مشاركتي بمنتدى بريدة

[سعد بن مطلق المقاطي]

بسم الله الرحمن الرحيم

السلام عليكم ورحمة الله وبركاته


مشاركتي بمنتدى بريدة

هذا الرابـــــــــــــــط (http://forum.buraydh.com/forum/showthread.php?t=172943)

[علي الثبيتي]

المستريح اللي من العقل خالي=ماهو بلجات الهواجيس غطاس
ماهوب مثلي مشكلاته جلالي=ازريت اسجلهن بحبر(ن) وقرطاس
ياصاح أنا ما اخفيك عن علم حالي=وعن حاجة(ن) تثر على مجرى الانفاس
جرح الزمان اللي من اول وتالي=يشرق شروق الشمس ولبعد الادماس
من زود ماهو عود مافيه جالي=ولا له حدود ولا مراسم ولا قياس
مايدفن الزلات كثح الرمالي=ومافيه يوم(ن) يلتئم جرح الاحساس
ولو زاد همي خابر(ن) راس مالي=لي عزوة(ن) ارفع بطاريهم الراس
ماينثني عزمي ولاني لحالي=حتى لو إني من عنا الوقت منحاس
صلب الرجال اللي تروم المعالي=واللي لهم بين العرب طيُب الساس
تبقى البحور عظام وتبقى الجبالي=تشمخ ولا يثر بها ضربة الفاس
وإن كان في جنبي رفيق(ن) مواليمالي ومال الناس ياكثرة الناس

صح لسانك يابو مطلق
وانت خير من يمثل عتيبه في المحافل
وفالك الطيب

[سعد بن مطلق المقاطي]

المستريح اللي من العقل خالي=ماهو بلجات الهواجيس غطاس
ماهوب مثلي مشكلاته جلالي=ازريت اسجلهن بحبر(ن) وقرطاس
اثقل عليُه من ثقال الثقالي=الشامخات اللي مداهيل قرناس
الراسيات الطايلات الجبالي=اللي تعدا الجاذبيه بلا قياس
الله واكبر ياسهوم الليالي=صارت علي أحد من حد الامواس
ماعاد عندي حيلة(ن) واحتيالي=قمت اتقلب مثل بن(ن) بمحماس
على سنا نار(ن) صفقها الشمالي=جمر الغضا مابرده كل نسناس
اللي جرى للبن الاشقر جرالي=كل الجروح الكايده توجع الراس
يالله ياوالي على كل والي=ارفق بحال اللي دخل بين الاقواس
انته ملاذ الروح والاتكالي=يوم الحساب ويوم الارياق يباس

توضيح صح بدنك

ومشكور على مرورك

هذي المشاركه يابوفهد

بيتين لمحمد السديري واكملت الباقي

[بدر الكريزي]

صح لساانك يا سعد ..

دائماً مشرف في تمثيلك ..


و ألف مبرووووك ..

[رايد الهديبي]

الف الف مبروك

يا ولد العم وبيض الله وجهك

وتستاهل كل خير

[فواز علي الروقي]

صح لسان يالمقاطي
والله ماعلى وجه البسيطه مستريح لا اللي بعقل ولا اللي بدون عقل
بيض الله وجهك على ماقلت

[سعد بن مطلق المقاطي]

بدر الكريزي

صح لسانك

والله يبارك فيك

والله يشرفك عند مولاك

بارك الله بك , شكراً أخي الكريم

[صقر الزراريق]

صح لسانك يالمقاطي

وألف مبروك

تقبل تحياتي" "

صقر الزراريق

[الرأي الآخر]

صح لسانك يابن مطلق وبالتوفيق،،،،

[سعد بن مطلق المقاطي]

صقر

الراي الاخر

صح بدنكم

مشكورين على مرورك