وامهرتي وانا عليها شفـاوي

[ابو ضيف الله]

قصيدة للشيخ للفارس ساجر الرفدي العنزي

وامهرتي وانا عليها شفــــاوي

إن قيل ياهل الخيل تطري عليـه

ماني معودها لكسب الــــشواوي

ولا رددت فرق البقر بالزويـــه

أبرها لمكسرين العـــــــزاوي

والحق عليها كل راعي رديــــه

يوم الملاقى تعترض بالاهــــاوي

إلى تنادو بينهم بالحميـــــه

وأنا على جدع المدرع رهـــاوي

وياما جدعت الشيخ والا حليـــه

وياما تحملنا من كبار البـلاوي

وننطح وجيه اهل العزوم القويه

وانا لعصمين الشوارب فـــداوي

حمايه الساقات في كل هيـــــه

وليا اجتمع حس الغنا والرهاوي

يا طراد هاك اليوم عيدٍ عليــه

[عبدالرحمن الهيلوم]

صح الساااااااااااااااااان الوايلي
والساااانك يالغالي

[أبونواف]

أنا على جدع المدرع رهـــاوي=ياما جدعت الشيخ والا حليـــه
رحمه الله الفارس /ساجر الرفدي

[القادم بقوة]

تسلم وما قصرت



وسمعت ان ساجر الرفدي غزا مع جماعته علا قوم وكسبوا منهم حلالهم كله عشرة الاف راس من الغنم
وبعد ان قسم الغنم علا ربعه جاه واحد من اللي هم غازينهم وقال له: انت ساجر الرفدي؟
قال نعم.
قال: أنت اللي تقول "ماني معودها لكسب الشواوي"؟
((الشواوي: هم اهل الغنم))
وساجر يقصد في بيته انه ما هو معود غرسه لكسب الغنم
ما يكسب الا البل
قال: نعم انا اللي قايله.
قال: كيف تاخذنا وحنا شواوي؟
وقام ورد الغنم عشرة الاف راس بعد ما قسمهن علا ربعه ردهن عشابيته اللي قال فيه: ماني معودها لكسب الشواوي

الله يرحمه