تسجيل الدخول

مشاهدة النسخة كاملة : يبان القصيد وشاعره مايشافي

االسناني
26-Feb-2009, 12:54 AM
بعد ما جمعنا الله على راس مرقاب=يبان القصيد وشاعره مايشافي

سلامي عليكم ياعريبين الانساب=عساكم بخير وطيبين وعوافي
كبتن عتيبه
26-Feb-2009, 01:14 AM
الله الله


تحصّل على المرقاب ابو زيد وذياب=وبسم الله الرحمن جُر القوافي!!
ويامرحبا تسعه وتسعين ترحاب=وابا ازيدها لن كان ماهو بكافي!!
علي خيران العتيبي
26-Feb-2009, 01:17 AM
وابا ازيدها لن كان ماهو بكافـي!!

الله الله

يا سلام
صحت السنتكم واصلو يا مبدعين
االسناني
26-Feb-2009, 01:44 AM
اسلم يالذيب


لونك تجنب مالنا عنك مجناب=بعد جيت يظهر كل ماكان خافي

يدوم البقى مادام للنار شباب=وطيب النبا عند الاجاويد شافي
كبتن عتيبه
26-Feb-2009, 03:14 AM
الله الله


ترى اللي حضر يابادع القاف ما غاب=وستر الله المعبود وافي وضافي!!
ليا صرت راعي جود لا تقفل الباب=يبى يجيك ضيفك يأبيض الوجه لافي!!
فهيد الايدا المورقي
26-Feb-2009, 03:26 AM
الله الله الله


السناني


كبتن عتيبه



صحت السنتكم جميع


واصلوووووووووووو
االسناني
26-Feb-2009, 04:02 AM
تعال اقرب اقرب توه القاف ماشاب=لونه معك هبت عليه السوافي

تحيه لضيف الله وتسعين مشعاب=لمن دور الشينه وجاب الخلافي
كبتن عتيبه
26-Feb-2009, 04:38 AM
الله الله


ولا يالسنافي لا تظلّي كما الداب=ولن صرت مثل الداب مأنت بسنافي!!
ترى الشك مايدخل عريبين الانساب=وانا ابغاك قدمي لا تعوّد خلافي!!
مرزوق حمدان العتيبي
26-Feb-2009, 06:00 AM
..
سلامـي عليكـم ياعريبيـن الانسـاب
عساكـم بخـيـر وطيبـيـن وعـوافـي

الله الله يالسناني اسجل اعجابي بشاعريتك ..
وصح لسانكـ .

...
ويامرحبا تسعه وتسعيـن ترحـاب
وابا ازيدها لن كان ماهو بكافـي!!
..

الكبتن المذهل صح لسانكــ
عدت وعاد معكـ الابداع بحق ....
فايز بن سرحان الثبيتي
26-Feb-2009, 12:08 PM
تعال اقرب اقرب توه القاف ماشاب
لونـه معـك هبـت علـيـه السـوافـي
تحيه لضيف الله وتسعيـن مشعـاب
لمـن دور الشينـه وجـاب الخـلافـي




ظهور مشرف يالسناني

صح لسانك وعلي شانك


ولا يالسنافي لا تظلّـي كمـا الـداب
ولن صرت مثل الداب مأنت بسنافي!!
ترى الشك مايدخل عريبين الانسـاب
وانا ابغاك قدمي لا تعـوّد خلافـي!!


كبتن عتيبة صح لسانك



شهادتنا فيه مجروحة

ولكنه لا يزال الرقم الاصعب في قسم المحاورة
محمدسالم الثبيتي
26-Feb-2009, 01:11 PM
السناني شاعر احتمىت ماقفك وزود



الكبتن شاعر جبل مرسي مايراز

متابع للابداع وجعلكم على القوه ياشعار
االسناني
26-Feb-2009, 08:11 PM
علي خيران..............بناخي الايداء...........بيض الله وجيهكم

شرفتو
االسناني
26-Feb-2009, 08:14 PM
..
سلامـي عليكـم ياعريبيـن الانسـاب
عساكـم بخـيـر وطيبـيـن وعـوافـي

الله الله يالسناني اسجل اعجابي بشاعريتك ..
وصح لسانكـ .

...
ويامرحبا تسعه وتسعيـن ترحـاب
وابا ازيدها لن كان ماهو بكافـي!!
..

الكبتن المذهل صح لسانكــ
عدت وعاد معكـ الابداع بحق ....

الاخ الغالي ابوحمدان كل التقدير والشكر لك واعتز باشادتك
وتشرفني
االسناني
26-Feb-2009, 08:16 PM
السناني شاعر احتمىت ماقفك وزود



الكبتن شاعر جبل مرسي مايراز

متابع للابداع وجعلكم على القوه ياشعار



الاخ محمد الثبيتي.............صح بدنك وتشرفنااااااااا
االسناني
26-Feb-2009, 08:25 PM
ياكبتن عتيبه جيت باليل حطاب=يغشك ضلام اليل لو كنت وافي
ترى الشعر مثل السيف له حد وانصاب=يبيلك دراسه في بحور القوافي