عيد العازمي ..!!!!

[ناصر الجلاه]

..


ياعيد أببحث معك معنى على ايب=مادمت شاعر قويٍ فالشكيمه !!

امسيت في ظلم تقنب كنك الذيب=واصبحت تبكي على ذبح اليتيمه !!

[حاكم الغنامي]

اهه


الله الله


صح لسانكـ


وننتظر عيد


وصح لسانه


وموعدنا مع الابدااااااع

[ناصر الجلاه]

..

حاكم الغنامي

..

صح بدنكـ .. حضوركـ هو الابدااع يامشرفنا الغاالي

لاهنت

..

[عيد العازمي]

اثر العصيمي سواتي دايم ايغيب!= واليا التقينا نصر والا هزيمة


امسيت واصبحت عجلٍ فالمهاذيب = يصدقك من قال عقب السيل ديمه

[عيد العازمي]

حاكم الغنامي

..

صح بدنكـ .. حضوركـ هو الابدااع يامشرفنا الغاالي

مشرف طال عمرك,,,

[فواز السعيدي]

صباح الخير


ياسلاااام ياسلااام


الجلاة والعازمي والابداع



الليل

[عيد العازمي]

صباح النور

يافواز


شرفتنا

ولاعليك زود

[ناصر الجلاه]

..

:) طيب طيب


ماني بغايب عن أهل العز والطيب=ياللي غيابك من أسباب الجريمه !!

سلم سلاحك هنا عند المعازيب=قدام أذكيك تذكات البهيمه !!

[ناصر الجلاه]

..

فواز السعيدي

..

صباح النور حضوركـ يالسعيدي هو الابدااع

لاهنت :)

..

[طائر الاشجان]

ياوجه الله ياوجهه الله عزالله العلوم الطيبه

صحت اللسنتكم العازمي والعصيمي ومتابعين معاكم ليا نهاية الطاروق

[ناصر الجلاه]

..

طائر الاشجان

..

صح بدنكـ حضوركـ كريـــم


لاهنت

..

[عيد العازمي]

ههه اسلم اسلم



طلعت وجهك ياناصر للملاهيب = لكن عن زاد اخو مره حريمه


وخر عن الدرب لاناطاك بالجيب = وان طعتني من هنا ذب الخريمة

[عيد العازمي]

طائر الاشجان

..

صح بدنكـ حضوركـ كريـــم



شرفت اخوانك لاهنت

[ناصر الجلاه]

..

الله الله




طلعت وجهي على فعل المواجيب=يومك تدسس حيا .. مدري حشيمه !!

إن كان عندك مناعه للمشاهيب=طرف مناعتك من شان الوسيمه !!

[حاكم الغنامي]

^^^^^


^^

خخخخخ




تراني في صفك ياناصر عقب هذي

[ناصر الجلاه]

..

حاكم الغنامي

..

مرحبا مرحبا .. صفي وصف عيد واحد :) ياحاكم وتواجدك قمة الشرف

لاخلا ولاعدم

لاهنت

..

[حاكم الغنامي]

ناصر الجلاه

ياعيد أببحث معك معنى على ايب=مادمت شاعر قويٍ فالشكيمـه !!
امسيت في ظلم تقنب كنك الذيـب=واصبحت تبكي على ذبح اليتيمه !!



عيد العازمي


اثر العصيمي سواتي دايم ايغيب!=واليا التقينا نصـر والا هزيمـة
امسيت واصبحت عجلٍ فالمهاذيب=يصدقك من قال عقب السيل ديمه


ناصر الجلاه


ماني بغايب عن أهل العز والطيب=ياللي غيابك من أسباب الجريمه !!
سلم سلاحك هنا عنـد المعازيـب=قدام أذكيـك تذكـات البهيمـه !!


عيد العازمي


طلعت وجهك ياناصر للملاهيب=لكن عن زاد اخو مره حريمـه
وخر عن الدرب لاناطاك بالجيب=وان طعتني من هنا ذب الخريمة



ناصر الجلاه


طلعت وجهي على فعـل المواجيـب=يومك تدسس حيا .. مدري حشيمه !!
إن كان عنـدك مناعـه للمشاهيـب=طرف مناعتك من شان الوسيمـه !!

[حاكم الغنامي]

صحت الالسن والقلوووب



متابع

[عيد العازمي]

اههههههه



ان كان دوبه طلع وجهك عقب شيب = ماقول لاخير والنيه سليمه


مالك لوا في ذرا عطب المضاريب = لوكان ماهوب ابو عينٍ كريمه

[عيد العازمي]

حاكم هههههههه طيب ياخالي مالك الا البر !


عموما تواجدك مشرف

وزي ماقال ناصر صفنا 1

[طائر الاشجان]

طلعت وجهي على فعـل المواجيـب يومك تدسس حيا .. مدري حشيمه !!

----
ان كان دوبه طلع وجهك عقب شيب ماقـول لاخيـر والنيـه سليـمـه

مشاء الله تبارك الله دواهي الله لايضركم

[حاكم الغنامي]

كلكم عيني في راس





<<< يحاول يعدلها:(


ههههههههههههههه

[عيد العازمي]

الغالين

طائر الاشجان

حاكم


الله لايهينكم


شرفتونا

[ناصر الجلاه]

..

ههههههه





لامشكله مار وجهك مكتسي عيب=يخلف على من ذبح لأسمك تميمه !!

حافظ على الدرب مع ردمية البيب=الرجل عود كلامه في بريمه !!

[ناصر الجلاه]

..

حاكم الغنامي .. طائر الاشجان

..

تواجدكم المستمر يسعدني أنا وعيد

لاهنتوووووا


..

[عيد العازمي]

ههههههههههه



هذا اعترافك قدم كل الاصاحيب = يومٍ وجهي عليه الدين سيمه

اعتاد متنك على ضرب المشاعيب = تدور الايام ماتابت حليمه

[عيد العازمي]

ياناصر هههههههههه

ياخوي دائم هجاد متاخر


مايصير كذا ههههههه


على العموم الله يحفظك وصح لسانك

يانجم الهيلا

بكره جمعه وتصبحون على خير

[ناصر الجلاه]

..



دور ولكن ماتلقا عذراريب=ياراعي الدين بديت الظليمه !!

وأليا تماديت في شذب العراقيب=ماخذت ناموس طيب ألا قسيمه !!