كلمه وابي من يعطيني معناها ....!..اتمنى التفاعل ..!

[@ـايل]

http://img57.imageshack.us/img57/5375/3ash8bodkzdp5xigv3.gif

السلام عليكم ورحمة الله وبركاته ...

اسعد الله اوقاتكم اخواني الاعضاء ...في منتدى الهيلا ...

عندي كلمه واحببت ان اطرحها عليكم لاختبر معلوماتك ...والكلمه بكل صراحه اني اعرف معناها ولكن كما ذكرت احببت ان اطرحها لكم لكي يستفيد بعضنا من الاخر ...

والكلمه هي : ....( شنفاز )...
يا هل ترى ما معناها ... خمنوا في الاجابه واتمنى التفاعل ...لكي نصل الى حلها ومعرفة معنى الكلمه ..

والحل سوف اضعه فيما بعد ...حينما نصل الى العدد المطلوب من المشاركات ... هذا اذا ماحله واحد ذيبان منكم ...:)

وشكرًا....

[د/سعد عايض النفيعي]

و الله ياخوك بحثت في قوقل ما لقيتها مذكورة
و اول مرة اسمعها

[@ـايل]

و الله ياخوك بحثت في قوقل ما لقيتها مذكورة
و اول مرة اسمعها


مرحبااا يادكتور...لاتتعب نفسك وناخوك منت محصلها في قوقل :)..واتمنى انك تحل الاجابه ....

وينكم يارياجيل ...وين اهل الحلال...:) ...بسطت لكم الاجابه ...كلن يحط الحل اللي عنده واللي يقرب من الاجابه ابقوله تراك قربت ...

[متعب العصيمي]

كلمة عربية فصحى هي ولا عاميه ياهايل :(

[@ـايل]

كلمة عربية فصحى هي ولا عاميه ياهايل :(


مرحباا يامتعب ... الكلمه بصراحه عاميه يقولونها البدو ...اصحاب الحلال:) واللي ماعنده حلال بعد يقولها ... لكنها نادره تقريبًا ....

وفي انتظار تساؤلاتكم وتخميناتكم ...

[د/سعد عايض النفيعي]

هايل هذي شكلها اصعب من مصطلحات الطب اللاتينيه

هل هي نوع من الرعي و النبات البري ( رمعه من عندي )

[@ـايل]

هايل هذي شكلها اصعب من مصطلحات الطب اللاتينيه

هل هي نوع من الرعي و النبات البري ( رمعه من عندي )


ههههههههههه
يادكتور حنا دكاتره بعد :d وعندنا مصطلحات زيكم :) لكن ترا الشنفاز مهب علاج ...يادكتورنا..

والشنفاز ياسعد مهب نبات تراك قربت من الحل ..:) اتمنى توصل للحل ..يالذيب.

[@ـايل]

:)Used in....................... barley

[بـــرق]

لاهنت يا هايل على الموضوع

؟؟؟؟ الرسن ؟؟؟؟؟

[@ـايل]

لاهنت يا هايل على الموضوع

؟؟؟؟ الرسن ؟؟؟؟؟


مالك لوا يالبرق ..مهب الرسن ..ولاهوب حوله بعد:)....حاول مره اخرى وفي انتظار الحل الصحيح منك..

[بـــرق]

الضاهر انه مشروووب

اذا انه مشروب علمني اعطيك نوعه

:d

[د/ نايف العتيبي]

يقال أنه التاجر ..
تاجر الحلال
واللي عند حلال كثير .

[@ـايل]

الضاهر انه مشروووب

اذا انه مشروب علمني اعطيك نوعه

:d


ههههههههههههههههه..
لا يارجال مهب مشرووب ..ههههه حتى لو انه مشروب .يبي يستخدمه راعي الحلال..؟؟؟؟؟ مايصير وناخوك:)...حاول مره اخرى تراك بعدت بالحيل يالبرق ..

[@ـايل]

يقال أنه التاجر ..
تاجر الحلال
واللي عند حلال كثير .


مالك لوا يادكتور مهب تاجر الحلال ......ابسهّل الاجابه لكم ...الكلمه يقولونها اغلب البدو اهل الحلال ..بعد ما يستخدمونه ويخلصون منه يسمون الشي هذا شنفاز

[خالد نوار العتيبي]

والله ياخوي هايل العتيبي

شنفاز ماسمعت بيها عند أحد من أهل الحلال رغم حياتي شبه كلها بين الأبل والغنم

إلا كان هذه الكلمه مقصورة علي بعض الفخوذ والقبائل

واللي اعلمه عن الكلمه هذه أهي من اصل أوربي وهي كنيه لمشروب من أنواع المسكرات حمانا الله منها .

