هل اللون البنفسج كل واحد كنه الطاووس

[رعد الروقي]

مداعبة للبنفسجيين من اخوهم





هل اللون البنفسج كل واحد كنه الطاووس=يكوت نفسيته ومـــن الهبايب ممتلي راسه
مدام ان الفتى يقضى زمانه ما كسب ناموس=عليه الهون قبل أن الليالي تجرح احساسه

[عبدالمجيد العطاوي]

مخالفه لاحد قوانين القسم


ان لم تكن المطلوب فعليك الاستمتاع والمتابعه


المشرف

[رعد الروقي]

((يكوت نفيسته ))





ــــــــــــــــــــــ



لا لا


مش معـــئـــول ولا بنفسجي استطاع اقصد تنازل يرد




عموما اشكر المشرف اعلاه ولو اني ما ادري وش صار ههه

[عبدالمجيد العطاوي]

بيّض الله وجهك يالمشرف على هالقانون والله انّه طيّب آسف اني ردّيت لكنّي مشتاق للأستفادة من العملاق العمدة وشكراااااا

[عبدالله حبيٌب الزراقي]

الله الله

العمده شاعر مظلوم اعلاميااا هههه

ان شاء الله يجي المطلوب ويلعب مع العمده ونشوف الابداع من الطرفين

صحت اللسنتكم ومتابع

[معجب العتيبي]

صح لسان العمده

شاعر لاينقصه الا التواجد المستمر في وجة نظري


الا انه على قولتهم كامل المواصفات


لو اني من هل اللون البنفسج لما ترددت ولو للحظه لأحضى بشرف اللعب مع عملاق الكلمه العمده

المبدع عبد المجيد اعتقد التحرير بسبب انك لست الشاعر المطلوب

[قادح شرار]

صح لسان العمده

شاعر لاينقصه الا التواجد المستمر في وجة نظري




أنا أشهد وأبصم بالعشرة بعد ..


صح لسانك يالعمدة ... وعلاك بطيور الطاووس نتـّف ريشها . :)

[رعد الروقي]

عبد المجيد العطاوي

الله يحييك يالذيب


صح لسانك و الف شكر على الاشادة اللي اعتبرها وسام

فخر وانا المستفيد من شرواك



عبدالله حبيب الزراقي

حياك الله

ههههه

اجل سلطوا الاضواء على اخوكم العمدة كان هو مظلوم

صح بدنك ومتابعتك فخر لي



معجب العتيبي

ارحب ارحب صح بدنك وسامحني على الغياب والقصور


وانت اعلى من البنفسج ومني هههه طال عمرك



قادح شرار


هلا وغلا وشهادتك اعتز فيها بيض الله وجهك


والطيور الله يكفينا شرهاا هههه

[عيد العازمي]

مداعبة للبنفسجيين من اخوهم





هل اللون البنفسج كل واحد كنه الطاووس=يكوت نفسيته ومـــن الهبايب ممتلي راسه
مدام ان الفتى يقضى زمانه ما كسب ناموس=عليه الهون قبل أن الليالي تجرح احساسه


ههههههه

االوسام صار غثا


المعذره يالعمده ويعلم الله ماكنت متواجد ولست انت من ينسفه


واستلم




هل اللون البنفسج فالمواقف كلبوهم روس = وفي وقت السعه كلٍّ يلج مضيّع الطاسه

هبيل اللي يمر الوقت ماياخذ عبر ودروس= يشوف المغتني ثم يحسده من قوة افلاسه

[قادح شرار]

هل اللون البنفسج فالمواقف كلبوهم روس = وفي وقت السعه كلٍّ يلج مضيّع الطاسه

هبيل اللي يمر الوقت ماياخذ عبر ودروس= يشوف المغتني ثم يحسده من قوة افلاسه

العازمي هذه ... كارثة في المجتمع السعودي ... ما شاء الله تبارك الله عليه . :)

بس أنا الليلة في صف العمدة يا أبو طلاااااال ... أقعدبها . :p

[رعد الروقي]

معجب العتيبي

اعتز بما ذكرت وانت العملاق بخلقك وشعرك واما انا فقير وعلى قد

حالي // فاتني هالمقطع ما علقت علاه ههههه

[رعد الروقي]

معذور يالعازمي وابيض وجه وانا داري ان الزحول غياب


ولابد تدفع ضريبة شهرية على الوسام ههههه



استلم :





تقوله والشواوي فيدهم ما غير عشر تيوس =و واحدهم ليا شاف الخطر بالرجل ما داسه
ترى بعض اللحا لو حرك الحلاق فيها الموس =غدت يالعازمي من قسوة الايام محتاسه

[رعد الروقي]

قادح شرار الله يحييك وصح بدنك ودامك فالصف ما علي من العازمي وصفه

[عيد العازمي]

الوسام للتنازل هههههه وتبقا ياعمده



عليك الهون يالعمده ولو حظك طلع منحوس = بعد كلٍ ورد ماشرب راع السطل والكاسه


ياعمدة حي وصلنا لبيتٍ بالرضا مانوس = زهقنا من علومٍ مابها تفكير وسياسه

[رعد الروقي]

عليك الشمس ساطع نورها يا شايل الفانوس=وميقاف الرجل محسوب عن ربعه وعن ناسه
ليا منك حميت المعنوي نظهر لك المحسوس=ونرمي بك تحت غبة بحر ما تعرف قياسه

[عيد العازمي]

