ياوازع الحـزن لاتطـرق للاحسـاس بـاب@@اتركنـي اواجـه اقـداري بعـذر ٍ سميـن

[فيصل المسعودي]

الـــشـــاعـــر/


عـــنـــاد الــنــفــيــعــي


ياوازع الحـزن لاتطـرق للاحسـاس بـاب=اتركنـي اواجـه اقـداري بعـذر ٍ سميـن
لاتدفع الروح في لحظـة غضـب لارتكـاب=ما يجعل الخـوف يمـلا مقبـلات السنيـن
تعبت من غلظة الواقـع وصـوت العـذاب=مامل ّ ميسوره الاسمـاع فـي كـل حيـن
مدري لانـي توقيّـت الخطـا .. بالصـواب=ولا لاني عـن الشـك .. اعتليـت اليقيـن
لا الوصل يقـدر ينسينـي حديـث الغيـاب=ولا اجمـل الصبـر يقتـاد المعاليـق ليـن
القى لقيمة سؤالـي عنـد غيـري جـواب=يعطيني الحق في بيع اعذب الصمـت ديـن
غريب واحـاول اكسـر حاجـز الاغتـراب=في كـل مايدحـم الواقـع بجمـب ٍ متيـن
عن ساير الركب من بدري عقلـت الركـاب=واخترت بعد النظر مذهب .. والاخلاص دين
وش ذنبي ان طالت آمالي حـدود السحـاب=او فكري اناخ رحلـه فـي ذرى الفرقديـن
ياما على قسـوة ايامـي بسطـت الجنـاب=وياما على الجرح مـررت احترامـي بليـن
حتى اصدق ظنوني الي طاح دونـي وخـاب=ادليت له دلو ماء .. ما ادليت له دلو طيـن
ياوازع الحزن خـذ مالـذّ لأمـرك وطـاب=الله على ماامتلكـت مـن المشاعـر يعيـن
لوان فـي النفـس حيـل ومتّسـع للعتـاب=صنعت للعـذر وجـه .. وللمشاريـه عيـن
صعب اني اظما واشوف الماء وريث السراب=والاصعب ارضي غروري في كلا الحالتيـن

[أخو جوزا]

صح لسان عناد النفيعي

[محمد العتيبي]

صح لسان المبدع / عناد العتيبي

ابدااااع غير مستغرب من شاعرنا عناد النفيعي
فقد عودنا على سماع كل مايطرب ويشبع الذائقه الشعريه ..

شكرا جزيلا فيصل المسعودي
...