فهد الدعجاني
05-Jan-2003, 11:51 AM
السلاام عليكم
اول مشاركه لي قصيدة قديمه حصلت بيني وبين بعض الجماعه كنا مسافرين الى الربع الخالي والقصيده تعبر عن مضمونها وارجو ان تنال اعجابكم
الله من قلبن من الهم مهموم // اهتم قلبي يوم همه لجــــــــابه
ومن زود همي ماتهنيت بالنوم // اجاذب الونات وأحسب احسابه
مره من الاسلام ومره من الروم // ومر اليهود الى سعو في خرابه
واصبحت منهم خالي الكيس مليوم // وانا برجوى الى ينشي سحابه
انا برجوى فاهم الغيب معلوم // ارسل رسوله ثم نزل كتابه
ارسل محمد يظهر الحق ملزوم // يوصي وصي ربه ونفذ جوابه
يالله طلبتك جنة دايم الدوم // وان جاء اللقا لينه يخفف عذابه
مادمت حي انى معزز ومحشوم // انا زبن اللي مطهر جنابه
يابو محمد جت سواليف وعلوم // وانا كثير الناس ماني بهابه
انت كما حرآ قلب راسه الحوم // واللي قنصبه لابرق الريش جابه
ماكر حرارآ منت من ماكر ارخوم // حرآ تعلى بالشرف واعتلابه
يالاسعدي حطيتلك رسم مرسوم // رسم الشرف والطيب كلا درابه
وحنا على الازم شديدين وندوم// والحق يظهر والخطر مانهابه
ومافات خله بين ظالم ومظلوم // خذاه بن ظاوي وحصل عقابه
وكان العصيمي صار من حسبه القوم // حنا على الخاين نحط الرقابه
وان كان ابو عايض على الحب مغروم // ياخذ من الخفرات مثل النهابه
يومه صغير من هوى البيض محروم // واليوم يومه شاب يرثه طلابه
ترا الهوى راعيه خطرآ من اللوم // وتوهقه نفسه الى اقرب قرابه
انا ترا قلبي من الحب معصوم // مجفا من الخفرات فى كل بابه
اليوم شبت وتبت ماقول مطعوم// لا لامسه بيدى ولا قول جابه
يوم الهوى من بني سايم ومسيوم// نفهم طواريقه ونركب ركابه
ابو نهيدان ثمرهن كما الدوم // الى نهيداته جفت من ثيابه
وان دبرت ردف نابي ومزموم// واليا هرج هرج القفى به لبابه
كم ليلة سهران ماذقت النوم // من سبته نومى سوات الذيابه
ياالله طلبتك لاظوى الليل واليوم // عد النجوم وعد رملة ترابه
انك تسامحني على سابق اليوم // وفى المقبلات انك تبيض كتابه
اخوكم فهد الدعجاني
اول مشاركه لي قصيدة قديمه حصلت بيني وبين بعض الجماعه كنا مسافرين الى الربع الخالي والقصيده تعبر عن مضمونها وارجو ان تنال اعجابكم
الله من قلبن من الهم مهموم // اهتم قلبي يوم همه لجــــــــابه
ومن زود همي ماتهنيت بالنوم // اجاذب الونات وأحسب احسابه
مره من الاسلام ومره من الروم // ومر اليهود الى سعو في خرابه
واصبحت منهم خالي الكيس مليوم // وانا برجوى الى ينشي سحابه
انا برجوى فاهم الغيب معلوم // ارسل رسوله ثم نزل كتابه
ارسل محمد يظهر الحق ملزوم // يوصي وصي ربه ونفذ جوابه
يالله طلبتك جنة دايم الدوم // وان جاء اللقا لينه يخفف عذابه
مادمت حي انى معزز ومحشوم // انا زبن اللي مطهر جنابه
يابو محمد جت سواليف وعلوم // وانا كثير الناس ماني بهابه
انت كما حرآ قلب راسه الحوم // واللي قنصبه لابرق الريش جابه
ماكر حرارآ منت من ماكر ارخوم // حرآ تعلى بالشرف واعتلابه
يالاسعدي حطيتلك رسم مرسوم // رسم الشرف والطيب كلا درابه
وحنا على الازم شديدين وندوم// والحق يظهر والخطر مانهابه
ومافات خله بين ظالم ومظلوم // خذاه بن ظاوي وحصل عقابه
وكان العصيمي صار من حسبه القوم // حنا على الخاين نحط الرقابه
وان كان ابو عايض على الحب مغروم // ياخذ من الخفرات مثل النهابه
يومه صغير من هوى البيض محروم // واليوم يومه شاب يرثه طلابه
ترا الهوى راعيه خطرآ من اللوم // وتوهقه نفسه الى اقرب قرابه
انا ترا قلبي من الحب معصوم // مجفا من الخفرات فى كل بابه
اليوم شبت وتبت ماقول مطعوم// لا لامسه بيدى ولا قول جابه
يوم الهوى من بني سايم ومسيوم// نفهم طواريقه ونركب ركابه
ابو نهيدان ثمرهن كما الدوم // الى نهيداته جفت من ثيابه
وان دبرت ردف نابي ومزموم// واليا هرج هرج القفى به لبابه
كم ليلة سهران ماذقت النوم // من سبته نومى سوات الذيابه
ياالله طلبتك لاظوى الليل واليوم // عد النجوم وعد رملة ترابه
انك تسامحني على سابق اليوم // وفى المقبلات انك تبيض كتابه
اخوكم فهد الدعجاني