها بمجاراة شاعر كبير بحجم عيد العازمي

تصبح على خير


وشكرآ لصفوفي الرااائعه


ومن تابعنا ومر على هذه الصفحه.


تصبحون على خير جميعآ.
زياد المزرمي
16-Mar-2009, 12:15 AM
الله الله


طاروق كايف فايف ستار



سعود العصيمي

صح اللسانك يالقررم كالعاده مبدع وجزل

بحر يا ابو طايل



عيد العازمي

صح السانك يا مجرررم

الابداع يخضع الى ما تقدم يا ابو طلال


استمتعت بقراءة الطاروق

دمتم بوود
حاكم الغنامي
16-Mar-2009, 11:53 AM
فعلا عمالقه



صحت السنتكم




بصراحه استمتعت بها الطارووق



لاهنتو