يالشطيطي خــلهــا بيني وبينك عـــالميّة

[فواز السعيدي]

احمر العين وش حالك؟ :)



يالشطيطي خلّها بيني وبينك عالميّة = لين نفتح سدّ مآرب باليدين وبالمساحي !!

يوم جاني علم من يمّك يضحّكني شويّه = اشهد انّك يالمطيري صقر خفّاق الجناحي !!

[قادح شرار]

أيـــــــــــه ...

صح لسانك يا فواز ...

وبنشوف خفاق الجناحي وصح لسانه مقدما ً ..

تقبلوا مروري ...

[فواز السعيدي]

ارحب ياقااااادح


نورت يابعدي

[زياد المزرمي]

الله يجمل حالك يالذيب

وابرك الساعات والله

مرحبابك ياهلابك عدها روحه وجيّه = والوعد من بيننا يا صاحبي نور الصباحي

محتسيهم بالصقيل ومحتسي بالنافعيه = ان بغوها جد يا فواز ولا بالمزاحي

[زياد المزرمي]

قادح شرار

صح بدنك يالغالي

ومنورنا بتواجدك

[فواز السعيدي]

الله الله



لدّ في حيد الجبل وتشوف عنزٍ عارضيّه = قوم لين نرد مذهوب النّشاما للمراحي !!

والله انّك منت عيّه يوم انا ماني بعيّه = مار من يبغا كفاح القوم يبشر بالكفاحي !!

[قادح شرار]

ههههههههههههه ..

مجرمين والشاهد الله ... بس يبالكم شغل ..

[زياد المزرمي]

طالبك ياصاحبي لاتزيد كي الجرح كيه = نص معزا القوم يافواز مبداها النطاحي

شلة الارهاب تشتم نهج ربي مع نبيّه = والله انا مالقينا بينهم رجال صاحي

[فواز السعيدي]

ههههههههههههههههههههههه


الله الله


العلوم الها مفسّر والنّشاما مرضويّه = لاتحسب ان الحيا موجود يوم البرق لاحي !!

الله الله لو تهب الشام ولا العقربيّه = ولو يسيل السّيل يامقوى حصاتك يارزاحي !!

[زياد المزرمي]

ميسي فالنار يافواز دام النار حيه = والمريض بميسمي بأذن الولي همه يزاحي

اشهد ان عزوم قلبك يا ولد عايش قويه = تفلج الصفين والهيبه على روس الرماحي

[فواز السعيدي]

الله الله



صادق اللي قال خندف ساس شي اسمه حميّه = يالشّطيطي والله ان الفعل غير اعن الصّياحي !!

الشّطيطي محزمي مدري سلاحٍ في يديّه = وان زهمته ماوردت الا على العد القراحي !!



المبدع دائما زيااااد الشطيطي

صح لساانك يالقرم

كل الشرف بمجاراتك

والى لقاء قادم

الختام من عندك طال عمرك

[زياد المزرمي]

ابك هاذي ما تبا مفتي ولا حاكم قضيه = كاسبين الاوله لاهنت في كل النواحي

وانت يافواز تنطح من عيال القوم ميه = ثم راحو كلبوهم مع مراويح الرياحي



صح بدنك يا فواز السعيدي

وصح اللسانك والشرف لي طال عمرك

والبايت اكثر من الفايت ان شاء الله

تصبح على خير

[مهندس الحكمه]

الله الله

صحت السنتكم

[_أبو هلا_]

فواز السعيدي & زياد الشطيطي

مبدعين والله لايضركم

[زياد المزرمي]

مــهندس الكلمه

ابــوهــلا


صح ابدانكم ومنورينا بالمرور العطر