أجمل بيت شعر سمعتة ( المشاركة للجميع )

[داهية عتيبة]

بسم الله الرحمن الرحيم



موضوع نعود ألية ونكررة مرة تلو الأخرى لأنة موضوع أكثر من رائع

ولابد من كل الأعضاء المشاركة معنا




ونبدأها بهذا البيت وهو للشاعر محمد بن طمحي الذيابي




الله ولا رزقن ورى رخاية الراس=فقر الجيوب ولا حيات المذلة



تقبلوا تحياتي ....

[خالدالعصيمي]

أسعدت مساء وصباحا

موضوع طيب وخذ مني

على الطــــــــــاير


الله ليامنه نواك بمسره "=

أنزل عليك من الاسابيب وأظهرك

والله يامنه نواك بمظره "=

لو أنت في عال الشواهيق حدرك

[العاقل]

الأبيات الجميلة كثيرة :
ولكن من أجملها أبيات لراشد الخلاوي يقول فيها :
قولوا لبيت الفقر لا يامن الغنى ,, وبيت الغنى لا يامن الفقر عايد
ولايامن المضهود جمع يعزه ,, ولايامن الجمع العزيز الضهايد
وإذا أردتوها كاملة ,, قولوا لي وأبشروا ,,

[الكاتب]

واخير منهن ركعتين بالاسحار 0000لاطاب نوم اللي حياته خساره

يبدولي انه من اقوى الابيات معنى ومغزى

[((الدلبحي))]

مساء الخير
ياداهية عتيبه
اجمل بيت سمعته لشاعر رشيد الزلامي
العز لنفس واجب والحيا سنه
وانا يديني من الثنتين مليانه
وبيت لشاعر سلطان الهاجري
اعرف الكذبه لياجات من فم الكذوب
ليا قعد يرخي لسانه ويرفع برطمه
وسلامتكم

[سلطان الحافي]

موضوع جميل جدا
وارى الناس ومشاعرهم تختلف والابيات الجميله كثيره
ومن البيات التي اثرت علي بمعناها هي
لشاعر: سعد المغيري

ياعبيد تذكر ديار الرفاقه مريفه 00 واللي مع الاجناب كنه على نار
يمنن بلا يسرى تراها ضعيفه000 ورجل بلا ربعٍ على الغبن صبار

[صـويب الرمـــش*]

أنا معكم على الخير والشر...
واستلموا البيت اللي يقول فيه الشاعر خالد الكسر:

جتني هياء بحجاجها الموت مقرون *** من مشيها تاطى على فرش ديباج

[الدهاسي]

مشكور اخوي داهية عتيبة على موضوعك
اجمل بيت الي هو للشاعرمحمد السديري
لاخاب ظني بالرفيق الموالي = مالي مشاريه على نايد الناس
يا عل قصر مايجيله اظلالي = ينهد من عالي مبانيه لساس
لاصار ما هو مدهل للرجالي = وملجا لمن هو يشكي الظيم والباس

[ابن هوازن]

جامل زمانك لو حصل فيه تقصير

محدن تجي دنياه حسب اختياره

[آلاد مشيب]

والله موضوع طيب وهذه هي اول مشاركه اشاركها في هذا المنتدى الطيب صراحه اللي رفع روس عتيبه عموما والله يجزاء من صممه بالخير ولن تكون هذه اخر مشاركه لي لكن سابحث عن المواضيع المتيزه واضعها في المنتدى انشالله.

احسن قصيده مرت علي هي لرشيد الزلامي:-

ياموزع النعم خل النعم لاصحابه....................ماينعطي غير للي يستحقونـــــــه
النعم ينعطي لرجلٍ فاتحٍ بابـــه...................للضيف وليا بغوه بحال يلقونـــــــه
اللي بوقت اللزوم يبين مضرابــه..................سيف تحده لزومه مايحدونـــــــــــه
والاالردي لاتقول ونعم يضرابـــه................يرهي على نعم وهوه قاصرٍ دونـــه
ليا قلت له نعم قام يفتل أشنابه.................يحسبك صادق ما يدري نعم وشلونه
يطمع بشيٍ يموت الخبل ما جابه................ثم قال أنا جبت نعم اللي يقولونــــه
بعض البشر يحلمون احلام كذابه................ومن لاعرف قدر نفسه عدّ طبلونــــــه
يجيك مسرع مايدري ويش يبلابه...............من قلة العرف ما يمشي على هونـــه
اما على الاقربين اشتال مشعابه..............والابعرض المقفي سلّ مسنونــــــــــه
تناول الغايبين واكثروا احزابـــه..............اللي على قلة الخيره يدفونــــــــــــه
واهل العقول سكتوا ماقالوا الجابه..........لا ينقصونه بشي ولا يزيدونــــــــــــه
قالوا هذا فيه عاهة وابتلشنا بـه.............والا هذا فيه شيٍ ما يعرفونـــــــــــــه
وخلوه يسرح ويمرح خاب من جابه..........ما نومس اللي من الصغر يترجونــــــــه