قدم رجلي يدوس الدرب لوّنه مظلّم دوس = وهاذي ليلةٍ قمرا تزيل الهم واوناسه


على خد المطيه وسم والشاهد ماهو ملموس = وهاذيه قضيه فالدير بالحيل حساسه

[رعد الروقي]

بوالين الهوى ياللي تحاميها من الدبوس=تحيزم دونها والسوق ماسه يغلب نحاسه
والا يا ذود ياللي فيك وسم المالك المحروس=شعيل يعيش حر وما عليه وسوم للساسه

[عيد العازمي]

بنوك سويسرا فيها ذهب صافي ونقد فلوس = إذا ودك دبسنا اسمك على بابه بدباسه


انا ماني بخابر حب فالديره دخلبه سوس = عروقٍ بالوفا تظهر وعكس اعروق يبّاسه

[رعد الروقي]

شهد خايب رجا بهتان والمشهود له متعوس=وانا ما الوم حطاب الشتاء لو شب في فاسه
نشدت العازمي وابغا جوابه والرجال جلوس=قبل سود الليالي من دهاها تقلع اضراسه

[عيد العازمي]

علومك يارعد دايم تجي من خارج القاموس = عليها مايتعّب راعي الهوجاس هوجاسه


مادامنّك كذا لابس من الخافي ثلاث لبوس = يجيبلنا الخبر بكره عن الامطار عساسه

صح لسانك ياعمده


والى لقاء يامبدع

[شمري واحب عتيبه]

مشاااااالله يااااالعتبااااااااان شعااااااااار وابوانكم شعععار

عيني باااارده عليكم ياا الهيلا

[رعد الروقي]

الابداع دوبك هههه


صح لسانك يالعازمي ونلتقي على خـــار ان شاء الله

[رعد الروقي]

حيا الله الشمري وما حبيت الا من يحبك ويحب ربعك كلهم


ارحب ارحب




ونصيبكم فالشعر والمراجل وافر يالذيب

[معجب العتيبي]

العمــــــدة

هل اللون البنفسج كل واحد كنه الطاووس=يكوت نفسيته ومـــن الهبايب ممتلي راسه
مدام ان الفتى يقضى زمانه ما كسب ناموس=عليه الهون قبل أن الليالي تجرح احساسه


العازمي

هل اللون البنفسج فالمواقف كلبوهم روس = وفي وقت السعه كلٍّ يلج مضيّع الطاسه

هبيل اللي يمر الوقت ماياخذ عبر ودروس= يشوف المغتني ثم يحسده من قوة افلاسه


العمــــــدة

تقوله والشواوي فيدهم ما غير عشر تيوس =و واحدهم ليا شاف الخطر بالرجل ما داسه
ترى بعض اللحا لو حرك الحلاق فيها الموس =غدت يالعازمي من قسوة الايام محتاسه



العازمي

عليك الهون يالعمده ولو حظك طلع منحوس = بعد كلٍ ورد ماشرب راع السطل والكاسه


ياعمدة حي وصلنا لبيتٍ بالرضا مانوس = زهقنا من علومٍ مابها تفكير وسياسه


العمــــــدة

عليك الشمس ساطع نورها يا شايل الفانوس=وميقاف الرجل محسوب عن ربعه وعن ناسه
ليا منك حميت المعنوي نظهر لك المحسوس=ونرمي بك تحت غبة بحر ما تعرف قياسه


العازمي

قدم رجلي يدوس الدرب لوّنه مظلّم دوس = وهاذي ليلةٍ قمرا تزيل الهم واوناسه


على خد المطيه وسم والشاهد ماهو ملموس = وهاذيه قضيه فالدير بالحيل حساسه


العمــــــدة

بوالين الهوى ياللي تحاميها من الدبوس=تحيزم دونها والسوق ماسه يغلب نحاسه
والا يا ذود ياللي فيك وسم المالك المحروس=شعيل يعيش حر وما عليه وسوم للساسه


العازمي

بنوك سويسرا فيها ذهب صافي ونقد فلوس = إذا ودك دبسنا اسمك على بابه بدباسه


انا ماني بخابر حب فالديره دخلبه سوس = عروقٍ بالوفا تظهر وعكس اعروق يبّاسه


العمــــــدة

شهد خايب رجا بهتان والمشهود له متعوس=وانا ما الوم حطاب الشتاء لو شب في فاسه
نشدت العازمي وابغا جوابه والرجال جلوس=قبل سود الليالي من دهاها تقلع اضراسه


العازمي

علومك يارعد دايم تجي من خارج القاموس = عليها مايتعّب راعي الهوجاس هوجاسه


مادامنّك كذا لابس من الخافي ثلاث لبوس = يجيبلنا الخبر بكره عن الامطار عساسه

[عيد العازمي]

الله عليك ياعمدة معلم


لعلنا استفدنا منك


لاهنت وصح لسانك


كل من مر مشكورين


معجب


ابيض وجه لاهنت

[ولد سجوان]

الله يعطيك العافيه يالعمده مانقول الاخير

[سفير الدوله]

عليك الشمس ساطع نورها يا شايل الفانوس=وميقاف الرجل محسوب عن ربعه وعن ناسه

العمده صح لسانك وارق سنوود



بنوك سويسرا فيها ذهب صافي ونقد فلوس=إذا ودك دبسنا اسمك على بابـه بدباسـه

العازمي مبدع صح لسانك ودام راسك