يارجم النوايف قرررررررررررررررررررب جاااااااااي

[ريف المسايير]

يارجم يارجم النوايف مساء الخيرات والنور=الليله الليله على الدرب ممشانا سويه
ماني بمعذورٍ ولانته بعد يارجم معذور=مادام نار العز من بيننا يارجم حيه

[شايب كم]

ريف المسايير

صح لسانك

و

ننتظر الرجم ليكتمل الابداع

[ريف المسايير]

ريف المسايير

صح لسانك

و

ننتظر الرجم ليكتمل الابداع



صح بدنك يالشايب

;)

ومشكور على المرور طال عمرك

[مشعل الحافي]

يامرحبا ترحيبة ٍ وافيه معنى ودستور =على الطريق اللي مشيناه والدنيا مديه
الحق ياريف المسايير ماشكله كما الزور=والحكم ثابت وانت عندك تفاصيل القضيه

[مشعل الحافي]

شايب كم يامرحبابك

[ريف المسايير]

دام البقا والليله الليله البندق تبا تثور=في راس ملعون الصلايب ولد بوش وخويه
ونبغى معك فتح القضيه ونكشف كل مستور=لو حال دون ام اللبن والشحم احمد عطيه

[مشعل الحافي]

اشغلتنا المباره ياريف استلم



ان ثارت البندق نبا وقعها في مشة الزور=بالوجه ماهي بالقفا عادة الكف النديه
لو شالت ابطون العرب من سعه ماشالت اظهور=قد قلتها واقولها والليالي سرمديه

[خالد نوار العتيبي]

ريف المسايير

صح لسانكـ

تحياتي لكـ

[ريف المسايير]

مايخطي النيشان يارجم كود الحول والعور=قومٍ تدور للخنا والردى صبح وعشيه
الصقر يبقى صقر يالشيخ والعصفور عصفور=لاتقول هذي يابيض الوجه غلطه مطبعيه

[ريف المسايير]

ريف المسايير

صح لسانكـ

تحياتي لكـ


صح بدنك يابو نوار

لاهنت يالغالي

[مشعل الحافي]

سرّ السوالف يابعيد الهقاوي وإسمع الشور=ماينقطع حبل الرجا كود من حبل المنيه
العام الاول مختلف والليالي ماشيه دور=هذي حقيقه واضحه بالحروف الابجديه

[مشعل الحافي]

ريف المسايير نكمل غداً باذن الله تصبح على خير..

[ريف المسايير]

صح لسانك يارجم وشكرا على اتاحة الفرصة

[مشعل الحافي]

صح بدنك وصح لسانك ياريف.. اللعب معك له طعم خاص
الشهادة لله وجود شاعر بحجمك في المنتدى مكسب كبير للجميع..