وفيه بعد وحده اللي يقول فيها اول حياة الفتى مشاوير وعساسه ؟؟؟؟؟؟؟ الى اخر القصيده


مشكورين وفمان الله

[داهية عتيبة]

آلاد مشيب مرحبن بك بين أخوانك وعيال عمك

ويسرني ويسعدني وهذا يمثل فخر لي أن تكون أول مشاركة لك في هذا الموضوع



تقبل تحياتي أخوك داهية عتيبة.....

[عتيبي عفيف]

اجمل بيت شعري في نظري

بيت للشاعر ابو دباس

عليك بالتقوى ترى العز يا دباس

في طاعة اللي ما ينجيك غيره

ولكم تحياتي

[((الدلبحي))]

من اجل الابيات اللي سمعتها
هذه الابيات للاخ والصديق الشاعر خلف بن زهيميل الحربي
البارحه قلبي تضبه ضلوعي
وعسى الضلوع من الجزع ماتفقع
نفسي تشكى من ضمايه وجوعي
لو كل حلون عند راسي منقع
للحقد في قلب الجماعه افروعي
هاذا يعبيها وهاذا يوقع
لاصرت حساس وقلبك جزوعي
تبا تشوف افتوق ماتنترقع
وسلامتكم

[خالدالعصيمي]

سلام أستلمو

والشاعر مجهول

حيث القصيده قديمه

ولم أتمكن من

معرفة القايل






ياسعد ودي بشوفك وديبه "=

وأستوى عندي مراحي ومقعادي

جعل خدآ ترف الاقدام يمشيبه "=

ينهمل فوقه من الوبل رعادي

ينثر الماء لين تمشي مداعيبه "=

كل ماقالوا يخف المطر زادي



واللي بعدوه

[الشنفرى]

قولو لبيت الفقر لايامن الغناء ###### وبيت الغناء لايامن الفقر عايد

[شيباني نت]

طيب اسمعوا هذا
ان كان انا ذبحني صاحبي من عذابه ***** مابي لدمي ياهل اللوم طلاب
الجاذل اللي فيه زين ومهـــــــــــــابه ***** تاقف له قلوب وتخضع له رقاب

وسلامتكم

اخوكم شيباني نت

[داهية عتيبة]

مشكورين أيه الأخوة

أبيات فعلن رائعة

وأضيف أليها هذا البيت



الله من ناس تكبر على ماش=در الحمارة دوب يكفي جحشها

|4|



تقبلوا تحياتي...

[عيلان]

ان نمت أحلم به
وان قمت أفكر به
صار العمر غربه
بس العمر فاني!!!
عبدلله

[الجيد]

إقتباس
واخير منهن ركعتين بالاسحار 0000لاطاب نوم اللي حياته خساره

يبدولي انه من اقوى الابيات معنى ومغزى

للكاتب/عضو.....أعتقد هذا البيت من أجمل الابيات:)

أما عن اجمل بيت سمعته أنا
راعي صلاة الفرض بين سجوده*****وراعي غرابيل النمايم لقاها

(بندر بن سرور)

[شيخ العرب]

اعجبتني هذه البيتين للشاعر الكبير بديوي الوقداني

وان شالله تعجبكم

دلـلـت بـالـروح لـيــن ارخـصــت iiجـانـبـهــا
^^^^^^^^^^^^^^^^ وانـا عـتـيـبــي عـريــب الـجــد iiوالـخـالــي
قــومٍ تــدوس الافـاعــي مـــع iiعـقـاربــهــا
^^^^^^^^^^^^^^^^^وإلـهــا عـزايــم تـهــد الـشـامــخ iiالـعـالــي

[ابن ذايب]

ياالهي وش بقى فينا يشرف ياالهي *** لانتصار ولاعتبار ولاشموخ ولا كرامه

وين صناع القراراهل الاوامروالنواهي *** وش عذر قادات الامه والمناصب والزعامه

وهي لشاعر سبيعي ماعرف اسمه

[((الدلبحي))]

هذه الابيات لشاعر بدر الحويفي
يقول:
لاشفت لك مغرور يضحك على الناس
تراه مايسوى المغفل لباسه
لاتمنعه شيمه ولايمنعه باس
بعض العقول يصير فيها التماسه
وسلامتكم

[واثق الخطوة]

أنا خويك في الليالي المعاسير ......... ولا الـرخـا كـل يسـد بمـكـاني

[وادي الرشاء]

