دام الزلامي وابن عياد

[رعد الروقي]

.














.


دام الزلامي وابن عياد وحبيب ومستور=والهاجري واعلام شعر الفتل والنقض غيّاب
لا باس لو فالقوم من باقي الشعار طابور=ان حك عود بعود ما يلحقون النار مشهاب

[مشهاب]

دامك جايب اسم مشهاب
انتظرني ويجيك الرد

[محمدسالم الثبيتي]

العمده
صدق انك عمدة الشعر
ياسلام عليك وعلى مبداك الطيب
بانتظار زميلك لاكتمال ابداع المبدعين

[رعد الروقي]

الله يحييك يا مشهاب وتشرفني





انتظرك






ارحب يا محمد سالم الثبيتي والطيب حضورك المشرف

[طائر الاشجان]

الله الله


عمده اسم على مسى مايحتاج الي يلعب معاه يقعد اسبوع مصخن من التعب :)

صح لسانك مبدا كايف وفي انتظار مشهاب ليكتمل الابداع وصح لسانه مقدماا

[مشهاب]

ماني بشاعر حبيت اجاريك

اخذ من ايامك عبر والزمان يلف ويدور###وان الثبيتي وابن مسعود والحربي وابوناب

ياعمدة اركد والك من عندنا مشلح وباكور###وليااصبح الباكور مايعجبك نعطيك مشعاب

[رعد الروقي]

الله الله


عمده اسم على مسى مايحتاج الي يلعب معاه يقعد اسبوع مصخن من التعب :)

صح لسانك مبدا كايف وفي انتظار مشهاب ليكتمل الابداع وصح لسانه مقدماا

ههههههههه


تجبر بخاطري بعد سريتني هاك الليل اضلع


الله يحييك يا طاير الاشجان صح بدنك وتاكد ان حضورك يسعدني ويشرفني طال عمرك

[معجب العتيبي]

العمده ومشهاب


صحة السنتكم


متاااااااااابع

[رعد الروقي]

اخذت من وقتي تجارب واعرف العمي العور= واشوف كثـــر البل ولا بينها للطرقة ركاب
وفر عطيتك وتولـّـم لطول الليل والجور=ترجع بخف حنين والا تعدي فوق مرقاب

[رعد الروقي]

المشرف المميز معجب العتيبي لاهنت على حضورك اللي يسعدنا



صح بدنك وحياااااااااااااااااااك الله

[مشهاب]

من يحقر ارجال الوفاء له نهار يصير محقور### ومن دق بيبان العرب لا هيا يندق له باب

اهل الدخن ماتزرعه لو تحسب كل عصفور###ورضى العرب كايد ولا يتفق صادق وكذاب

[مشهاب]

حياكم الله وحضوركم يسعدنا

محبكم/ مشهاب

[مشهاب]

ياعمدة انت شاعر بحر وانا يادوب اولف البيت
والمبتدي مثلي يباله وقت كافي للرد
واخوك عنده دراسه ومثلك عارف
تصبح على خير
محبكم/مشهاب

[رعد الروقي]

وابوك مافالسالفة حقر فيها حظ معثور= قامت تفصل منه بقعاء على ورعانها ثياب
المسلم اللي طمعته في جنان الخلد والحور=يسعى لها قدام يفنى ويردم فوقه تراب

[رعد الروقي]

ياعمدة انت شاعر بحر وانا يادوب اولف البيت
والمبتدي مثلي يباله وقت كافي للرد
واخوك عنده دراسه ومثلك عارف
تصبح على خير
محبكم/مشهاب


ابد انا مسكين انت المحيط ماشاء الله


وافي وافي


والدراسة اهم من المحاورة والسهر





صح بدنك يا مشهاب وانت من اهل الخير

[الصابري العازمي]

بارك الله بك , شكراً أخي الكريم