تقدم يابن عمي يالثبيتي

[هيف الجوازي]

سلام ومرحبا والراس شامخ فوق الامتاني=يقوله شاعر[ن] ربعه من العارض ليا الحره
تقدم بابن عمي يالثبيتي ياكحيلاني=نبي نلعب معك مادام بعض الناس منغره

[محمدسالم الثبيتي]

هلاوالك البقا يالعزوه الي شانها شاني00رفيقي وقت مايحمى الوطيس ويحتمي حره
على الي مايعرفون السنع ماعلق العاني00اجامل راعي الوجه الشواوي واتقي شره

[هيف الجوازي]

اسف على التاخير بسبب سؤ الاتصال


يابن سالم مادام انك معي في وسط ميداني=انا بنشدك وانته من يجيب امن الدرر دره
هذا رجل[ن]دعيته مير ماشفته ولا جاني=يجوز النا نجيب المري يستقفيه بالجره

[محمدسالم الثبيتي]

ياهيف اطلبك يالوجه السميح ان كنت غلطاني00انا قلبي شقاوي والسما والارض مغبره
لياكان الك صاحب قول عندي صاحب ثاني00وبا اغير مسار الدرب حتى هيف مامره

[هيف الجوازي]

ليا منه حضر واحد ثبيتي قلت كفاني=رجال تسعد الجمهور فالقلطات وتسره
يابن سالم جميع الطيبين اصحاب واخواني=وانا للطيبين اقدم الموجود وابره

[محمدسالم الثبيتي]

اعذرني ياهيف تاخرت من ظرف اي والله


جهتك النجد ولامتجه لبلاد زهراني00رجال تعرف علوم الرجال وفيهم ازمرّه
تمشى فالامان ووش تبا بفلان وفلاني00يجيلك يوم من بعد الحلاوه تطعم المره

[هيف الجوازي]

وانا والله انشغلت بعد مار الله يقدرني على مجاراة ابداعك


عسى في نجد ماتلقى مثل حسني وحساني=ياوجه الله يابوسالم عشا ضيفه من الجره
ليا خاب الرجا بفلان وش نبغى بعلاني=على ماقلت مع بعض العرب ماعاود الكره

[محمدسالم الثبيتي]

انا ماني بذيب ان كان جعت اعض ذرعاني00ولاني في رفيقي شين واله اتابع الغره
على باب الضيافه فيه مرد وفيه شيطاني=كشفنا حال ابوعوره من الركبه الى الصره

[طائر الاشجان]

ياسلام ياسلام

هيف الجوازي ومحمد الثبتي واصلوا ومتابعين

[هيف الجوازي]

انا ماني بفارس كان ماقمت اشعب حصاني=واسوي مثل اخو وايل واسوي مثل ابن مره
ولكن مامعي ياصاحبي خاتم سليماني=واميز بين صوت الهر لوحيته من الهره

[محمدسالم الثبيتي]

ليامنك شريت بلاش بيع برخص الاثماني00ترا الايام شينه واليالي مالهاقره
اجل مايحكم البشتون رجل ضعيف الايماني00ولوجا الي في بالي كان ظلا للعرب غره





هيف بيض الله وجهك عزيز وغالي ومجاراتك شرف لاهنت
وسلمت وشكرا لك