تحياتي لكـ:confused:

[@ـايل]

والله ياخوي هايل العتيبي

شنفاز ماسمعت بيها عند أحد من أهل الحلال رغم حياتي شبه كلها بين الأبل والغنم

إلا كان هذه الكلمه مقصورة علي بعض الفخوذ والقبائل

واللي اعلمه عن الكلمه هذه أهي من اصل أوربي وهي كنيه لمشروب من أنواع المسكرات حمانا الله منها .

تحياتي لكـ:confused:


هههههههههههههههههههههههههههههههههههههه
لا مهب مشروب يابن نوار...الكلمه هذي يطلقهاالبدو على شي رئيسي يستخدمونه لحلالهم...وبدون هالشي الرئيسي يموّت حلالهم ..:)

[خالد نوار العتيبي]

أعذرني برد أخمن


ممكن من أنواع الأعلاف؟؟؟

كان من نوع الأعلاف فهو والله أعلم الشعير فهو الوحيد الذي لاتستغني عنه الغنم

ممكن تخمين وأنا أعلم انه بعيد شوي !!!!

ممكن الجاره{تستخدم في خسيل الأبل والغنم}هههه

تحياتي لكـ

[@ـايل]

أعذرني برد أخمن


ممكن من أنواع الأعلاف؟؟؟

كان من نوع الأعلاف فهو والله أعلم الشعير فهو الوحيد الذي لاتستغني عنه الغنم

ممكن تخمين وأنا أعلم انه بعيد شوي !!!!

ممكن الجاره{تستخدم في خسيل الأبل والغنم}هههه

تحياتي لكـ


هههههههههههههههههههههههههههههه
حياك الله ثاني مره يابن نوار وانت قربت بالحيل من الاجابه ...هو مهب الشعير نفسه ...يعني يحوي الشعير.....؟؟؟؟ولك الاجابه ...وترا لك هديه ان حليت الاجابه :)

ثاني شي وش جاب طاري الجاره ..هههههههههه...

[خالد نوار العتيبي]

عسي الهديه طايرة الهيلا ههه

فالك السعد هايل


ما اني قربت فهو أحداء أثنين لا ثالث لهم!!

1_ النخاله
2_ أهو التخ وهو يوخذ من القطن وهو علف للمواشي يسمي انفاز وليس شنفاز وهو صناعه سودانيه

وان ماكان قصدك هذا فالله أعلم

تحياتي لك

[@ـايل]

عسي الهديه طايرة الهيلا ههه

فالك السعد هايل


ما اني قربت فهو أحداء أثنين لا ثالث لهم!!

1_ النخاله
2_ أهو التخ وهو يوخذ من القطن وهو علف للمواشي يسمي انفاز وليس شنفاز وهو صناعه سودانيه

وان ماكان قصدك هذا فالله أعلم

تحياتي لك


ماشاء الله عليك ...يابن نوار ...اثر عندك معلومات وحنا ماندري...لكن الاجابه غير صحيحه وهي كذلك تحوي النخاله:):):):)وانت قريب من الحل ..وفي انتظار عودتك..بالحل..

[@ـايل]

اللي يحوي الشعير والنخاله وشنهو ....؟؟؟؟؟:):):)....بسطت الاجابه اكثر من اللازم...

[خالد نوار العتيبي]

اخوي هايل العلف هذا مصنوع من خليط النخاله والشعير وحبة الصويا؟؟!!


وعسي يكون أهو المكعبات,,., مجموعه مخلوطه من نخاله وشعير وأعلاف اخرى وتكون شكلها مكعبات أو استواني الشكل..

تحياتي لك


والله اللي صامل< هههههههه

[متعب العصيمي]

ياهايل 20 سنه وانا وسط الحلال ماعمري سمعتها :(

مار علمنا ترا مخي قفل :)

[@ـايل]

اخوي هايل العلف هذا مصنوع من خليط النخاله والشعير وحبة الصويا؟؟!!


وعسي يكون أهو المكعبات,,., مجموعه مخلوطه من نخاله وشعير وأعلاف اخرى وتكون شكلها مكعبات أو استواني الشكل..

تحياتي لك


والله اللي صامل< هههههههه


والله تعجبني ياخالد ...شكلك تبا تاخذ الجايزه :):)..لكن مهب المكعبات ...وهو شي مهم يحوي الشعير والنخاله بدونه يضيع الشعير والنخاله...ويحفظها بعد...

