قصيد من اروع القصائد للشاعر غازي مهنا الشيباني

[الــعــد*** الــرهــاوي]

ملبوس غيرك لو لبسته يعيبك=وهرج بلا معنى يعود سماجه
ان كان حملك ماتشيله مناكبك=اطلب جزيل المد وادعه وناجه
لاترتجي من واحد مايوجبك=لو كان من دنياك مستك حاجه
ترا كثير الناس لو كان يعجبك=سحاب صيف مقتفيته عجاجه
ان شاف عندك شي حبك وقربك=وان قل مابيدك كثر احتجاجه
ان جدت له وده من الخير ينهبك=واليا نصيته صد واخلا مداجه
اليا بدالك لازم فيه جنبك=وقدم عذاره لين يلقا خراجه
خل الردي من رفقته ويش مكسبك=خله بحاله لاتعكر مزاجه
وقت السعه لاغبت مره يعاتبك=والابوقت اللازمه مايواجه
خطر عليه اليا نشب معه ينشبك=واليا عمت عليك اللجاجه
انصى الرفيق الي ليا ضاق حاجبك=لاجيت يمه قام يضحك حجاجه
يفرح من افراحك ويجزع لصايبك=وعلاج ضيمك لا تصعب اعلاجه

[أبونواف]

ان كان حملك ماتشيله مناكبك=اطلب جزيل المد وادعه وناجه
لاترتجي من واحد مايوجبك=لو كان من دنياك مستك حاجه
يا سلام ياسلام
صح لسان الشاعر غازي
ولاهنت أخوي العد الرهاوي على النقل الموفق