ياحافي شد حيلك بالقصيد وبعد الهقوات & ترى لك لابتن وقت اللقاء تحزن معاديها

[نافع الدلبحي]

السلام عليكم ورحمة الله وبركاته

الساده / بني عمي من عتيبه كافة

إليكم (أبيات) متواضعه دعم مني للشاعر الفذ : سعود الحافي

والذي مثل (القبيله ورجل القبيله خير تمثيل ) واقول فيها

ياحاااافي ... شد حيلك بالقصيد وبعّد الهقوات=ترى لك لابتن وقت اللقاء تحزن معاديها

إذا بالشعر فانت إلها.. واذا هي عودت فزعات..=ترانا محزمن لك والرسايل لاتحاتيها

جيوش عتيبه الهيلا ترابطلك على الشاشات=عيوناً ساهره يوم الحميا ولعّت فيها

وسر يالقائد الأعلى بشعرك دام معك اصوات=ليا دّوت تهز الكون والصمان توحيها

نبيك تعانق البيرق نبيك تجبر العثرات=نبيك تكون في القمه ياحافي وانت راعيها

محنك مقتدر مبدع شجاع وواثقن بالذات=حصان وذيباً امعط والليال السود تسريها

لاهنت وصح منطوقك ووينك من زمانٍ فات؟!=تضخ الدم بعروق القصايد لين تحييها؟!

ونا والله ماعبّر خفوقي لو بدعت أبيات=على عجله من امري لك يابو سالم مسويها


وسلامتكم

وتكفون ياكتايب روق وبرقا لاتبخلوا بالدعم على ممثلكم رساله واحده من كل واحد كفيله بتأهيله

[معجب العتيبي]

صح لسانك


ويستاهل سعود


مع اني ماشفت البرنامج من بدا الى يومك


بس اعلم ان سعود مامثله

[نافع الدلبحي]

لاتفوتك قصايد سعود في البرنامج لقد اثرى البرنامج وجميع القبائل متعاطفه معه وتؤازره ..وابشرك التصويت من جميع القبائل والدول

ولقد استوقفني في منتدى شاعر المليون رجل من بني تميم

غاضب على اللجنه ويقول نبي نصوت لسعود ويبي يتأهل غصب عن اللجنه رغم ان سعود ينافسه في الحلقه شاعر تميمي!!

عموماً قصايد سعود الحافي في شاعر المليون متوفره في موقع اليوتيوب لاتفوت محبي الشعر

[مرزوق حمدان العتيبي]

..
.
صح لسانك .... يالدلبحي .. وسعود ذيب ٍ امعط كماتفضلت ..
ووجوده في شاعر المليون زاده توهج ...
وهو البطل سواء اخذ البيرق ام لم ياخذه .. رغم انف الثور المعمعم وابو لغبوب المذهوب ....

[نافع الدلبحي]

..
.
صح لسانك .... يالدلبحي .. وسعود ذيب ٍ امعط كماتفضلت ..
ووجوده في شاعر المليون زاده توهج ...
وهو البطل سواء اخذ البيرق ام لم ياخذه .. رغم انف الثور المعمعم وابو لغبوب المذهوب ....

صح بدنك ياخوي مرزوق

هههههههههههههههههههه كنايات في الصميم

ولكن لن يستطيعوا حجب الشمس بغربال باستطاعة الهيلا ترشيحه من خلال دعمه , فلاتبخلوا عليه برساله

على فكره بغيت اسئلك انت الشاعر الكويتي المعروف مرزق العتيبي ولا تشابه اسماء

[حمـد المقاطي]

صح لسانك

يا الدلبحي

وبالتوفيق

لسعود الحافي

إن شاء الله

[أبونواف]

سعود شاعر مبدع ونتمنى له التوفيق وصح لسانك يالدلبحي

[محمد الحميدي]

صح لسانك

وسعود يستاهل . والوعد قدام يالجنة الافلاس والثور ابو لغبوب مدحور


تقبل تحياتي

[نافع الدلبحي]

صحت ابدانكم جميعاً الله لايهينك

شرفتوا متصفحي بمروركم الكريم

[رمح برقاا]

صح لسانك يا الدلبحي عز الله انك كفيت ووفيت وبيض الله وجهك على ها القصيده الممتازه .

والله ان سعود بطل من سلالت ابطال مانا في حاجة حمد السعيد انه يعطي القاب لرجال عتيبه ، لان عتيبه تحصد القابها من سنوات عجاف

احب اقول لسعود الحافي عز الله انك كفيت ووفيت وبيض الوجه ويكفينا والله رجولتك وحجااجك الطلق بين الرجال والى الامام يا بطل شعار الهيلا

[نافع الدلبحي]

صح لسانك يا الدلبحي عز الله انك كفيت ووفيت وبيض الله وجهك على ها القصيده الممتازه .

والله ان سعود بطل من سلالت ابطال مانا في حاجة حمد السعيد انه يعطي القاب لرجال عتيبه ، لان عتيبه تحصد القابها من سنوات عجاف

احب اقول لسعود الحافي عز الله انك كفيت ووفيت وبيض الوجه ويكفينا والله رجولتك وحجااجك الطلق بين الرجال والى الامام يا بطل شعار الهيلا

صح بدنك يارمح برقا ووجهك ابيض

والله لايهينك على مرورك الكريم

[روقي الجمش]

أخي / نافع الدلبحي

السلام عليكم ورحمة الله وبركاته

يعطيك العافية . على ما قدمت من شعر . وصح لسانك .

وسعود الحافي يستاهل ونحن معه وندعي له بالتوفيق فيما يقدم من شعر عذب .سوى فاز بالبيرق أم لم يفز . فهو شاعر متمكن وجزل .
ولكن الخوف من المذهوب . وشلته والتي تسعى لهدف مبيت والبحث عن الدخل وهو الأهم . والأن سعود كم مرة يحط على قائمة التصويت . الموضوع واضح ولا يبغى له دليل .

لك مني كل الحب والتقدير

والســــلام ،،،

تقبل تحياتي / روقي الجمش .