الأخــوه الشعــراء

[عبدالله بن طلال]

أقدم هذه المتواضعه أمام ألذوق الرفيع

وأرجو المعذرة بالخطأ والتقصير :


نـوادر ألشعـار الأخيـار الاعـلام = يمكن (ثنين) أو هم (ثلاثه) بالأمّـه

والعالم الباقين من صنـع الاعـلام = وإن عافه الاعلام ما أحد(ن) يضمّه

أكثر قصايدهم من اضغاث الاحـلام = من راس راعيها اليـا راس كمّـه

دايم ونـاره ميّتـه بـارد اعظـام = هلايم(ن) تسعى علـى غـار يمّـه

يجمع حصيله عدّة اشهـور وايـام = وشريطه اوّل مايفلّـه علـى امّـه

ولاّ شكى مغـرم وهـو كنّـه ادرام = امدرعم(ن) والحـبّ ماهـوب يمّـه

يومي براس(ن) عششت فيه الأوهام = مطيور عقل وكـل طـاري يخمّـه

وشعّار نت اكثر من اصحاب الاقلام = تلقـى جهـاز (اللاّب)دايـم يزمّـه

ويوجد من الشعار وافـي ومقـدام = قـدّ الكـلام ويحتمـيـه ويتـمّـه

هذا وانا شاعر وفي خشمي اعرام = وما الدّ عيني غير في أعلات قمّـه

ما ارتاح لين آقف عليهـا بالاقـدام = ولا أهيم غير ارجع محقـق مهمّـه

شاعر يهيم وكل شاعر لـه إهيـام = ومن لا يهيم إيموت من زود همّـه

وأنا من الشعار شاعـر ليـا قـام = من فضل ربي هانت اكبـر مطمّـه

وافضل سلام الشعر خليتـه إختـام =ختام مسك ويشمـل إبـراي ذمّـه

[الشــاهد]

عبد الله بن طلال صح لسانك قصيدة جزلة ومعبرةعن وضع الساحة الآن

[عبدالله بن طلال]

عبد الله بن طلال صح لسانك قصيدة جزلة ومعبرةعن وضع الساحة الآن



مشكور ياسلطان


وصح بدنك



ودمت كما تتمنى وكما ارجو لك

[علي الثبيتي]

رائعه وصح لسانك مليون ياعبدالله

[عبدالله بن طلال]

النشمي


صح بدنك



وشكرا لمرورك ياغالي



ودمت بكل الودّ

[مرزوق حمدان العتيبي]

..
.
صح لسانك .. وبيض الله وجهكـ ...
دائم وانت للإبداع عنوان

[عبدالله بن طلال]

صح بدنك يابو حمدان



ومشكور طال عمرك




لاعدمناك

[زياد المزرمي]

عبد الله طلال

صح اللسانك على الابداع

شاعر يهيم وكل شاعر لـه إهيـام
****************ومن لا يهيم إيموت من زود همّـه


القصيده كلها جزله ولاكن توقفت عند هذا البيت

جزل يا عبدالله


تقبل مروري

[عقاب بن سقيان العتيبي]

الشاعر عبدالله بن طلال

صح لسانك(صدقت فيما قلت)...........

[هايل الهيلا]

الاخ الشاعر /عبدالله بن طلال


صح السانك وبعيد عن التقصير


وتقبل تحياتي

[عبدالله بن طلال]

عبد الله طلال

صح اللسانك على الابداع

شاعر يهيم وكل شاعر لـه إهيـام
****************ومن لا يهيم إيموت من زود همّـه


القصيده كلها جزله ولاكن توقفت عند هذا البيت

جزل يا عبدالله


تقبل مروري




صح بدنك يازياد



مرورك يشرّف



ووجهك ابيض

[عبدالله بن طلال]

الشاعر عبدالله بن طلال

صح لسانك(صدقت فيما قلت)...........




