ودنا بالخوي الي يقدر خويه !!!

[محمد شبيب السبيعي]

مساكم الله بالخير ودنا المحاوره مباشره


ياسلامي على أهل الشعر وأهل الحميه= قالها الي يماري في خواله عتيبه
ودنا بالخوي الي يقدر خويه=فالدروب البعيده والدروب القريبه

[زياد المزرمي]

محمد شبيب السبيعي


صح اللسانك يالقرم


بدايه كايفه


وبإنتظار احد الشعار

[محمد شبيب السبيعي]

صح بدنك يازياد ومرورك شرفنا طال عمرك ولك كل الشكر والتقدير

[عبدالمجيد العطاوي]

حيّاك وابشر بالمباشرة ان الله كتب


مرحبا بالبناخي يوم ردّ التحيّة=في محلٍّ درت كل المواقع بطيبه
واصلك يالسبيعي مار عجّل عليّه=كان ابك جرح مستعصي تراني طبيبه

[حاكم الغنامي]

الله الله


صحت الالسن والقلووب


متابعين

[محمد شبيب السبيعي]

الله الله ياعبدالمجيد أستلم




البقا يالعطاوي والعسل فالخليه= فوق رجمن عوى في تالي الليل ذيبه

قبل نشره عليك وقبل تشره عليه= مالي ومال رجلن مايقدر صحيبه

[فواز السعيدي]

الله الله



محمد وعبد المجيد لله دركما



بدع وافي ورد واافي


ياسلام


البقا يالعطـاوي والعسـل فالخليـه
فوق رجمن عوى في تالي الليل ذيبه

[محمد شبيب السبيعي]

صح بدنك ياحاكم شرفتنا في حضورك طال عمرك لا خلا وعدم تحياتي لك

[$ الحــيــران $]

السبيعي والعطاوي صحت ألسنتكم

متابعين لإبداعكم

[زياد المزرمي]

عبد المجيد العطاوي


صح اللسانك على الرد الوافي



السبيعي

صح اللسانك

قبل نشره عليك وقبل تشره عليـه = مالي ومال رجلن مايقـدر صحيبـه


يا سلام يا سلام

[محمد شبيب السبيعي]

فواز السعيدي شرفنا حضورك يالسنافي لاخلا وعلام


الحيران متابعتك شرف طال عمرك وبيض الله وجهك ياذيب

[عبدالمجيد العطاوي]

خلووووووووووووووووها


العسل صافي التصنيع مافيه زيّه=وان بغينا نجيبه ما عسرنا مجيبه
كيف تصدر مشاريهك على غير نيّة=مادريت ان صكّات الليالي عطيبة

[محمد شبيب السبيعي]

الهديه تغلف ثم تصبح هديه= في زمانن يماري كل رجلن بعيبه

عان راع الشداد اليوم بليا مطيه=عقب ماكان يشعب فاطره في شعيبه

[فايز بن سرحان الثبيتي]

محمد شبيب السبيعي

شاعر ومايحتاج بيض الله وجهك

وصح لسانك



عبد المجيدالعطاوي

غني عن التعريف صح لسانك يالقرم


متاااااااااااااااابع

[عبدالمجيد العطاوي]

الهديّة هديّة ماوراها جزيّة=مار مدري بسلم سبيع .. هل هي غريبة ؟؟
ليش ضيّع ذلوله في الديار الخلّية=مار من حافها ياصاحبي من نصيبه

[محمد شبيب السبيعي]

صح بدنك يابن سرحان وبيض الله وجهك شهاده اعتز فيه طال عمرك


تحياتي لك

[عبدالمجيد العطاوي]

محمد شبيب السبيعي

شاعر ومايحتاج بيض الله وجهك

وصح لسانك



عبد المجيدالعطاوي

غني عن التعريف صح لسانك يالقرم


متاااااااااااااااابع



شهادة اعتزّ فيها طال عمرك لاهنت على المروووووووووووور

[محمد شبيب السبيعي]

مانجازيك ياراع الحساني بسيه=راعي الغرس يدري ان فالتمر عيبه

يالعطاوي تبا هذيك ماادري هذيه=الرسن في يدينك وانت قايد كتيبه

[عبدالمجيد العطاوي]

كان مدّيتها يمّك تراها عطيّة=آخذها والطليب أمسى يدوّر طليبه
قامت الريح عجّ وزجّ ومصافقيّة=وأصبح العلم عندك فيه شكّة وريبة

[محمد شبيب السبيعي]

أبشر بدلة الرسلان والشاذليه=يوم راع الهوى قال الغلا ويش ابيبه

اللقضيه محامي وأنا برفع قضيه=ضد من يصبغ الحيه بعد بان شيبه

[عبدالمجيد العطاوي]

كارهين النحاس ولو يجينا عطيّة=ماش قيمة وما ينباع به ينشري به
الله الله علاها طول يدها شويّه=روح عان المحاكم ضيفها تحتفي به

[محمد شبيب السبيعي]

فيه بيتن ينومس يالعطاوي مجيه=فيه بيتن على قل السنع تبتليبه

العقول الذكيه والعقول الغبيه=ألاشاره تميزها العقول اللبيبه

[عبدالمجيد العطاوي]

ضيّعتك الهقاوي بين شمسٍ وفيّة=مشهرٍ سيفٍ ادقم .. مار اقول لك ((سيبه))
الغبي خلقته والله ماهيب فيّه=مار رامي الهدف ماهوب ويّا الضريبة

[عبدالمجيد العطاوي]

محمد بن شبيب السبيعي :: لله درّك من شاعر صح لسانك يانجم واتشرّفت الحقيقة باللعب معك طال عمرك ......

[محمد شبيب السبيعي]

فالرمايه معك ياصاحبي بندقيه=والهدف قبلك العالم تخطيه وتصيبه

بين عيد رمضان وبين عيد الضحيه=علم أوم الكباير لاتجينا في طيبه

[محمد شبيب السبيعي]

صح لسانك يالعطاوي والشرف لنا طال عمرك وبيض الله وجهك على المحاوره الجميله


وتصبح على خير ياذيب