أبوثنتين
30-Jan-2009, 08:17 PM
قصيدة جزلة وفيها معاني طيبة وتحكى عن ذا الوضع الى حنا فيه...
والشاعر القدير ظافر الحبابي القحطاني:
ياالله وانا طالبك تغفـر لـي ذنوبـي ياغفـور
ارجيك والجالك وانـا سالـك واعيـد المسألـه
لـو ماتطهرنـي بعفـوك ماتطهرنـي البحـور
جيتـك وذنبـي قـد تعـلاّ غاربـي يامثقـلـه
انا من الطين انخلقت اخطـي ولانيـب معـذور
قامت عليّ الحجـه بدعـوة رسلـك المرسلـه
مومن بتوراتـك وانجيلـك ومؤمـن بالزبـور
وبسنـة محمـد وايـات الكـتـاب المنـزلـه
لكن خدعت بزخرف الدنيـا وزادتنـي غـرور
ابدت مفاتنهـا وورتنـي مـن العمـر اجملـه
طبعا بما اني بنـي آدم حصـل منـي قصـور
واذنبت يامولاي ذنـب فـي الخفـا ماتجهلـه
اسألك تغفرلي وتستـر موقفـي يـوم النشـور
الي القفت خلقـك صحايفهـا وهـي مستذهلـه
من يستلمها بالشمال افلس وهو يدعـو ثبـور
ومن يستلمها باليميـن افلـح لخيـر المنزلـه
واسألك ياربـي تعاونـي علـى نيـل الاجـور
احيا حياة مكسبـي فيهـا مـن البـر افضلـه
واسألك جاه مـع هـل الدنيـا وحـظ مايبـور
ايضا وعرف مـع هـل الحكمـه ورزق تكفلـه
من لا تهيا لـه مقـام مـع طويليـن الشبـور
يبكي على مافات من عمـره وخيبـات عملـه
وإن شاب راسه لاترجى فيه تجبيـر الكسـور
لاخيـر فـي تالـي زمـان ماتغانمـت اولــه
وماني بناسي قصة صارت وانـا ازور القبـور
لازلـت افكـر فـي غرابتهـا وبالـي تشغلـه
ساعة ظهرلي شايب له حول قرنيـن محجـور
في جوف قبر عن هل الدنيـا طـواه ويعزلـه
سلم وجا صوبي يقول: ابنشـدك ياللـي تـزور
عن حالة الدنيا وعن وضع الزمان وعـن هلـه
انا مضى وقتي ومرت بـي طويـلات الدهـور
والباقـي بعمـري بعيشـه بينكـم واستكملـه
قلت: الزمان اللي يبارينا علـى خبـرك يـدور
الوقـت نفسـه ماتغيـر ماشـئِ فـي جدولـه
اما البشر لا والله الاغيـر مـن حـد الجـذور
صار انتقال مـن يميـن الـى يسـار المنقلـه
استغرب الشايب من اللي قلـت وبليـا شعـور
حط اليمين على الشمال وخاطـره فيـه اسئلـه
قال افتني عن حالة الشيبان والشيـخ الوقـور
اهل الخبر والراي والحكمـه وضـرب الامثلـه
القدوه اصحاب الامور التي تطاع بكـل شـور
اللـي يفضَـون النـزاع ويحكمـون المشكلـه
قلت: البعض منهم على ماقلت في وصفك وقور
قدوه ولكـن رايهـم ماينفـرض فـي مسألـه
الطاعة العميـا بقـا منهـا مجاملـة الحضـور
اللـي تلاقيهـا مـع اول فـرصـةِ متنصـلـه
والبعض لاعبـد يخـاف الله ولاعبـد شكـور
لازهّـده شيبـه مـن الدنيـا ولاهـو جمـلـه
بهيمة يرجـع علـى منحـاه الاول ومحصـور
فـي لعـب بيلوتـه وريـح زقارتـه ومعسلـه
والبعض الاخر شابت رموشه على درب الفجور
ينقل جـوازه للسفـر مـن مزبلـه لا مزبلـه
اشيمط زاني قضـى عمـره بحانـات الخمـور
والعايلـه ورع يغـرر بـه وبـنـت مهمـلـه
قال: افتني عن حالة الخفرات ربـات الخـدور
اللـي تصـان ببيـت عايلهـا وبابـه تقفلـه
شيهانة تشمخ عفاف وتصقل فـروخ الصقـور
بين الفريق ببشتهـا الضافـي وثـوب تسبلـه
قلت العـذارى فـي زمنّـا ببغـاوات الطيـور
تقليد هرج وعرض ريـش خلفهـا تستخملـه
تلبس عباة ضيقت حول الردايـف والخصـور
فضيحة تكشف جسدهـا مـن علـوّه لاسفلـه
وموضة شيال تكشف الوجنات والوان الشعـور