[@ـايل]

ياهايل 20 سنه وانا وسط الحلال ماعمري سمعتها :(

مار علمنا ترا مخي قفل :)


ههههههههههههههههههههههههههه
ماعليه اصبر يامتعب ...الصبر زين وكل مطرود ملحوق...وكما ذكرت في السابق ...هو شي مهم يحوي الشعير والنخاله ويحفظها بعد....:):):)

[متعب العصيمي]

http://up1.m5zn.com/photo/2009/2/8/05/i9b09ps4d.jpg/jpg (http://up1.m5zn.com)

حتى قوقل راح بعيد :(

ننتظر الحل

[@ـايل]

http://up1.m5zn.com/photo/2009/2/8/05/i9b09ps4d.jpg/jpg (http://up1.m5zn.com)

حتى قوقل راح بعيد :(

ننتظر الحل


ههههههههههههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههه
اني خابر يامتعب حتى انا دورتها مالقيتها :):):):):)قوقل مايجيب العلم وناخوووك:)
لكن انتظر الحل ...وحاول يامتعب مره ثانيه يمكن تصدف معك ..وتجيبها ..;)

[ابو نوووووووف]

المعلف


يامجننا

[@ـايل]

المعلف


يامجننا


هههههههههههههههههههههههههههه
مالك لوااا يابو نووووف مهب المعلف ...يستخدم قبل المعلف ....:):):)حاول مره ثانيه ولك الجايزه ان حليتها ....;)

[ابو نوووووووف]

والله ان بغيت الجد


عصرت المخ عصر

مالقيت شي



والشيبان رقود



هم الي بيجيبون العلم


عطنا مهله

للمغرب

[@ـايل]

والله ان بغيت الجد


عصرت المخ عصر

مالقيت شي



والشيبان رقود



هم الي بيجيبون العلم


عطنا مهله

للمغرب



هههههههههههههههههههههههههه
لا والله رحنا فيها مادام انك تبا تنشد الشيبان اجل تبا تجيب العلم ههه:):):)لكن وعدنا المغرب اذا ماحله واحد قبلك يابوونوووف...في انتظارك ...

[مرزوق الجعيد]

اساس الكلمه((شنفاص))

وليس شنفاز

والمقصود فيه الكيس حق الشعير (البلاستيكي))

اذا هذا المقصود

والله اعلم

[بواردي المدرهمات]

شنفاز تسان مانيب موهم انه التختور (دغسان) ابو لغابيب اللي في لجنة شاعر المليون :d شتله
<<< ساطحن تسبده ابو لغابيب من نقده اللي حادرله وادي
طراه شنفاز مهوب الهنا اللي يهنون فيه الشعير والنخاله والبتاع

[عبدالله الجـــذع]

جابها مرزوق تسان مانيب واهم


اكياس الشعير والعلف


مشكور ياهايل

ولازم لازم تجيب لنا شيء ثاني نبا نشغل هالكور < يشر على راسه هههـ


مشكور ياغالي

محبك
,

[@ـايل]

اساس الكلمه((شنفاص))

وليس شنفاز

والمقصود فيه الكيس حق الشعير (البلاستيكي))

اذا هذا المقصود

والله اعلم



الف الف الف مبروووووووووووووووووووووووك يامرزوق الجعيد

http://pcs.fares.net/pcs/images/mab006.gif

عزالله انك جبتها يالذيب...وتستاهل الناموس يالجعيد فعلا .... الشنفاز : هو الخريطه او الباغه او الكيس حقت الشعير والنخاله يسمونها البدو والناس المختصين شنفاز ..وانا سبق وان وضحت للاخوان الاجابه ..لكن ماشاء الله عليك جبتها ..

[@ـايل]

شنفاز تسان مانيب موهم انه التختور (دغسان) ابو لغابيب اللي في لجنة شاعر المليون :d شتله
<<< ساطحن تسبده ابو لغابيب من نقده اللي حادرله وادي
طراه شنفاز مهوب الهنا اللي يهنون فيه الشعير والنخاله والبتاع


ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
هههههههههههههههههههههههههههههههههههههههههههههه
شكله دابلن سبدك يالبواردي التختور دغسان ..ههههههههههه <<<<يضحك على تختور ودغسان وابو لغابيب...هههههه

وشنهو الهنا اللي يهنون فيه الشعير هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه
<<<< يضحك على الهنا مايدري وشنهو ...:):):):):):)

[@ـايل]

