رايد الهديبي
21-Jan-2009, 01:38 PM
السلام عليكم ورحمة الله وبركاته
يسرني ان اضع بين يديكم مااستطعت ان اجمعه
من القصائد كتابةً
لشاعر الكبير/ عايض بن زوير المقاطي
مقاطي ولا تكثر عليك التفاكير=شفت الجمل شقران حنا سنامه
ياللي تقول منين يالله عسى خير=مدري جهل ما قلت ولا غشامه ..!1
لكن تركد واعقد السير بالسير=واسمع جوابي لين ياصل تمامه
من لابة فيها تحير التعابير=حتى فصيح القول يعجز كلامه
من لابة لا هب عج ومعاصير=تارد على الهيجا برمح الشهامه
من لابة لا ضاق درب المعاسير=شرابة الفنجال برد وسلامه
بالمختصر حنا فعرف المناعير=روس العرب لا قيل وين الزعامه
مقاطي ولا تكثر عليك التفاكير=شفت الجمل شقران حنا سنامه
حنا هل الطاله طوال الشوابير=حنا عذاب اللي تغشه حلامه
حنا هل الفزعات حنا الشواهير=حنا صلاح الكون حنا عدامه
حنا ليا جات الحميا دوافير=نفزع ولا نعرف طريق الندامه
أميرنا ابن حميد شوق الغنادير ..!=فيصل حزام النا وحنا حزامه
لا جا نهار فيه ورد ومصادير=ولا نهار فيه مثل الرغامه
يشر لنا فيصل مع الجو ونغير=حر شهر وادمى جناح الحمامه
في نجد ولا في حجاز المذاخير=هداتنا من فوق حد الغمامه
أطلق شنب فينا يهز الطوابير=وأصغر شنب فينا يعاف الرخامه
من فعلنا يلقى عشا الذيب والطير=ومن فعلنا العالي يحول تهامه
بعض العرب يكفيه منا بواكير=وبعض العرب فوقه تحول خيامه
وخوينا يلقى على الطيب تقدير=وقصيرنا دايم رفيع مقامه
وطليبنا لو طب في جمة البير=أما طلع ولا عليه أنهدامه
وخصيمنا لا حل وقت التدابير=يجفل من الراعه سواة النعامه
وليا جفل ماهوب مجفل على خير=يشوفنا كابوس حزة منامه
فينا كرم حاتم .. وفينا من الزير=شجاعة تاصل لحد الهيامه
انقلط الضيفان صفر المباهير=وتاخذ على حق الضيافه كرامه
وأصغر ولدنا لا نصوه المسايير=من طنخة فالراس طش العمامه
هذي عوايدنا ولا هي بأساطير=وينبيك عن فعل المقاطي علامه
تشهد لنا قحطان مع حرب ومطير=ويشهد لنا شرق الجزيره وشامه
ويشهد لنا التاريخ قول وتحرير=برواية تروى ليوم القيامه
أمدح بني عمي وأصوغ التصاوير=ومدحة بني عمي عليه الزامه
وكان الشعر ما جا فيهم قناطير=والله لتوب اليوم وأعلن حرامه
وختامها تقدير تقدير تقدير=وكل "ن" على ماقيل اله احترامه
قصيدة عيد عروى ..!!
