تسجيل الدخول

مشاهدة النسخة كاملة : شارك بقصيده حسب طلب العضو اللي قبلك

خالد نوار العتيبي
04-Feb-2009, 11:34 PM
السلام عليكم ورحمة الله وبركاته


أخواني الأعزاء


الفكره جميله وواضحه من العنوان


وهو أنك تقول اسم لشاعر والعضو اللي بعدك يجيب بيتين أو يزيد
لشاعر

ويكون فيها جمع لبعض ابيات شعراء أنت طلبتهم من غيرك

عسي أن تنال أعجابكم ورضاكم

والبدايه معي::,

الشاعر : رشيد الزلامي

تحياتي لكم
عبدالرحمن الهيلوم
05-Feb-2009, 05:31 AM
تبشر يالغالي

وباسم البادي

وللزلامي بيتتين يقول فيها وهي صارت مثل عند الرجال

يقول ابو جميل ::

لاصار ماتقدر كلام الرجاجيل
عود وتلقي واحد ن منك واردي





الي بعدي الله لايهينه

نبي بيتين للشاعر المرحوم (( بندر سرور ))
ابن صنهوت
05-Feb-2009, 07:21 AM
يابدر بن سلطان ما يبرد الجاش ..... الا نهار فيه للجد تشهير
يفرحبه الطيب ويكرهبه اللاش...... ويثور عجه من قرى عنز للنير


الشـــــــــــاعر
حمدان العصيمي
خالد نوار العتيبي
05-Feb-2009, 02:06 PM
الشـــــــــــاعر
حمدان العصيمي


يابوفـارس نبـا نبـدي ونـرقـا عـالـي المـرقـاب
نخـاف مـن العلـوم اللـي عـن الواقـع تحرفـهـا
أبوزيـد الهلالـي بعـد بكـره يجمـع الاصـحـاب
ورى قمـة طـويـق وخـافـي الاســرار يكشفـهـا

====

هذي ابيات من رديه بين الشاعر حمدان وشايع العيافي

شاكر لك من عبدرحمن الهيلووم وأبن صنهوت

علي المشاره المميزه


«®°·.¸.•°°·.¸¸.•°°·.¸.•°®»المطلوب الشاعر خلف بن هذال ابو فيصل«®°·.¸.•°°·.¸¸.•°°·.¸.•°®»

تحياتي لكم
عبدالرحمن الهيلوم
06-Feb-2009, 05:26 AM
قصيد لخلف بن هذال امام الملك فيصل بالطائف


(( أذا نظرنا الي الدنيا ومافيها ))
((مقدسات الي الجبهه تنادينا ))


الشاعر القادم

الحر النداوي يوسف العصيمي
خالد نوار العتيبي
06-Feb-2009, 09:43 PM
الحر النداوي يوسف العصيمي


إن كــان لـــي وجـهــة نـظــر لاتـــزال الآن .... علـى حالهـا .... والـحـال مايـنـدرى بعـديـن

عـلـى الـلـي مــورد كلـمـةٍ مالـهـا بـرهــان ... يـقـول السنـيـن تعـلـم الرجل .. لـكـن ويـــن

لــو ان السنـيـن تعـلـم ومـاهـوب غـلـطـان ... اجل ليه اصدق ضحكة الناس إلى ذا الحين

حكـايـات وامـثـال وقصـايـد وهــرج لـسـان ... ماغـيـر نتناقلـهـا لاجـــل نـكـسـر الـروتـيـن



دمتم سالمين

الشاعر القادم

خالد محمد العتيبي
كريمان
13-Feb-2009, 04:52 PM
دعت سمرالجدايل وانتخت بالقذلـة الهلـة
تبي مني عروس للقصيد ازريت لاغويهـا
ويوم اني لقيت لها الخلود وجيت ابوصل له
تنحرك الكـلام اللـي فهقهـا دون مغليهـا
خضع لك راس مسبوق القصايد وانحنى كله
وانا بك شاعرالدنيـا ومشغلهـا وماليهـا


