هــذيـــل بـيـــن الــمــاضي والــحــاظـــر .!.!.!

[قادح شرار]

كم لنا ما مزحنا معك يا أبو عايش ... :)



يا مرحبا في حِلال أهل الوفاء والكرم = الحلة اللي نصوغ الفكر من شانها

هذيل فالجاهلية سوّت أكبر صنم = واليوم مافيه صوت بوسط ريعانها

[زياد المزرمي]

هههههههههه

اما اكبر صنم

صح اللسانك يا قادح شرار



وبأنتظار المبدع فواز السعيدي

وصح لسانه مقدما

[قادح شرار]

هلا حياك الله يا زياد ..

صح بدنك ..

ومشكوووور على مرورك يالغالي ..

[فواز السعيدي]

الله الله



يبقيك ربٍ خلق كل البشر والغنم = وخلق له جمال تفجعكم بلحيانها !!

هذيل بعد الله الوالي حماة الحرم = لكن بندقك لايلطمك نيشانها !!

[فواز السعيدي]

الشطيطي ارررررحب يابعدي


صح بدنك والابداع حضورك

[قادح شرار]

الله الله


إن كان تحمون بيت الله قلت ونعم = وأحمو معه يا ولد مكة وسكانها
لكن خايف هذيل أهل البقر والبهم = أجيالها اليوم تتبع نهج جدانها

[فواز السعيدي]

طيب طيب



نهار غار ابرهه يبغا الحرم ينهدم = ياليت تقرا عن القصة وفرسانها !!

حنّا على صفحة التاريخ نار وعلم = بالله سولف عن عتيبه وشجعانها !!

[قادح شرار]

الله الله



مهووس بالجاهلية والعصور القِدم = نسيت فش فاش والغندور ولبانها
ولا عودت للفخر عاين براس الرجم = تلقا عتيبه وتلقا فعل ذيبانها


صح لسانك يا أبو عايش ... وألحق الصلاة أزين لك ...

[معجب العتيبي]

الله الله

انا اشهد انك مبدع ياقاح شرار


ولايهون المبدع فواز


صحة السنتكم

[قادح شرار]

الله الله

انا اشهد انك مبدع ياقاح شرار


ولايهون المبدع فواز


صحة السنتكم

حياك الله يا أبو سلطااااااان ..

الأبداع مستقى من حضورك يا معجب ..

صح بدنك ..

[بجّاد الثبيتي]

ولا عودت للفخر عاين براس الرجم
تلقا عتيبـه وتلقـا فعـل ذيبانهـا

ولا عودت للفخر عاين براس الرجم
تلقا عتيبـه وتلقـا فعـل ذيبانهـا

ولا عودت للفخر عاين براس الرجم
تلقا عتيبـه وتلقـا فعـل ذيبانهـا



صح لسااانك وعلا شأنك ياقادج شرار
ومايهون السعيدي على جزل قصيده ..

[فواز السعيدي]

الله الله


لو ترتفع فاللحم لو ترتخي فالعظم = تصلح خشير الحضارم جوف دكّانها !!

لو جيتكم بالكلام اللي يسد النّسم = تزعل جبر ربعك عتيبة وشيخانها !!

[قادح شرار]

الله الله



أحذر ترا ما بتسري يا صحيبي سَلم = ما قدمك ألا حيايا يلمض لسانها
عطني كلامك وخلك يا ولد محترم = ولا لا تقدم علومك دون برهانها

[فواز السعيدي]

صح لسااانك ياقاادح


شاعر مافيك حيلة دائما


تحياتي

[قادح شرار]

صح لسااانك ياقاادح


شاعر مافيك حيلة دائما


تحياتي

وصح لسانك يا أبو عايش ...

وتراها مزوح تجي وتروح ..

تحياتي لك ..