يقول اللي ليا منه هبط سـوق الشعـر شفقـان = يسوق اللي ليا منه طـرى كـل "ن" يغنـي بـه
سلام الله سلام لـو سـرى لمصافحـة عـروان = على حيد السراه اللي على الجالين يسـري بـه
سلام الله على روس لهم فوق البسيطـه شـان = وأقـل الشـان بيـت للـذرى طقـوا مناسيبـه
سلام الله على عروى وأهل عروى بعد ما حـان = لقانـا فـي حـلال ضيفهـا حسبـة معازيـبـه
تجمعنـا علـى عـز ومعـزه والكريـم معـان = مثل دارج مع العالم كثيـر النـاس تـدري بـه
يجمعنا اسـم يقصـر مقامـه طرقـة الركبـان = مقاطـي والعـرب كـل نصيبـه مـن مكاسيبـه
وثبات البيت لا منه وقف حيله علـى السيسـان = يا طيب البيت لا شيد على السيسـان يـا طيبـه
وأنا من ديرةٍ يصـدح بهـا بيـت الله الرحمـن = لفيـت لمحتفـل ربعـي بعـد جتنـي مناديبـه
وعسفت المهره اللي لو تعاقب فوقهـا الفرسـان = أحد تضرب به الشايك وأحد فالدرب تومي به..!1
ومعي خط المعايـد زاهـيٍ باللـول والمرجـان = نيابه عن بني عمـي ذوي مجنـون لافـي بـه
لأهل عروى يمدونه وفاَ مبـدي بابـو سلطـان = وعلى اللي حاضر "ن" في محتفل عروى نثني به
والي وقفه مع الوقفه مـدام ان الحكـي نيشـان = يقولون الفطيـن اللـي يميـز فـي مضاريبـه
بن دغيشم اله منا عقب جـزل الشكـر عرفـان = تعب لجل الحفل يظهر على أحسن حـال ترتيبـه
وبقى بيت يراودني وأنـا مـن طلبتـه بلشـان = شعـورٍ مـا يفارقنـي ولا أدري وش تسابيبـه
أنا لا شفت لـي جمـعٍ يقـود الوافيـه بعنـان = وليال العيد كاسيته .. ذكرت مزاين عتيبـه ..!!
ليلة مرور 50 عام على تأسيس مدرسة عروى ..!1
بسم الله أبـدا وأنتهـي بمثالـه = بالواحـد اللـي كلنـا حنـا لـه
يارب عفـوك نسألـك والجنـه = وأنت الكريم اللي غنم من سالـه
ويارب فضلك واسألـك توفيقـي = فالماقف اللي ع الوعد جينا لـه
ونعم "ن" يجمل وقفتي ذا الليلـه = من منطق اللي يحتمـون القالـه
عندي يساوي ما تحوش الدنيـا = يوم الـرداوي حاشهـا بريالـه
ومن بعد هذي ياهجوسي هـدي = وانقي من الصيد السمين جزالـه
وخمي ليا منه عرض لك جزلـه = وشومي بنفسك عن طمان هزاله
فالحر يعـرف فالهـدد بفعولـه = والبوم مثلـه ينعـرف بأفعالـه
وإن كان عادت للشعر وطروقـه = فالحمـد لله شــاربٍ فنجـالـه
فاليـم أسبـح غبتـه واعومـه = وفالبر أقنب فـي طويـل جبالـه
وهذي شهـادة شايـبٍ يازنهـا = عراف يحسب فالشعر مـن آلـه
ماهـي طرابـق شلـة ملتـمـه = قـومٍ تبـل حلوقهـا برسـالـه
وشعيل كانه ما وقـف بحمولـه = ولا يموت فمبركه واشـوى لـه
والوقـت عـدٍ والعـرب وراده = وكل"ن" حصيله ما تنوش حبالـه
أحدن يصدر مـن قراحـه راوي = وأحدن يصدر والضمـا يغتالـه
وذا الليل فرصه والذكي يغنمهـا = وأنا عن الموضوع مانـي دالـه
جيت متحيـزم فاللقـا بحزامـي = قدم الرجال اللي تـروم الطالـه
وأما وقوف قدمكـم يرقـى بـي = ولا غيابٍ مـا دري وش حالـه
ومن بعدها يا مرحبـا ترحيبـه = باللي غدوا فـي دارنـا نزالـه
مرحـب هـلا ترحيبـة مثنيـه = مربوعةٍ لأهـل الوفـا ورجالـه
مرحب هلا عد السحاب المنشـى = وعد البريق اللي كشف فخيالـه
ومرحب هلا ترحيبـة نشعمهـا = فالمحفل اللـي ضافـي بظلالـه
مرحب هلا فالملتقى الخمسينـي = خمسين عام ولا بخـس مكيالـه
خمسين مرت والسعـد يقفاهـا = جيـل يـورث قصتـه لأجيالـه
خمسين مـرت والرعيـل الأول = ذا الليل حاضر والسعد يبرى لـه
حاضر على وضح النقا في حلـه = خلفـه زمانـه والعيـال قبالـه
وليا بغيت الصدق من منطوقـي = مدري لو إنه مع عيال عياله..