تنفعني المره على بيت اهل نوف ـــ ـــــ ــــــ لو ( ن ) مالي عند اهل نوف حاجه


لا يابعد ناس تكبر على ويش _ _ _ _ _ لا شافت الناصي تلوت خششها

[geath]

بعض العرب عايش مسرات وطروب.......وبعض العرب لولا الحيا شق جيبه

[عيد العتيبي]

اخواني الغالين
( إن من الشعر لحكمة )
لقد استمتعت بقراءة هذه الدرر
هذه الحكم نعم انها خلاصة تجارب
طويلة من اناس دلهم فكرهم على
هذه الخلاصة المفيدة
لقد اعجبتني كل المشاركات
وأعجبني بيت الشاعر هلال السيالي الذي يقول فيه
صدور الرجال مقفلاتٍ صناديق
,,,,,,,,,,,,,,, ومفتاحها نطق الرجل من لسانه
شكرا لصاحب الفكرة
الغالي داهية عتيبة
ولكل من شارك ومن سيشارك
تحياتي وتقديري للجميع
اخوكم عيد العتيبي

[نياف]

هذه ابيات :اسمعوها نصيحه

لا بلاك الله بعاقه "="من مطافيق الرفاقه
لا توريه الحماقه "="لين ربك يقلعه

[النمر المقنع]

عز الفتى راس ماله من مكاسبها يامرتضي الهون لاعز ولامالي
د للت بالروح لين ارخصت جانبها وناعتيبي عريب الجد والخالي
قوم تدوس الافاعي مع عقاربها ولهاعزايم تهد الشامخ العالي

تعتبرمن اجمل ماقاله الشعاعربدوي.

[النمر المقنع]

[=1]الروح وش عذرها في ترك واجبها.ـــــــــــــــــــــــــــــ:(
راح الحسب والنسب في جمع الاموالي..........
نفسي تبي العز والحاجات تغصبها.ـــــــــــــــــــــــــــــــــــ:eek:
ترمي بها بين اجاويد وانذالي.............
المال يحيى رجال لاحاية ابها.
كالسيل يحيى الهشيم الدمدم البالي.ـــــــــــــ|1|

[النمر المقنع]

2]يبايع جوخ على غير اهاليه..............:o...............مثل الذي بنزلب بقصر خرابة.
لويدهجه وابل الثريا ويسقيه.................:r:............ويمطربياقوت ومسك سحابه.
ماينبت النوار لوسال واديه .............................صبخاوجفاف هيال جنابـــــــه
ولد الردي لوطاب لك لاتماشيه.........................يومين والثالث يبين الردابه[/]

[نمر المحاني]

ياليت ربي ماخلق حب وفراق ========= ولا خلق حبآ على غير فرقا


الشاعر الكبير /الامير محمد السديري

[ابن ذايب]

الا يارب غفرانك اليا جينا على الميعاد

00000000000000000000000 عرايا ماعلينا الاالذنوب وقلة الحيله

على ماقالو بيت مليان

[مرزوق الجعيد]

يمنا بلا يسرى تراها ضعيفه==ورجلا بلا ربع(ن)على الضيم صبار
والطير بالجنحان ماسرع رفيفه==واليا انكسر حدى الجناحين ماطار



وسلامتكم



مرزوق الجعيد



ابو نواف

[fawazns]

يمنا بلا يسرا تراها ضعيفه ... ورجل بلا ربع على الغبن صبار
والطير بالجنحان محلا رفيفه ... واليا انكسر حا الجناحين ماطار

[fawazns]

الاجواد مثل النور في ليلة الدجا... والانذال غدرا تايه من سرابها
والاجواد لقاربتها ما تملها ... والانذال لقاربتها عفت مابها

[الاجرب]

الاخ/سلطان الحافى
تحية طيبة السلام عليكم ورحمة اللة وبركاتة وبعد
الابيات التى اورتها ليسة لسعد االمغيرى كما اوردتها
هى الى ابن سجوان من الروسان من اهل مصدة وهى مشهورة ومعروفة للجميع وهى

ساحسين ديران الرفاقة مريفة والى مع الاجناب كنة على نار
ويمنى بلايسرى تراها ضعيفة ورجل بلاربعن على الغبن صبار
الىاخر القصيدة
هذاوتقبل تحياتى

اخوك/الاجرب الرويس

[العبســــي]

يعطيك العافية اخوي داهية عتيبة
على الموضوع الأكثر من رائع

وهذه البيتين للشاعر رشيد الزلامي


وترى حياةالفتىمهماقوىباسه = محفوفة بالخطر والمـــوت تابعها
من مبتدا العمر حتى يلفظ انفاسه = يمـر في مرحله تكث زوابعها

[وادي الرشاء]

