العــــــــــــــــــــــــــــازمي !!! عيد!!!

[فايز بن سرحان الثبيتي]

ياعتابه نبا شاعر حماسي ... لاحضر فالمواقف يُعرف اسمه = علموا عيد قبل ايشيب راسه ... علموا عيد قبل ايشيب راسه
لكن ان طاح في لعب الكراسي ...يمكن ايضيع بين الناس قسمه = السوالف ماهي لعلب ووناسه ..... السوالف ماهي لعلب ووناسه

[عيد العازمي]

هههههههه

يابن سرحان بعد ماطلبت قادح عاد


لكن عليكم معونة بالله

لحظات يالقرم

[مزلزل الشعار]

السوالف ماهي لعلب ووناسه ..... السوالف ماهي لعلب ووناسه


السوالف ماهي لعلب ووناسه ..... السوالف ماهي لعلب ووناسه


المعاني ماهي لعلب ووناسه ..... المعاني ماهي لعلب ووناسه

الله الله أبوسرحان صح لسانك صح لسانك ابداع وحرنفة شاعر متمرس

وصح لسان العازمي

[فايز بن سرحان الثبيتي]

هههههههههه


الله يرج ابليسك

انا مدري عن بدعتك الا بعدما بدعت انا بدعتي


هذي مشكلة محاورات النت

مافيها تنظيم مافيها تنظيم

[فواز السعيدي]

ياعتابه نبا شاعر حماسي ... لاحضر فالمواقف يُعـرف اسمـه
علموا عيد قبل ايشيب راسه ... علموا عيد قبل ايشيب راسـه
لكن ان طاح في لعب الكراسي ...يمكن ايضيع بين الناس قسمه
السوالف ماهي لعلب ووناسه ..... السوالف ماهي لعلب ووناسه



طيب طيب يابن سرحان


صح لسانك مليون ياخطير


قاف رائع بروعة حضور بن سرحان

العااازمي الليل ياخطير صح لسانك متى ماجيت

متابعين

[فايز بن سرحان الثبيتي]

مزلزل الشعار


مرحبا مليوووون


حييت يالذيب

[فايز بن سرحان الثبيتي]

فواز السعيدي


الله مار ايحييك حظورك متميز مرورك رائع

[ابو فايح]

صح لسانك مليون يا ابن سرحان بدعه ولا اروع


الليل ياالعازمي تناولوك ثبيت ازهل الصف بس علاك ابهم

[عيد العازمي]

يابن سرحان خصمك عيد قاسي ,, لاحضر فالمواقف صرت لقمه = لاتزيد المواجع بالحماسه ,, لاتزيد المواجع بالحماسه


جر صوتك وتلقالك مواسي ,, واعرف ان العقل والدين نعمه = والبحر ماينقّص منه كاسه,,والبحر ماينقّص منه كاسه

[فايز بن سرحان الثبيتي]

الله الله


جيتنا العام في موكب رياسي ... واثر سمحان ماهو قد جسمه= دونك البيت ماجودت ساسه .... دونك البيت ماجودت ساسه!!
البعير الفحل طاح متواسي ... وانت ياعيد ماعسيت وسمه = الجرايد تروج للسياسه .... والجرايد تروج للسياسه!!

[فايز بن سرحان الثبيتي]

ابو فايح


مرحبا مليوووووون في مليووووون


لكن عاد مانصحك بصف العازمي ان كان تبغى السلامه

ههههههههههههه

[ابو فايح]

ابن سرحان ما منك خوف دام خصمك العازمي

لكن الليل الليل يا عيد

[عيد العازمي]

اسلم اسلم



قد عطيناك فنجال العماسي ,, يوم من يشربه قد زال سقمه = مار مازاد فيك الاعماسه ,,مار مازاد فيك الاعماسه


الطبيعه عليهن الرواسي ,, لوتضحك بسنٍّ فيه ثرمه= لو قضيت العمر كله عساسه,,لو قضيت العمر كله عساسه,,

[قادح شرار]

هههههههههههههه . :)

الله ياخذ نفوسكم ...

إبداع * إبداع + جنون * جنون ....

صحت ألسنكم يا أبو ريان ويا أبو طلال ...

[عيد العازمي]

كل الاخوان اللي مرو

شرفتونا يعلم الله


وكل واحد له تحيه خاصه


ابو فايح


لاتحتار لانك من يصنع القرار

ههههههههه


قادح وش تدور هنا روح هناك ولاتعجل بالرد ههههههه

[فايز بن سرحان الثبيتي]

عيد ياعيد وش هذا المآسي ... تجلب الهينه وتقول دسمه = الشهادة تجي بعد الدراسه ... الشهادة تجي بعد الدراس!!
مانت فالمنتخب لاعب اساسي .... والتفاوض معك لا بد حسمه = لو تصير احتياطي فالحراسه .... لو تصير احتياطي فالحراسه !!

[فايز بن سرحان الثبيتي]

ابو فايح


قادح شرار



عساني ماعدم تواجدكم ياعتابه


العازمي

بيض الله وجهك ياعيد

وصح لساااااااانك


تشرفنا بمجاراتك طال عمرك

كان هذا بيتي الاخير


وتصبح على خير انت والحاضرين

[عيد العازمي]

الذهب من يسومه بالنحاسي ,,قال لونه مثل لونه وجرمه= مانلومه مع التجار ساسه,,مانلومه مع التجار ساسه


لاسرينا يجي عينك عماسي,, منت معتاد مسراً فيه عتمه= مثل من فالخلا راعه حساسه,,مثل من فالخلا راعه حساسه,,

[عيد العازمي]

ابن سرحان يامال بياض الوجه

تشرفنا بمجارات شاعر بحجمك


صح لسانك ولاهنت


ونشكر كل من شرفنا

[محمدسالم الثبيتي]

الله اكبر وش هالابداع على المروبع
ابن سرحان شاعر مبدع
العازمي شاعر محاور متمكن ليس بغريب الابداع منه
موفقين ياشعار تستحقون المتابعه فعلا فعلا

[عيد العازمي]

ابو سالم تسلم على كرم المرور

ولاعلاك زود يالغالي


شرفت اخوانك لاهنت

[عقاب العنزي]

صح لسانك يابن سرحان ويالعازمي

طاروق نخبوي على مستوى عالي لامجامله

متابع

,,

[فايز بن سرحان الثبيتي]

محمد سالم الثبيتي

مرحبا فيك وفي مرورك العطر





عقاب العنزي

تراك شرفتنا بمرورك لاهنت