والمحـرم تبّـدل بـجـوال بيـدهـا تحمـلـه
لافوحت صفر الدلال ولاعرفت غـش القـدور
تطبـخ لـهـا خـدامـة بالعايـلـهً متوكـلـه
الام ماصانت عفاف البنت من عمـر الزهـور
والأب ديـوثٍ تحكمـه حـرمـةً مسترجـلـه
وشلون يتربـى عيـال ام التبـرج والسفـور
الا خنـازيـر دمـاهـا بــارده ومغـفـلـه
قال: افتني بحال الشباب الصلب صيَاد النمـور
الفارس اللـي ينطـح خصومـه بزنـد يفتلـه
الوافي الشهم الغيور اللي لعرض الجـار سـور
البار عند امـه وابـوه وعلـم ربعـه يشغلـه
قلت الشباب بوقتنا وجـه مثـل بـدر البـدور
والجسم من زود الرخا ماتنفتـل فيـه عضلـه
قصـة شعـور سيّرتهـم لا إنـاث ولا ذكـور
والثـوب راح ولا بقـا الا عـالـمً متبنطـلـه
ناس (فلنتينو) ونـاس تلبـس ( كرستانديـور)
صار التنافـس بينهـم فـي لبسهـم والجنتلـه
من كان يشرب من قرار البير مشروبـه بيـور
والبل راعيها غـدا يشـرب حليـب النستلـه
مامنهم اللي قام دون اعراض جيرانـه غيـور
من قام قالو: وش ملقف حضرتـه وش دخلـه
والوالدين حقوقهم ضاعت وعنهـم فـي نفـور
إن غـاب عنهـم لاتذكرهـم ولا جـاه الولـه
بدّا عليهم شلةٍ تهـوى الوطـا بيـن الجحـور
لو تعزله عنهم تبـي لـه شـان كنـك تقتلـه
ماراح يوم يشارك ربوعه بحـزن ولا سـرور
حتى ابن عمه يعرفه بالوجـه واسمـه يجهلـه
بدّل حكاه وضيّع سلومـه وحالـه فـي دبـور
وإن شاف ضيف ٍ ينزل الراس لين يفارق منزله
ناظر لي الشايب بعين تجمـع السبـع البحـور
يقول انـا لايمكـن ادخـل مجتمعكـم واقبلـه
انتو لكم وقت تصـدّع مـن بلاويـه الصخـور
مايقعد الجمّـال بـه ساعـه ولوضـاع جملـه
وسلامتكم
منقول
والشاعر القدير ظافر الحبابي القحطاني:
ياالله وانا طالبك تغفـر لـي ذنوبـي ياغفـور
ارجيك والجالك وانـا سالـك واعيـد المسألـه
لـو ماتطهرنـي بعفـوك ماتطهرنـي البحـور
جيتـك وذنبـي قـد تعـلاّ غاربـي يامثقـلـه
انا من الطين انخلقت اخطـي ولانيـب معـذور
قامت عليّ الحجـه بدعـوة رسلـك المرسلـه
مومن بتوراتـك وانجيلـك ومؤمـن بالزبـور
وبسنـة محمـد وايـات الكـتـاب المنـزلـه
لكن خدعت بزخرف الدنيـا وزادتنـي غـرور
ابدت مفاتنهـا وورتنـي مـن العمـر اجملـه
طبعا بما اني بنـي آدم حصـل منـي قصـور
واذنبت يامولاي ذنـب فـي الخفـا ماتجهلـه
اسألك تغفرلي وتستـر موقفـي يـوم النشـور
الي القفت خلقـك صحايفهـا وهـي مستذهلـه
من يستلمها بالشمال افلس وهو يدعـو ثبـور
ومن يستلمها باليميـن افلـح لخيـر المنزلـه
واسألك ياربـي تعاونـي علـى نيـل الاجـور
احيا حياة مكسبـي فيهـا مـن البـر افضلـه
واسألك جاه مـع هـل الدنيـا وحـظ مايبـور
ايضا وعرف مـع هـل الحكمـه ورزق تكفلـه
من لا تهيا لـه مقـام مـع طويليـن الشبـور
يبكي على مافات من عمـره وخيبـات عملـه
وإن شاب راسه لاترجى فيه تجبيـر الكسـور
لاخيـر فـي تالـي زمـان ماتغانمـت اولــه
وماني بناسي قصة صارت وانـا ازور القبـور
لازلـت افكـر فـي غرابتهـا وبالـي تشغلـه
ساعة ظهرلي شايب له حول قرنيـن محجـور
في جوف قبر عن هل الدنيـا طـواه ويعزلـه
سلم وجا صوبي يقول: ابنشـدك ياللـي تـزور
عن حالة الدنيا وعن وضع الزمان وعـن هلـه
انا مضى وقتي ومرت بـي طويـلات الدهـور