لكن علاهـم عقبهـا ذكـر الله = وفي طاعته جعل العمار طوالـه
جيل صبر وقت الزمان الفايـت = يـوم العـرب نزالـة رحـالـه
وساق الركايب للدروب العسـره = ولا لد لوحـوش الخـلا وثعالـه
عينه على نجم الجدي مركـوزه = واللي يبا نجم السما يرقـى لـه
وأن أشهد انه حاشها من دانـي = قسمه سنام ومـا يريـده طالـه
والنا على العد الرهـاوي مـارد = من منطلق راع الوفا يوفـى لـه
الله يجمـل حـال مـن أسسهـا = ويالله عساها في صميل أعمالـه
ويوم البعث يوم النهـار الأكبـر = تحت الغصون المورقـه مقيالـه
قوم عمود البيت وأسرج خيلـه = واعلـن بدايـة رحلـة الخيالـه
العلم سيفه والجهـل فـي وقتـه = شيخٍ يكرم والعـرب تعنـى لـه
ولكن بالحد الرهيـف الساطـي = الشيخ راسه عن متونـه شالـه
وقال انعمي يادار عروى وارقي = والعاقل اللي مـا يطيـح عقالـه
وقدام ختم القـاف يـا سماعـه = وربط الشداد اللي فظهر جمالـه
بيت طرى لي مع توال الهاجـس = قد قاله اللي فـي زمانـه قالـه
برجع وأفله واجمعـه باسلوبـي = واشره على اللي ما يجيد عقالـه
وأخير منهـا ركعتيـن"ن" تـدا = لا طاب نوم اللي حياتـه عالـه
مات الرياحي
ولا يالله فــي شــيٍ مبـاحـي = يغيبنـي عقـب سطـو الجراحـي
جـراحٍ فالحشـا تـو استشاطـت = صباح السبت يا شيـن الصباحـي
صبـاحٍ بالخبـر صبـح حشـايـه = ومضمون الخبر " مات الرياحي " .!
وذرف دمعي على خدي لـو انـي = من اللي سدهـم مـا يـوم باحـي
أغيب اعن الملا وأحضر وأغيبـي = واداري دمعتـي تحـت الجناحـي
وأجـاوب فالخـلا نـوح الحمامـه = لو ان الطيـر مـا جـرب مناحـي
ولا يالله فـي راحــة ضمـيـري = تعب قلبـي مـن زروق الرماحـي
علـى فيصـل تجاذبنـي همومـي = ياليـن ان الحشـا بالهـم فاحـي
تعبـت وضاقـت الدنيـا علـيـه = لو ان الكون مـن حولـي براحـي
سجيـن الهـم ليلـيـن وثـلاثـه = وأظنه ما نـوى يطلـق سراحـي
مـع العالـم ولا كـنـي معـاهـم = ادرجهـا علـى كــل النـواحـي
أبا الصده عـن عيـون الخلايـق = مخافـة هرجـة النقـد البـواحـي
ولا حصلـت لـي فالصـد راحـه = صويب الوقت ما يـوم استراحـي
جرعت مـن العنـا والهـم كاسـه = يخالـط مرهـا السـم الذحـاحـي
فقيـده يـا عـرب والله فقـيـده = أبو بـدر الشهـم رمـز الفلاحـي
رحل عنـا قبـل وقـت المـوادع = يا عون الله في بعض المراحي
رحل فيصـل عـن الدنيـا وحنـا = علـى فقـده تجرعنـا المـلاحـي
ولا يالله فــي مــزنٍ تـتــالا = علـى قبـره تكومهـا الريـاحـي
ثـلاث شهـور مـن ماهـا تبلـه = ثـلاث شهـور والماطـر قراحـي
وعسى قبره علـى الجنـه مطلـه = ياليـن انـه يحـس الانشـراحـي
