اشوف ابن ثعلي بعد ذيك العزيمه ما استراح

[كديميس السيحاني]

سلام ردية وفا من بعد طول الوقت راح= عسى طلال ايرد ردية سلامي بالحروف
اشوف ابن ثعلي بعد ذيك العزيمه ما استراح = الله يجازي ياعميل الخير قاسيت الظروف

[وصل العطياني؟؟؟]

يا سلام ...
بداية موفقة ...
ننتظر طلال ...

وللإحاطة :

طلال يتواجد بــ (المحاني ) منذ فترة ليست بالقصيرة ...
نتمنى تواجده معنا في أسرع وقت بحول الله...
>< شرى له جهاز في الديرة وطلع قراضة هههههههههههه


تحياااااااااااتي.

[كديميس السيحاني]

يجيبه الله بالسلامه ان شاء الله
عساه يلقا جهاز وان درى ان
فيه بيوت موجهه له جاك ساري
حتى على رجلينه 000

هههههههههههههههه

[طلال الثعلي]

يامرضي القيفان

حياك الله....


على ماقال وصل انا في الديره والخط هوائي رفع ضغطي(مايجًمل)...


لكن استلم:

يامرحبا ترحيبةً ميرادها عداً قراح
..........................................لكن ينقصها الجماهير الغفيره والصفوف
الحمد لله في ربيع وخير واياماً ملاح
.........................................والوم نفسي يوم فاهل السيف سويت معروف

[كديميس السيحاني]

يدوم لك ياصاحب المعروف عزك والصلاح
00 0000000000 ترحيب ما رحبت بالضيفان وعيونك تشوف
ناد الصفوف وناد وصل اليوم ذعذاع الر ياح
00000000000000 هبت هبوبه والهوى شرقي ومن دونه جروف

[طلال الثعلي]

المعذره يامرضي القيفان
على التاخير...

واستلم:
حنا نرحب بالضيوف امع المساء والا الصباح
...........................لكن هون ياوسيع العرف لايدخلك خوف
صفي وصفك وصل بن مشهور والروقي فلاح
..........................وان جيتهم لافي يغدونك جمل والا خروف

[كديميس السيحاني]

معذور واعذرني على التاخير
يا ابن ثعلي لا هنت0
الموقع الهيلا ثلاث الاف مطلوب النجاح
000000000000000 واللى يرحب سته بمن عرّف اسمه ومعروف
نعم ٍ بكم يامشرفين الشعر مطلوق السراح
000000000000000 ماجيت ادوّر للغدا صف الورق فوق الرفوف

[طلال الثعلي]

ياهلا وغلا...

ومعذور...

واستلم:

زوار مكه وصلو المليون ماوحينا الصياح
................غير انت ياللي جيت عاني تستعي مدري تطوف
احزم حزامك كان بيديك الذخيره والسلاح
................ماقدمك الا مسبعه تبا تشوف الموت شوف

[كديميس السيحاني]

اسلم اسلم
بيض اللحى محد ٍ بهم رحب وذا السمّ الذحاح
00000000000000000والكل رحب ياطلال الثعلي بهيفا ونوف
ان كان هذا سلمكم نمشي مع الارض البراح
00000000000000000 والمسبعه يعبا لها حبل الشرك والا السيوف

[طلال الثعلي]

استلم:
وراك تظلمنا وحنــــا متندانـــا مايبـــــــاح
.................يمين مافي منتدانا ياولد سجل هنوف
لكنك انته صرت مثل الطير مكسور الجناح
................يحوفك الحواف وانته مادريت انه يحوف

[كديميس السيحاني]

اسلم اسلم واستلم
اسمع كلامي لا تجابهني بحلفك والكفاح
000000000000000للسالفه بطن وظهر يوم القمر جابه خسوف
محدن قدر يكسر جناح الطير واذن للفلاح
00000000000000 يوم ان خطوا اللاش حوفاته على رز ا مغروف