انا ما احب الي يمسمس غترته ويزبط عقالـه

[الذيب]

قالـت الله لايهينـك انـت خابرنـي بدويـه
=انا ما احب الي يمسمس غترته ويزبط عقالـه
انـا ودي ببدويـاً تمشـي بـدمـه حمـيـه
.=لا تعزوا بالقبيلـه كلهـم صـارو عيالـه
البدو غالين عندي لـو حصـل منهـم خطيـه
=الولد فيهم يسـاوي شيـخ بجاهـه ومالـه
قلـت انـا انعـم واكـرم ماكذبتـي يجوديـه
=سجل التاريخ عنهم من بطوله ومن جمالـه
لاكـن الله لايهيـنـك لاتناسـيـن البقـيـه
=الحضر رجالهم ياوسع صدره وطول بالـه
وفالمواقف انشدينـي مايتخلـى عـن خويـه
=لافزع معاد يدري من وراه ومـن قبالـه
وضيفهـم يبشـر بعـزه والوفـا والمقدريـه
=كل واحد يسبق الثاني ولا نـدري بحالـه
قالت اكبر عيب فينـي يالحضـر النرجسيـه
=ما اظن احد بيغنينـي بطبعـه او جمالـه
انـا احـب الـي زهابـه حاجتيـن وبندقيـه
=يفتخر بالذود ويسرح كل يوم فـي حلالـه
وان لفاه الضيف شاف الفرق شاف الناس حيه
=ابدوي صوت نجره اطرب الطرقي وعناله
قلت انا ليه اختلقتـي فـرق وسويتـي قضيـه
=الكبر لله والمؤمن ضعيـف بـراس مالـه
يابدويه الجـروح الـي مـن اسبابـك نديـه
.=والخفوق الي تحرى جيتـك يامـا جرالـه
والعيون الي تمنـت جيتـك صـارت شقيـه
=والفراق الي بلـى ذنـب يذبحنـي لحالـه
قالـت الله لايعاقبنـي وانـا بـنـت بـريـه
=من السوالف كلها والحب وين الـي وفالـه
يـاولـد لاتحسبـنـي جاهـلـه ولا غبـيـه
=الهواء ماهو كذا والحب انا مابـي مجالـه
انا اخوي لاقال اخو فلانه عرفت انـي بدويـه
=تجتمع روس العرب له من يمين ومن شماله

قصـيـده لشـاعـر : بـنـدر الـرشــود

[عتيبي عفيف]

الذيب

سلمت على النقل

وصح لسان القائل وقصيده رائعه

تحياتي عتيبي عفيف

[وصل العطياني؟؟؟]

صح لسانك ولسانه ...
وجعلك سالم..


تحيااااااااااااتي

[شيباني نت]

صح لسانك ولسانه
وتسلم على الاختيار الرائع


اخوك شيباني نت

[نياف]

تجتمع روس العرب له من يمين ومن شماله
الله الله صح لسانك

[راع الاخبار]

انا احب الي زهابه حاجتين وبندقيه
يفتخر بالذود ويسرح كل يوم في حلاله

وان لفاه الضيف شاف الفرق شاف الناس حيه
ابدوي صوت نجره اطرب الطرقي وعناله

قلت انا ليه اختلقتي فرق وسويتي قضيه
وعجبني الابيات التالية ولطشتها

تسلم والله