اخوي الشاعر عقاب



صح بدنك



شرفتني بالمرور الرائع .. لاهنت



ولك مني الودّ والتقدير

[بندر سعود الدغيلبي]

صح لسانك ياابن طلال

قصيدة جزلة تحكي عن واقع الشعر وشاعرها جزل

في إنتظار جديدك

تقبل شكري وتقديري

[عيد العازمي]

صح لسانك ياابن طلال


ماعهدناك الا جزل


دمت بخير


ودام ابداعك

[أبو زيد]

صح لسانك

كلام ولا أحلى...

[سعد بن مطلق المقاطي]

صح لسانك على القصيده الطيبه

يابن العم

[فايز بن سرحان الثبيتي]

عبد الله بن طلال


صح لسانك

قصيدة معبرة وواقعيه

كان لنا شرف الاطلاع والقراءة

[ســعــود الــحــمــادي]

,

هذا وانا شاعر وفي خشمي اعـرام
وما الدّ عيني غير في أعلات قمّـه


كفو .. ,
كفو .. ,
كفو .. ,


صح لسانك ولله درك ..


لاهنت ..,


تحياتي ..

[أبو مصلح 511]

صح لسانك يا عبدالله




الله يعطيك الف عافيه

[عبدالله بن طلال]

هايل الهيلا


صح بدنك


شرفني مرورك لاعدمتك

[عبدالله بن طلال]

بندر الدغيلبي



صح بدنكـ



ولك تحياتي دوووم

[عبدالله بن طلال]

العازمي


صح بدنك


وماعلاك زود



دمت بودّ

[عبدالله بن طلال]

صح لسانك

كلام ولا أحلى...



صح بدنك


ولا احلى من الساعه اللي مريت فيها على متصفحي



لاعدمناك

[ابن صنهوت]

صح السانك يا عبدالله والله يعين الساحه

يقول ابو جميل الله يطول عمره

شعر النبط شفته بوسط الشارع= يمشي ويسحب رجله المكسوره
الشعر راحت هيبته ما طيه=تشاوتوه الربع مثل الكوره

[خالد عبدالله القداح]

ابوطلال
تحياتي وصح السانك
والله مااكثر اللي تقول عنهم
لكن الله ييسر الامور ويشرح الصدور
وعلى ماقالوا خل الدرعى ترعى
تحياتي كثر الشعار الداجين

[عبدالله بن طلال]

صحّت أبدانكم وبيّض الله وجيهكم



ولأني تأخرت كثيرا في تقديم الشكر لكم



لضيق الوقت ، ليس إلاّ



فإني ألتمس ألعذر والسموحة منكم



كلكم واحد .. واحد



ولأني اكنّ مودّتك بقلبٍ واحد فان الشكر والتقدير لكم مدد بلا عدد



هنا .. في ردٍ واحد . جمعكم الله على طاعته وعلى



خير الدارين الدنيا والآخرة .



لاعدمتكم ودمتم بكل الودّ

[فواز علي الروقي]

هلا وسهلا بك

وتسلم يمناك لاعدمناك

ابداع والابداع فالك وليس بغريب عليك

دايما نتشوق لجديدك المفيد

صح لساااااااااااانك ولاهنت على ماقلت

قصيده اعجبتني ولاعليها غبار ولافي ذلك

شك لانها تدل على ان وراءها شاعر كبير

ومبدع فإلى الأمام اخي الغالي تقبل تحياتي

الشاعر : فواز علي الروقي

[عبدالله بن طلال]

اخواني الشعراء الكرام



سعد بن مطلق


ابن سرحـــــان


سعود الحمادي


ابو مصلــــــــح


ابو صنهــــــوت


خالد القــــــداح

فواز الروقــــي


صحت ابدانكم جميعا وشرفتوني بتصفحكم لأبياتي

لاعدمتكم ..


لكم جميعا ازكى التحايا وأصدق الودّ .. ودمتم بخير

[أخو جوزا]

صح لسانك يابوطلال

[قيس العازمي]

صح لسانك

شاعر جزل

ولو ان في القصيده

الفاض غير مقبوله

والشعراء ليسوا اثنين

او ثلاثه كما قلت

بل الكثير وفيهم

الخير والبركه