دعـانـا والـرجـا يالله قبـولـه = لعل اللـي علـى المنكـب يزاحـي
أقولـه والعـرب مثلـي تقـولـه = جنـان الخلـد يـا نعـم المراحـي
عسى فيصل بهـا يلقـى مصيـره = مع أصحاب الكتب وأهل الصحاحـي
ومن عتيبه إلـى سهـوم المنايـا = عزانـا والعـذر ويـا السمـاحـي
يقولـه واحـدٍ همـه سطـى بـه = ولا حصل عـن همومـه مراحـي
ولا يالله فــي شــيٍ مبـاحـي = يغيبنـي عقـب فقـد الريـاحـي
يسرني ان اضع بين يديكم مااستطعت ان اجمعه
من القصائد كتابةً
لشاعر الكبير/ عايض بن زوير المقاطي
مقاطي ولا تكثر عليك التفاكير=شفت الجمل شقران حنا سنامه
ياللي تقول منين يالله عسى خير=مدري جهل ما قلت ولا غشامه ..!1
لكن تركد واعقد السير بالسير=واسمع جوابي لين ياصل تمامه
من لابة فيها تحير التعابير=حتى فصيح القول يعجز كلامه
من لابة لا هب عج ومعاصير=تارد على الهيجا برمح الشهامه
من لابة لا ضاق درب المعاسير=شرابة الفنجال برد وسلامه
بالمختصر حنا فعرف المناعير=روس العرب لا قيل وين الزعامه
مقاطي ولا تكثر عليك التفاكير=شفت الجمل شقران حنا سنامه
حنا هل الطاله طوال الشوابير=حنا عذاب اللي تغشه حلامه
حنا هل الفزعات حنا الشواهير=حنا صلاح الكون حنا عدامه
حنا ليا جات الحميا دوافير=نفزع ولا نعرف طريق الندامه
أميرنا ابن حميد شوق الغنادير ..!=فيصل حزام النا وحنا حزامه
لا جا نهار فيه ورد ومصادير=ولا نهار فيه مثل الرغامه
يشر لنا فيصل مع الجو ونغير=حر شهر وادمى جناح الحمامه
في نجد ولا في حجاز المذاخير=هداتنا من فوق حد الغمامه
أطلق شنب فينا يهز الطوابير=وأصغر شنب فينا يعاف الرخامه
من فعلنا يلقى عشا الذيب والطير=ومن فعلنا العالي يحول تهامه
بعض العرب يكفيه منا بواكير=وبعض العرب فوقه تحول خيامه
وخوينا يلقى على الطيب تقدير=وقصيرنا دايم رفيع مقامه
وطليبنا لو طب في جمة البير=أما طلع ولا عليه أنهدامه
وخصيمنا لا حل وقت التدابير=يجفل من الراعه سواة النعامه
وليا جفل ماهوب مجفل على خير=يشوفنا كابوس حزة منامه
فينا كرم حاتم .. وفينا من الزير=شجاعة تاصل لحد الهيامه
انقلط الضيفان صفر المباهير=وتاخذ على حق الضيافه كرامه
وأصغر ولدنا لا نصوه المسايير=من طنخة فالراس طش العمامه
هذي عوايدنا ولا هي بأساطير=وينبيك عن فعل المقاطي علامه
تشهد لنا قحطان مع حرب ومطير=ويشهد لنا شرق الجزيره وشامه
ويشهد لنا التاريخ قول وتحرير=برواية تروى ليوم القيامه
أمدح بني عمي وأصوغ التصاوير=ومدحة بني عمي عليه الزامه
وكان الشعر ما جا فيهم قناطير=والله لتوب اليوم وأعلن حرامه
وختامها تقدير تقدير تقدير=وكل "ن" على ماقيل اله احترامه
قصيدة عيد عروى ..!!