والباقـي بعمـري بعيشـه بينكـم واستكملـه
قلت: الزمان اللي يبارينا علـى خبـرك يـدور
الوقـت نفسـه ماتغيـر ماشـئِ فـي جدولـه
اما البشر لا والله الاغيـر مـن حـد الجـذور
صار انتقال مـن يميـن الـى يسـار المنقلـه
استغرب الشايب من اللي قلـت وبليـا شعـور
حط اليمين على الشمال وخاطـره فيـه اسئلـه
قال افتني عن حالة الشيبان والشيـخ الوقـور
اهل الخبر والراي والحكمـه وضـرب الامثلـه
القدوه اصحاب الامور التي تطاع بكـل شـور
اللـي يفضَـون النـزاع ويحكمـون المشكلـه
قلت: البعض منهم على ماقلت في وصفك وقور
قدوه ولكـن رايهـم ماينفـرض فـي مسألـه
الطاعة العميـا بقـا منهـا مجاملـة الحضـور
اللـي تلاقيهـا مـع اول فـرصـةِ متنصـلـه
والبعض لاعبـد يخـاف الله ولاعبـد شكـور
لازهّـده شيبـه مـن الدنيـا ولاهـو جمـلـه
بهيمة يرجـع علـى منحـاه الاول ومحصـور
فـي لعـب بيلوتـه وريـح زقارتـه ومعسلـه
والبعض الاخر شابت رموشه على درب الفجور
ينقل جـوازه للسفـر مـن مزبلـه لا مزبلـه
اشيمط زاني قضـى عمـره بحانـات الخمـور
والعايلـه ورع يغـرر بـه وبـنـت مهمـلـه
قال: افتني عن حالة الخفرات ربـات الخـدور
اللـي تصـان ببيـت عايلهـا وبابـه تقفلـه
شيهانة تشمخ عفاف وتصقل فـروخ الصقـور
بين الفريق ببشتهـا الضافـي وثـوب تسبلـه
قلت العـذارى فـي زمنّـا ببغـاوات الطيـور
تقليد هرج وعرض ريـش خلفهـا تستخملـه
تلبس عباة ضيقت حول الردايـف والخصـور
فضيحة تكشف جسدهـا مـن علـوّه لاسفلـه
وموضة شيال تكشف الوجنات والوان الشعـور
والمحـرم تبّـدل بـجـوال بيـدهـا تحمـلـه
لافوحت صفر الدلال ولاعرفت غـش القـدور
تطبـخ لـهـا خـدامـة بالعايـلـهً متوكـلـه
الام ماصانت عفاف البنت من عمـر الزهـور
والأب ديـوثٍ تحكمـه حـرمـةً مسترجـلـه
وشلون يتربـى عيـال ام التبـرج والسفـور
الا خنـازيـر دمـاهـا بــارده ومغـفـلـه
قال: افتني بحال الشباب الصلب صيَاد النمـور
الفارس اللـي ينطـح خصومـه بزنـد يفتلـه
الوافي الشهم الغيور اللي لعرض الجـار سـور
البار عند امـه وابـوه وعلـم ربعـه يشغلـه
قلت الشباب بوقتنا وجـه مثـل بـدر البـدور
والجسم من زود الرخا ماتنفتـل فيـه عضلـه
قصـة شعـور سيّرتهـم لا إنـاث ولا ذكـور
والثـوب راح ولا بقـا الا عـالـمً متبنطـلـه
ناس (فلنتينو) ونـاس تلبـس ( كرستانديـور)
صار التنافـس بينهـم فـي لبسهـم والجنتلـه
من كان يشرب من قرار البير مشروبـه بيـور
والبل راعيها غـدا يشـرب حليـب النستلـه
مامنهم اللي قام دون اعراض جيرانـه غيـور
من قام قالو: وش ملقف حضرتـه وش دخلـه
والوالدين حقوقهم ضاعت وعنهـم فـي نفـور
إن غـاب عنهـم لاتذكرهـم ولا جـاه الولـه
بدّا عليهم شلةٍ تهـوى الوطـا بيـن الجحـور
لو تعزله عنهم تبـي لـه شـان كنـك تقتلـه
ماراح يوم يشارك ربوعه بحـزن ولا سـرور
حتى ابن عمه يعرفه بالوجـه واسمـه يجهلـه
بدّل حكاه وضيّع سلومـه وحالـه فـي دبـور
وإن شاف ضيف ٍ ينزل الراس لين يفارق منزله
ناظر لي الشايب بعين تجمـع السبـع البحـور
يقول انـا لايمكـن ادخـل مجتمعكـم واقبلـه
انتو لكم وقت تصـدّع مـن بلاويـه الصخـور
مايقعد الجمّـال بـه ساعـه ولوضـاع جملـه
وسلامتكم
منقول