جابها مرزوق تسان مانيب واهم


اكياس الشعير والعلف


مشكور ياهايل

ولازم لازم تجيب لنا شيء ثاني نبا نشغل هالكور < يشر على راسه هههـ


مشكور ياغالي

محبك
,

هههههههههههههههههههههههههههههههه

مرحباا ياعبدالله الجذع ..وينك تسان جيت من بدري قبل مرزوق على شان تحله ...لكن خيرها في غيرها :):):):)

وان شاء الله انتظرونا في مسابقه قادمه الاسبوع الجاي ..بحول الله وقوته ..نبا نجيب الكم كلمه صعبه ...ولحد يفكر انه يدورها في قوووقل مثل دكتورنا ..ومتعب العصيمي ..لانكم منتم محصلينها ...واللي يحلها ذيب....مثل مرزوق الجعيد ...ولازم نشوف راعي المدرهمات معنا هههههههههه:):):):)

واشكركم جميعًا على تفاعلكم ...

[د/سعد عايض النفيعي]

الله يهديك يا هايل
الجنفاص معروف كيس بلاستيك بس انت كاتب شنفاز
شكلك يبيلك دروس تقوية في النحو و الاملاء لانك غيرت احرف من الكلمه على الاقل حرفين وذلك اخل بالمعنى و تغيرت الكلمه

[د/ نايف العتيبي]

روت عجوزي عن عجوزها عن أمها
في طحي أنه شنفاص

[@ـايل]

الله يهديك يا هايل
الجنفاص معروف كيس بلاستيك بس انت كاتب شنفاز
شكلك يبيلك دروس تقوية في النحو و الاملاء لانك غيرت احرف من الكلمه على الاقل حرفين وذلك اخل بالمعنى و تغيرت الكلمه


ههههههههههههههههههههههههههههه
مرحبااا يادكتور ..ياخوي انا وضحت الاجابه اكثر من مره ..والاسم انا متأكد منه هو شنفاز ..والجنفاص هذا اول مره اسمع فيه ,,:):):):)..ثاني شي يادكتور انت تشوف كتاباتي وش زينها يعني برايك احتاج لدروس تقويه في النحو والاملاء ..اشكرك ونشوفك في مسابقه اخرى ..:):):)

[@ـايل]

روت عجوزي عن عجوزها عن أمها
في طحي أنه شنفاص

هههههههههههههههههههههههههههههههههههههههههههه
ههههههههههههههههههههههههههههههههههههههههههههههه
ههههههههههههههههههههههههههههههههههههههههههه
اللي يقول جنفاص واللي يقول جنفاز وشنفاص ...كل واحد قام يألف من عنده ...ههههههههه:):):)
الله يخليهن الك يارب ...ومادام الروايات من عجوزك اجل ما لنا كلام :):):)لاهنت يادكتور ونشوفك في مسابقات اخرى ...:):)ولاتنسى تسلم على ام عجوز عجوزك اللي في طحي:):)

[مرزوق الجعيد]

الاخ هايل

تشكر على الفكره الرائعه والتي جمعت الكثير من الاعضاء في نقاشات فكاهيه وتواصل في هذا المتصفح بقالب جديد

ننتظر القادم

وتقبل تحياتي

اخوك مرزوق الجعيد

ابو نواف

[هاوي511]

ههههههههههه

والله اني اول ماقريت الكلمه عرفت معناها

ننتظر الكلمه الجديده

:)

[@ـايل]

حياك الله ياهاوي 511 ...

عن قريب الكلمه الجديده ...لاهنت على المرور..:)

......

[بدر الكريزي]

< يقول الحمدلله انه ما لحق على شنفاز :)

.

لا هنت يا هايل .. و بإنتظار الكلمة الجديدة ..

[بندر بن مسلط]

والله ياخوك ماعرف معناها



بس حسب اعتقادي ابا ارمع



هو نوع من الشراب الوسكي والعياذ بالله




وسلامتك

[@ـايل]

< يقول الحمدلله انه ما لحق على شنفاز :)

.

لا هنت يا هايل .. و بإنتظار الكلمة الجديدة ..


ليتك لحقت عليها يابدر ..:)

ولانت يالغالي اشكرك على حظورك متصفحك...

.....

[@ـايل]

والله ياخوك ماعرف معناها



بس حسب اعتقادي ابا ارمع



هو نوع من الشراب الوسكي والعياذ بالله




وسلامتك


الكلمه حلوها يابندر ...ترقـّب الكلمه الجديد:)

واشكرك على حظورك متصفحك ..ولاهنت ...

.......