الطاااارف يطرفلي :)

[طائر الاشجان]

:) :)

يامرحبا ياهلا والقاف بالقاف = القاف بالقاف والدعوه عمومي
الذيب يطلع ويرقا كل مشراف = مامعه غير الصقور الي تحومي

[الأعرابي]

عسا البقا يامرحب حسب الاعراف=واطلع سما لين تاصل لنجومي
ياطاير اشجان مدري ذيب حواف=وضح مسارك وعجل بالعلومي

[حاكم الغنامي]

الله الله


ابداع بحقيقه


طائر الاشجان انت مبدع

الاعرابي رد وافي


وووصحت الالسن والقلووب


متابعينكم


واااصلووو

[طائر الاشجان]

حياك الله : )



الصاحب الي سواتك كيف ينعاف = مدام ختمه من الغرفه حكومي
بيني وبينه علوم ثقال وخفاف = لعلها ماتصل لمس الخشومي

[طائر الاشجان]

حاكم الغنامي

الابداع الحقيقي في وجودك ياحبيب الشعب :)

صح بدنك ولاهنت

[الأعرابي]

البحر مغرق ولاللبحر غراف=ولاكل سباح في بحره يعومي
نلعب على العمق ياطاير والاطراف=لاعب مهاجم وتركيزي هجومي

[الأعرابي]

حاكم الغنامي

صح بدنك ولاهنت

[طائر الاشجان]

حنا نشوف النخل من حول ماصاف = والناس من جوعها دايم تصومي
حتى المواشي تعاني نقص الاعلاف = ياليت ابو زيد صاحي ماينومي

[الأعرابي]

تدر ان مكه خلت من كل الاشراف=من بعد ماكانو السكان قومي
وللأزمه العالميه عدة أهداف=منها التشتت وتفتيت العزومي

[طائر الاشجان]

:):)

عذرا على التاخير من الاتصال



المشكله من ورى ملعون الاسلاف = الي علينا يبثون السمومي
بيبون ستر العرب للعين شفاف = الي ستر سترها بيض الهدومي

[الأعرابي]

زرت المواني لقينا نصها جاف=يامنشي المزن رزقك يارحومي
ياشاعر المعرفه من باب الانصاف=همك عرفته لكن اعرف همومي

[طائر الاشجان]

هههههه


من غير شرطه ولا نجده ولا اسعاف = انا معا صاحبي وقت اللزومي
ان كان عندك هموم اشكال واصناف = صاحبك ماهو مفسُر للحلومي

[الأعرابي]

ان كان صادق معي هيا للارياف=ياماحلا الريف برده والسمومي
مالك ومال الشلل واصحاب الارجاف=ومشاهد الورعنه جيري وتومي

[طائر الاشجان]

:):):)


هيا مشينا وانا بمشي ورى خلاف = والي قعد قوٌمه خله يقومي
خلك مع المستعا ساعي وطواف = اعرف طواف الوداع من القدومي

[الأعرابي]

مشت على بطنك أم جنيب وأضلاف=لعلها تاكل الي فيك يومي
متقلب وصرت أورا فيك واعاف=وشكراجزيلا عتيبي ومحشومي

[طائر الاشجان]

هههههههههههههه

بيض الله وجهك ولا هنت مزوح تجي وتروح ووافي طال عمرك وتشرفت بمجارتك وصح لسانك والمعذره على القصور :)

[الأعرابي]

ابد ماحصل قصور طال عمرك وانا الي لي الشرف بمجاراتك
وتصبح على خير ومشكور

[قادح شرار]

ههههههههههههههه . :)

الله ياخذ نفوسكم ..

تقبلوا مروري ..