قصيدة محسن الواكد الأسعدي في حفل الاساعده في ساجر

[خالد الدخيل]

قصيدة للشاعر = محسن بن خلف الواكد الأسعدي العتيبي
بمناسبة حفل اجتماع الاساعده والذي اقامه ** اهالي ساجر في مدينة ساجر **
ونشكرهم على حسن الضيافه وطيب الأستقبال وهذا غير مستغرب .

يقول اللي بدا قافه أحاسيس وشعر وشعور= غرايب مفرداته صخره من يوم غنابه
حلاة الشعر في وقته تقوله والرجال حضور= احاسيس المشاعر غاية الشاعر وهندابه
سلام الله سلام فيه ايات الفرح وسرور= سلام الود عن دار اللواء واقولها نيابه
سلام اسلام من قلب مود وباللقاء مسرور= اعبر عن بني عمي من الحضار وغيابه
اعم الحفل وأهل الحفل والحاضر من الجمهور= ولا يقصر علي الحاضر عن الغائب من اللابه
اعم عتيبه الهيلا هل الوقفه طوال شبور =رجال الطيب وأهل الطيب للامداح كسابه
هل الطولات ربعي لابتي لا كنهب المثبور=يزورون المنايا بالوغاء كان الردي هابه
اقوله يوم انا منهم وداري صيتها مذكور= له التاريخ يشهد والقبيلة يحسب حسابه
لها مجدٍ مدون بالصحائف والكتب بسطور= تصفح صفحة التاريخ تلقاء العلم بكتابه
ولا احد يجهل التاريخ والشاهد بصلعاء الشور=رجالٍ هامت العليا وعدو راس مرقابه
خذوا جولات في شبه الجزيرة ماعليهم جور= وكل من فضل ربي خذا دوره مع اصحابه
وهذا اليوم تجمعنا الصلة ونجدد المأثور= تواصل والتواصل حق بين الحي واقرابه
صلتنا واثقه وموثقه طول الدهر وعصور= عسى حبل الوصل من بيننا ما نقطع اسبابه
وانا مرفوع راسي قدمكم في ماقفي مأمور= من اخواني بني عمي لهم حق نبي جابه
نبي موعد زيارة مابها عذراً ولا معذور= نبيها حاضره منكم عسانا اليوم نحضابه
وصلاة الله عدد ماهل من وبل السماء شختور= علي خير البشر ما خط بالقرطاس كتابه

[عتيبي وفتخر]

صح لسانه ولسان نا قلها

وتقبل مروري

[فهد براك الاسعدي]

هل الطولات ربعي لاكنهب المثبور .. يزورون المنايا بالوغاء كان الردي هابه

صح لسان الشاعر محسن الواكد.

ويعطيك العافية يابو الوليد

[صقربـن حجاج]

يستاهلون الاساعده وصح لسان الشاعر

[بندر سعد]

مشكور علي النقل وصح لسان الشاعر وألف نعم بالأساعدة

[رايد الهديبي]

صح لسان شاعرها وتسلم يدين نقلها

[محمد العتيبي]

بيض الله وجيههم على العلم الغانم ..

وتستاهلون الطيب يالغالي ..

والف شكر على القصيده الرائعه ..

تحيتي
...