ناصر الجلاه اقرب لاهنت

[محمد المنصوري]

صاحبي الجلاه اقرب :)



يالعصيمي جيت بالقرٌان ابا اقرى ماتيسر = فوق راسك لين عن راسك يطير الجن براا
ثم بعدها بطحنك لين اكثر ضلوعك تكسر = انت شاعر بالمجامل من سنة جدي مضرااا

[الصاطي,,]

الله الله


صح لسانك يا المنصوري وبنتظار العصيمي وصح لساانه مقدما

[ناصر الجلاه]

..


من قرا في مصحفه لابد مايلقا مفسر=لاتهقوا يامحمد فالرجال اللي تورا !!

تشتري مار العصيمي خسرك وأنته مخسر=انت جاهل فالمواقف يالثبيتي لو تبرا !!

[ناصر الجلاه]

..

الصاطي

..

صح بدنكـ يالغاالي .. حضوركـ كريـــم

لاهنت

..

[معجب العتيبي]

الله الله


صح لسانك يامحمد بس انا اخالفك الراي ههههههههههههههه



الجلاه


خلهم يقولون اللي يقولون


والا اقول رد عليهم ابيك تحوس محمد الليله هههههههههههه


صحة السنتكم

مبدعين كالعاده

[ناصر الجلاه]

..

معجب العتيبي

..

ههههه صح بدنكـ يابوسلطان.. المنصوري صديقي :)

حضوركـ قمة شرف لي يابوسلطان

لاهنت

..

[محمد المنصوري]

والله انا مانبيح السر لين تيبح بالسر = ثم بعدها ننبش الجرح ونزيد الكبد حرااا
اشترى وابيع وانته ياابيض الوجه متعسر = مالقيتك داخل الاسواق تبتاع وتشراااا

[ناصر الجلاه]

..


دم وجهك دم حيه واللحم نفسه ممسر=الطراوه في عظامك يامحمد وش تحرا !!

مكسبي من رأس مالي يالثبيتي ماتحسر=اعرف الوزنه وكفتها على راسك تقرا !!

[محمد المنصوري]

لاتسولف لك بحلمٍ يالعصيمي مايفسر = انت مع صاحي لاترمي ثوبك الصوف وتعرااا
ليه شيخ القوم مااارتاح لوقوفك مع واأأنسر = ليت لك صيتٍ كبير وليت لك فعلٍ يطرااا

[محمد المنصوري]

ناصر كنت احسب انا نشيب الطاروق قبل وقت النوم
وحدث العكس :)
صح لساااانك والختام من عندك ولاهانوا المتواجدين معنا وخصوصاً
معجب

تراني امزح مع زميلي يامعجب

[ناصر الجلاه]

لاتسولف لك بحلمٍ يالعصيمي مايفسر = انت مع صاحي لاترمي ثوبك الصوف وتعرااا
ليه شيخ القوم مااارتاح لوقوفك مع واأأنسر = ليت لك صيتٍ كبير وليت لك فعلٍ يطرااا

شاب القاف يالمنصوري خساااااره :(

صح لسانكـ ولنا لقاء

سبحانكـ الله وبحمدكـ أشهد أن لا إله ألا الله أنت أستغفركـ وأتوب إليكـ