الاخ سلطان الحافي
السلام عليك ورحمة الله وبركاته


عندي مداخله على القصيده اللي ذكرتها وقلت انها لسعد المغيري

ياخوي ياسلطان القصيده لسعد بن سجوان الرويس من اهالي مصده

والقصيده تقول
ياعبيد ديار القبايل مريفه ـــــــــ واللي مع الاجناب كنه على نار
والطير لامن طار ماحلى رفيفه ـــــــــ واليا انكسر منه احدى الجناحين ماطار
ويمنى بلا يسرى تراها ضعيفه ــــــ ورجل بلا ربع على الغبن صبار

[أبو راكان]

بعض العرب ماتملكه بأي معروف لوكان حجيت به فوق راسك
يضحك معك مادامت اعيونك اتشوف وليل انعمت عينك برجليه داسك
أسف لا اعرف الشاعر الذي قال هذة الآبيات الجميلة الرائعة

[داهية عتيبة]

مشاركات أكثر من رائعة


مشكووورين



وبالنسبة للأخ سلطان الحافي

فالقصيدة يالطويل العمر لبن سجوان الرويس وهي مشهورة ومعروفة عند عامة الناس


ياحسين بلدان الخلايف مريفة=وألي مع الأجناب كنة على نار
الطير بالجنحان محلى رفيفة=وأليا أنكسر أحدى الجناحين ماطار
يمنا بلا يسرا تراها ضعيفة=ورجلن بلا ربعن على الضيم صبار

وتقبل تحيات أخوك


...

[فرهودي]

كثير الابيات الجزله ..ولكن لعل هذه الابيات لبندر بن سرور من أجملها:

يــوم ان ولــد اللاش رزقـه على أمـــه...........رزقــي على اللي ميـــت القشـع يحيـيـه
يــامل قـلــب كــل مـا مـات همـــه..........دارت دواليــــب الدهــر ليـن تحـيـيـه
فـرَاق شــمـل النـاس عيَــا يلـمَـــه..........وقــتٍ يشــيـب الرأس من شـايـةٍ فـيـه
أحــدٍ يــنام وحـط رأســــه بكمـــه...........وأحـدٍ يخـــم النـوم عيــنـه وتخـطيـه

____________________________

الاخ
وادي الرشاء
اسمح لي من قائل هذي البيت:
تنفعني المره على بيت اهل نوف ........... لو ( ن ) مالي عند اهل نوف حاجه

فرهودي،،

[بدر المرشدي]

اشكرك اخوي


داهية عتيبيه

واسم على مسمى


وانا بالنسبه لي


ارى ان اجمل ماسمعت

هو بيت من قصيده للشاعر

مرير الحبيل

ويقول في بيته



ان ماعطاك الله تبا الناس تعطيك= الناس مالك من عطاها معزه


تحياتي للجميع

[داهية عتيبة]

ان ماعطاك الله تبا الناس تعطيك النـاس مالـك مـن عطاهـا iiمـعـزه



الله الله



بيت أكثر من رائع


تسلم اخوي بدر


تحياتي ..

[يوسف ناصر الرويس]

السلام عليكم ورحمة الله وبركاته

مساء الخير للجميع مشكورين على هذا الطرح الجيد

وعندي ملاحظه بسيطه على مشاركة الشاعر سلطان الحافي لأبيات الذي ذكرها ونسبها الى الشاعر سعد المغيري



ياحسين ديار الجماعه مريفه ×××× والي مع الاجناب كنه على نار
الطير بالجنحان ماحلاء رفيفه ×××× واذا انكسر حداء الجناحين ماطار
يمنى بلا يسرى تراها ضعيفه ×××× ورجلن بالا ربعن على الغبن صبار

هذي الابيات التاريخيه هي لشاعر العلم سعد بن سجوان الرويس العتيبي
وقد تم مخالصه عليها في تاريخ 1319 هـ

اخوكم يوسف بن ناصر بن عيد الرويس العتيبي

والسلام ختام ،،،،،،،،،،،

[صاامل الزندين]

من لابتن فاللقا ماتعرف الهجه
والرجل لوتطعنه ماتسمع الونه

[متعب الند]

مساء الخير للجميع ..............عبدالله ابن رشيد



اضرب على الكايد لاكنت بحلان...وعند الولي وصل الرشاء ونقطاعه

عيباً خفاض الصوت عقب مابان...وعيباً طمان الراس عقب الرتفاعه

[نيزك]

=
فينا كبيرين الهقاوي يظنّون = إنّا لنا منزال فوق النوايف

=
ومن شانهم مانقبل المنزل الدون = والوقت مدهر والمزاهب خفايف

[نيزك]

وإني لمن قومٍ كأن نـفـوسـنـا = بها أنَفٌ أن تسكنَ اللحمَ والعظما