يقول اللي ليا منه هبط سـوق الشعـر شفقـان = يسوق اللي ليا منه طـرى كـل "ن" يغنـي بـه
سلام الله سلام لـو سـرى لمصافحـة عـروان = على حيد السراه اللي على الجالين يسـري بـه
سلام الله على روس لهم فوق البسيطـه شـان = وأقـل الشـان بيـت للـذرى طقـوا مناسيبـه
سلام الله على عروى وأهل عروى بعد ما حـان = لقانـا فـي حـلال ضيفهـا حسبـة معازيـبـه
تجمعنـا علـى عـز ومعـزه والكريـم معـان = مثل دارج مع العالم كثيـر النـاس تـدري بـه
يجمعنا اسـم يقصـر مقامـه طرقـة الركبـان = مقاطـي والعـرب كـل نصيبـه مـن مكاسيبـه
وثبات البيت لا منه وقف حيله علـى السيسـان = يا طيب البيت لا شيد على السيسـان يـا طيبـه
وأنا من ديرةٍ يصـدح بهـا بيـت الله الرحمـن = لفيـت لمحتفـل ربعـي بعـد جتنـي مناديبـه
وعسفت المهره اللي لو تعاقب فوقهـا الفرسـان = أحد تضرب به الشايك وأحد فالدرب تومي به..!1
ومعي خط المعايـد زاهـيٍ باللـول والمرجـان = نيابه عن بني عمـي ذوي مجنـون لافـي بـه
لأهل عروى يمدونه وفاَ مبـدي بابـو سلطـان = وعلى اللي حاضر "ن" في محتفل عروى نثني به
والي وقفه مع الوقفه مـدام ان الحكـي نيشـان = يقولون الفطيـن اللـي يميـز فـي مضاريبـه
بن دغيشم اله منا عقب جـزل الشكـر عرفـان = تعب لجل الحفل يظهر على أحسن حـال ترتيبـه
وبقى بيت يراودني وأنـا مـن طلبتـه بلشـان = شعـورٍ مـا يفارقنـي ولا أدري وش تسابيبـه
أنا لا شفت لـي جمـعٍ يقـود الوافيـه بعنـان = وليال العيد كاسيته .. ذكرت مزاين عتيبـه ..!!
ليلة مرور 50 عام على تأسيس مدرسة عروى ..!1
بسم الله أبـدا وأنتهـي بمثالـه = بالواحـد اللـي كلنـا حنـا لـه
يارب عفـوك نسألـك والجنـه = وأنت الكريم اللي غنم من سالـه
ويارب فضلك واسألـك توفيقـي = فالماقف اللي ع الوعد جينا لـه
ونعم "ن" يجمل وقفتي ذا الليلـه = من منطق اللي يحتمـون القالـه
عندي يساوي ما تحوش الدنيـا = يوم الـرداوي حاشهـا بريالـه
ومن بعد هذي ياهجوسي هـدي = وانقي من الصيد السمين جزالـه
وخمي ليا منه عرض لك جزلـه = وشومي بنفسك عن طمان هزاله
فالحر يعـرف فالهـدد بفعولـه = والبوم مثلـه ينعـرف بأفعالـه
وإن كان عادت للشعر وطروقـه = فالحمـد لله شــاربٍ فنجـالـه
فاليـم أسبـح غبتـه واعومـه = وفالبر أقنب فـي طويـل جبالـه
وهذي شهـادة شايـبٍ يازنهـا = عراف يحسب فالشعر مـن آلـه
ماهـي طرابـق شلـة ملتـمـه = قـومٍ تبـل حلوقهـا برسـالـه
وشعيل كانه ما وقـف بحمولـه = ولا يموت فمبركه واشـوى لـه
والوقـت عـدٍ والعـرب وراده = وكل"ن" حصيله ما تنوش حبالـه
أحدن يصدر مـن قراحـه راوي = وأحدن يصدر والضمـا يغتالـه
وذا الليل فرصه والذكي يغنمهـا = وأنا عن الموضوع مانـي دالـه
جيت متحيـزم فاللقـا بحزامـي = قدم الرجال اللي تـروم الطالـه
وأما وقوف قدمكـم يرقـى بـي = ولا غيابٍ مـا دري وش حالـه
ومن بعدها يا مرحبـا ترحيبـه = باللي غدوا فـي دارنـا نزالـه
مرحـب هـلا ترحيبـة مثنيـه = مربوعةٍ لأهـل الوفـا ورجالـه
مرحب هلا عد السحاب المنشـى = وعد البريق اللي كشف فخيالـه
ومرحب هلا ترحيبـة نشعمهـا = فالمحفل اللـي ضافـي بظلالـه
مرحب هلا فالملتقى الخمسينـي = خمسين عام ولا بخـس مكيالـه
خمسين مرت والسعـد يقفاهـا = جيـل يـورث قصتـه لأجيالـه
خمسين مـرت والرعيـل الأول = ذا الليل حاضر والسعد يبرى لـه
حاضر على وضح النقا في حلـه = خلفـه زمانـه والعيـال قبالـه
وليا بغيت الصدق من منطوقـي = مدري لو إنه مع عيال عياله..
