تسجيل الدخول

مشاهدة النسخة كاملة : ** قصيدة جديده ( رجلن بليا دار واخوان ينضام ) **

الدّيري
19-Apr-2004, 09:06 AM
خالد ذهب للدراسه فالأردن.. واختار الغربه وترك زوجته وطفله
فخترت هذه الأبيات لأبدي له المسار الصحيح..


ياللي تدور غاية العلم فالشام..=الله يلومك كيف عفت الجزيره..؟
إحذر يغرنك مع العمر الأيام..=العلم ماله عن هوا نجد ديره..!!
أقفيت ياخالد مع ريح وأحلام..=والسيف مايبغا بليا جفيره..
قومن تسوم العلم ليره ودرهام..=ومن يتبع الجمال لأضما بعيره..؟
ناسن تلد العلم عن صلب الأسلام..=الله ولا فيد الظهور الكسيره..
رجلن بليا دار واخوان ينضام..=عود لدارك جعل فالأمر خيره..
العلم والله ضمته دار الأيتام..=اللي عقول اعيالها مستنيره..
ترقابها الأمجاد عامن وراعام..=سيدانها ثقلن وعقل وبصيره..
آل السعود لبيرق المجد حكام..=اطوال الأيدي مكرمين القصيره..؟!
قادوا بيارق نجد من سود الأوهام..=والمظلمات الحالكه والمريره..
لين اعتلوا فالناس رفعه ومقدام..=الله يجازي مخلصين السريره..
واليوم يا خالد تكفيك الأقلام..=العلم بديار الفهد ماش غيره..!
المورقي22
19-Apr-2004, 04:57 PM
هالله هالله عليك




صح السانك



وسلم بنانك



جزززله من راس جزل يالديري



وتقبل تحياتي
فيلسوف الصحراء
19-Apr-2004, 05:49 PM
عز الله انك تمثلت وقلت العلم الوكاد

تحياتي
ابو وعيل
19-Apr-2004, 11:09 PM
صح لسانك


وتسلم على القصيدة الرائعة .
الــوآفــي
20-Apr-2004, 12:26 AM
راااااااااااااائعه

لك كل الشكر عليها يالديري

تقبل تحيتي
شجاع
20-Apr-2004, 12:47 AM
صح لسانك يالديري الله يعطيك العافيه
الدّيري
20-Apr-2004, 08:16 AM
فلاح المورقي

صح بدنك يالغالي واشكرك على التواصل
خالدالعصيمي
23-Apr-2004, 05:26 AM
ما اروعك
يالديري


صح اللسانك

وسلمت يمناك
الاشعل
25-Apr-2004, 11:38 PM
يامل قلب عن لذيذ الكرى صام مما تشوف العين عيني سهيره
يوم ان خلق الله تهنو بالاحلام سهرت ليلي مثل راع الجبيره
صدقت والله يالعتيبي من العام انا بديره والسنايد بديره
دار بدل دارك غرابيل واوهام ورجل بليا ربع شاف المريره
ومن يرتضي بالذل مضهود منضام ومن يرغب العليا يسنن شطيره
ياحيسفي يادار خالي والاعمام دار المعزه والوجيه السفيره
وادعتهن واعد ليلي والايام يالله عسى في باقي الامر خيره
لو سلمو قلبي مخاتيم واختام وارهو علي بالصرف ليره وليره
دار سكنها ابوي لو كان تنسام شريتها والعمر يدرك مصيره
وختامها صلو على سيد الانام محمد اللي سيرته خير سيره
الاشعل
26-Apr-2004, 12:09 AM
يامل قلب عن لذيذ الكرى صام مما تشوف العين عيني سهيره
يوم ان خلق الله تهنو بالاحلام سهرت ليلي مثل راع الجبيره
صدقت والله يالعتيبي من العام انا بديره والسنايد بديره
دار بدل دارك غرابيل واوهام ورجل بليا ربع شاف المريره
ومن يرتضي بالذل مضهود منضام ومن يرغب العليا يسنن شطيره
ياحيسفي يادار خالي والاعمام دار المعزه والوجيه السفيره
وادعتهن واعد ليلي والايام يالله عسى في باقي الامر خيره
لو سلمو قلبي مخاتيم واختام وارهو علي بالصرف ليره وليره
دار سكنها ابوي لو كان تنسام شريتها والعمر يدرك مصيره
وختامها صلو على سيد الانام محمد اللي سيرته خير سيره
وصل العطياني؟؟؟
27-Apr-2004, 09:21 PM
صح لسانك....
قصيدة ووصية أكثر من رائعة...
يرجع لكم بالسلامة ..
بحول الله ......


تحياااااااااتي
الدّيري
02-May-2004, 02:18 PM
فيلسوف الصحراء أشكرك على المرور