العمدة ^_*

[طائر الاشجان]

نبا نستفيد معاك يالعمده



انت عمده مير مامعك يالعمده ختم = مار انا بعطيك ياصاحبي ختم القضاه
كثرو الي يلبسون المشالح فالحرم = نصهم مايعرفون الصيام ولا الصلاه

[علي خيران العتيبي]

كثرو الي يلبسون المشالح فالحـرم
نصهم مايعرفون الصيام ولا الصلاه
الله الله
صح لسانك
و يشرفني اني دائما اسجل حضوري بمحاوراتك لانك شاعر رائع بكل صراحه

[رعد الروقي]

هلا والفايدة لي يالذيب



كم ختمنا للعرب كم ختمنا للعجم=ان شريت الموت والا نبيع الك الحياه
العوارف يعرفون البري والمتهـــم=واعذاب المتهم كان ربي ماهداه

[علي خيران العتيبي]

الله الله
صح لسانك واصلو و حنا متابعين

[عبدالله الجـــذع]

الله الله


ابداع ياشعارنا المميزين

واصلوا متابعيييييييييين

محبكم

.

[طائر الاشجان]

مشكله لا صار فالكبد والكليه ورم = لا يدٌور من بعدها من العله نجاه
شفت انا ماشفت والذيب فلا فالغنم = صار حكم القاضي اليوم فيدين الجناه

[طائر الاشجان]

على خيران العتيبي

هذا شيء يشرفني طال عمرك ويسعدني ياطويل العمر وتشرف دائما وابدا

[رعد الروقي]

علي العتيبي // عبدالله الجذع الله يحييكم ملايين يالغانمين وصح بدنكم شرفتونا بمروركم

[طائر الاشجان]

عبدالله الجذع

صح بدنك لاهنت

[عبدالله الجـــذع]

الله عليكم


واصلوا والعمده الله يعينك على جبهتين


متابعين بشغف

[طائر الاشجان]

خله اشغلوه عنا فكوله جبهه ثالثه هههههههههههه

[رعد الروقي]

العشاش ان هبــت الريح لازم تنهدم=لا تهمك وانت واحد من جبال السراه
دام في صرتك عمله وفي كفك سهم=ليش تحسب للذيابه وتحسب للرعاه

[رعد الروقي]

حياك يا عبدالله الجذع






طائر الاشجان ههههه جبهة ثالثة


انا افكر فالشردة هالحين

[رعد الروقي]

عزيزي طائر الاشجان





الليل طرف والفجر ماهو بعيد ان طاب لك واصل ولنا لقاء غدا




وفي كل الاحوال صح لسانك

[طائر الاشجان]

معليش الاتصال المرٌوح فشلني من الليله احاول دوبه يرجع

لكن ان شاءلله بكره نكمٌلها الحين صلاه واعذرني عن الانقطاع الخارج عن السيطره

[طائر الاشجان]

الهنوف ان كان ربي رماها فالقحم = من بعد بكره تطش الغطايه والغباه
لن عطتكم ظهرها شوتها شوت القدم = وان عطتكم وجهها خط ختمك فالشفاه

[فايز بن سرحان الثبيتي]

الهنوف ان كان ربي رماها فالقحم = من بعد بكره تطش الغطايه والغباه
لن عطتكم ظهرها شوتها شوت القدم = وان عطتكم وجهها خط ختمك فالشفاه


متمكن ياطائر الاشجان


صح لسانك وبيض الله وجهك


وصح لسان العمدة

شعار رائعين ونقاش راقي يستحق المتابعة


تحيتي لكما

[طائر الاشجان]

ووجهك ابيض يابن سرحان

تراني طالبك في طاروق له يومين لسى موجود في الصفحه الاولى هههه ان كان لك شف نبغى نتعلم معاك وان كان مالك شف خيره لي الي يلعب معاك لايدٌور مايارح العافيه هههه

صح بدنك شرفت ونورت يا شاعرنا

[رعد الروقي]

صح لسانك يا طاير الاشجان والمعذرة ما استطعت التواجد الا الليلة




والطاروق له ليالي لكن العوض فالمقابيل






سلام