اللي بعدي نبي لشاعر سليم بن عبدالحي
اسمحلي مجنون
13-Feb-2009, 08:32 PM
هذه من اجمل قصائد الشاعر/سليم بن عبدالحي الاحسائي00




بنيت عدل القاف في طلح قرطاس=لعيون من حازت كثير النواميس
وحييتها ماحن بالسحب رجاس=وعداد ما زاف الحيا بالطعاميس
وعد ما جلبت بالأسواق الأجناس=وعد ما هبت هبوب النسانيس
وما استلم ركن الحرم كف لماس=وما سرى الخريت وسط الخراميس
وما اكتسب يوم الوغى الذرب نوماس=والخيل من لفح العريني مراويس
وعد ما كرب على القود مساس=أو زج حبر الزاج فوق القراطيس
رأس اليراع بكف من شيد الساس=يبنى المثايل ما يرى به تعاميس
وترحيب أحلى من لما عرب الأجناس=في فاه صب نال منه التعاويس
وأنوح عبير من شذا المسك لأناس=بجعود غطروف أردوفه متاريس
اللي بعدي نبي للشاعر نجر بن فيصل العصيمي000
خالد نوار العتيبي
13-Feb-2009, 11:58 PM
صبحكم الله بالخير

هذه ابيات من قصيده لنجر بن فيصل ابو حجرف في مساجلة بينه وبين الشاعر, عبد الله نايف بن عون..


حلو الهدايا من يديـن الاجاويـد
من الكريم اللي بسط لي صحفتـه
عبدالله اسند لي من الشعر تمهيـد
لبس الشرف عيدت به والتحفتـه
واختصني من بد كـل القواصيـد
قصده يعبر عن ظروف صدفتـه
وهجدتني فآخر صيامي مهاجيـد
واشتلت حملٍ فوق متنـي نسفتـه
وشكى على وزادني منـه تعقيـد
راي يناسبـنـي وراي حذفـتـه

اللي بعدي الله لا يهينه. نايف صقر العتيبي
ابو محمد الدعجاني
14-Feb-2009, 03:07 AM
يا وجودي وجد من حاديه قيض ومهمهيه

من تباريح الغرام ولا وراه الا المظامي

لاتذكر دار خلانه وبرق في خويه

ظاقت الدنيا عليه وصاح لمزون الوسامي

والظما بين على روحه وبين فالمطيه

والمدا مافيه غير التيه وارقاب النوامي

او وجود اللي ورد ظامي قليب العيطليه

وطاح دلوه في مجم البير وانياقه حيامي


اللي بعدي الله لا يهينه نبي منه قصيده للشاعر مهدي الحيدر الوايلي
ابو بندر الروقي
14-Feb-2009, 06:36 AM
الشاعر مهدي ال حيدر الوايلي

يادين من قبل العجم دله العرب
متسامح وللزله ان جات دامح

وانا وقفت بدون معناك في كرب
والعز مني يوم ذليت طامح

متسامح امريكا تجي تعلن الحرب
على اقرباي ومامن الخيل جامح

متسامح اشاهد اخواني تحت ضرب
في ابو غريب معريين الملامح

متسامح اشنق راس صدام للغرب
واضحك لبوش وكل وجهي تسامح

يالجنة الموضوع مانيب له طرب
ايت تسامح والحشاء في مرامح





مطلوب الشاعر : محمد بن فهيد الاسعدي
خالد نوار العتيبي
14-Feb-2009, 08:45 PM
الشاعر محمد بن فهيد



ياراكب من عندنا فوق مطواع = يشبه لدلو مع شفا البير زلي

ما قبلو خفه يسير ومرقاع = بشدي لدانوق بموج مولي

تلقى مهلهل ساكن ملج وانطاع= زبن الحصان الدويلي كان خلي

تلقاه بأولهم الي صار فزاع= وأن ديرو دايم خلاف المتلي


==========

الشاعر القادم مرير الشيباني