لكن علاهـم عقبهـا ذكـر الله = وفي طاعته جعل العمار طوالـه
جيل صبر وقت الزمان الفايـت = يـوم العـرب نزالـة رحـالـه
وساق الركايب للدروب العسـره = ولا لد لوحـوش الخـلا وثعالـه
عينه على نجم الجدي مركـوزه = واللي يبا نجم السما يرقـى لـه
وأن أشهد انه حاشها من دانـي = قسمه سنام ومـا يريـده طالـه
والنا على العد الرهـاوي مـارد = من منطلق راع الوفا يوفـى لـه
الله يجمـل حـال مـن أسسهـا = ويالله عساها في صميل أعمالـه
ويوم البعث يوم النهـار الأكبـر = تحت الغصون المورقـه مقيالـه
قوم عمود البيت وأسرج خيلـه = واعلـن بدايـة رحلـة الخيالـه
العلم سيفه والجهـل فـي وقتـه = شيخٍ يكرم والعـرب تعنـى لـه
ولكن بالحد الرهيـف الساطـي = الشيخ راسه عن متونـه شالـه
وقال انعمي يادار عروى وارقي = والعاقل اللي مـا يطيـح عقالـه
وقدام ختم القـاف يـا سماعـه = وربط الشداد اللي فظهر جمالـه
بيت طرى لي مع توال الهاجـس = قد قاله اللي فـي زمانـه قالـه
برجع وأفله واجمعـه باسلوبـي = واشره على اللي ما يجيد عقالـه
وأخير منهـا ركعتيـن"ن" تـدا = لا طاب نوم اللي حياتـه عالـه
مات الرياحي
ولا يالله فــي شــيٍ مبـاحـي = يغيبنـي عقـب سطـو الجراحـي
جـراحٍ فالحشـا تـو استشاطـت = صباح السبت يا شيـن الصباحـي
صبـاحٍ بالخبـر صبـح حشـايـه = ومضمون الخبر " مات الرياحي " .!
وذرف دمعي على خدي لـو انـي = من اللي سدهـم مـا يـوم باحـي
أغيب اعن الملا وأحضر وأغيبـي = واداري دمعتـي تحـت الجناحـي
وأجـاوب فالخـلا نـوح الحمامـه = لو ان الطيـر مـا جـرب مناحـي
ولا يالله فـي راحــة ضمـيـري = تعب قلبـي مـن زروق الرماحـي
علـى فيصـل تجاذبنـي همومـي = ياليـن ان الحشـا بالهـم فاحـي
تعبـت وضاقـت الدنيـا علـيـه = لو ان الكون مـن حولـي براحـي
سجيـن الهـم ليلـيـن وثـلاثـه = وأظنه ما نـوى يطلـق سراحـي
مـع العالـم ولا كـنـي معـاهـم = ادرجهـا علـى كــل النـواحـي
أبا الصده عـن عيـون الخلايـق = مخافـة هرجـة النقـد البـواحـي
ولا حصلـت لـي فالصـد راحـه = صويب الوقت ما يـوم استراحـي
جرعت مـن العنـا والهـم كاسـه = يخالـط مرهـا السـم الذحـاحـي
فقيـده يـا عـرب والله فقـيـده = أبو بـدر الشهـم رمـز الفلاحـي
رحل عنـا قبـل وقـت المـوادع = يا عون الله في بعض المراحي
رحل فيصـل عـن الدنيـا وحنـا = علـى فقـده تجرعنـا المـلاحـي
ولا يالله فــي مــزنٍ تـتــالا = علـى قبـره تكومهـا الريـاحـي
ثـلاث شهـور مـن ماهـا تبلـه = ثـلاث شهـور والماطـر قراحـي
وعسى قبره علـى الجنـه مطلـه = ياليـن انـه يحـس الانشـراحـي
دعـانـا والـرجـا يالله قبـولـه = لعل اللـي علـى المنكـب يزاحـي
أقولـه والعـرب مثلـي تقـولـه = جنـان الخلـد يـا نعـم المراحـي
عسى فيصل بهـا يلقـى مصيـره = مع أصحاب الكتب وأهل الصحاحـي
ومن عتيبه إلـى سهـوم المنايـا = عزانـا والعـذر ويـا السمـاحـي
يقولـه واحـدٍ همـه سطـى بـه = ولا حصل عـن همومـه مراحـي
ولا يالله فــي شــيٍ مبـاحـي = يغيبنـي عقـب فقـد الريـاحـي