ابن زراق لامنّي دعيته ماحصل منقود!!

[عيد العازمي]

محمد بن رشيد للاستفاده منك فقط

متى ماسمح وقتك


ابن زراق لامنّي دعيته ماحصل منقود = صحيح انه منوّل يدعي اللي نارهم حيه


ثنين اخوان واحد قاد واحد فالمعارك قود = نهار الحسنه اللي لو تقدّم كنها سيه

[عبدالله حبيٌب الزراقي]

الله الله

ابن زراق لامنّي دعيته ماحصل منقـود
صحيح انه منوّل يدعي اللي نارهم حيه
ثنين اخوان واحد قاد واحد فالمعارك قود
نهار الحسنه اللي لو تقدّم كنهـا سيـه


الله ربنا وربك صح لسانك يالعازمي

وصح لسان محمد رشيد مقدماا


محاورة عملاقه ماتنتفوت

متابع الي النهايه ,,

[عيد العازمي]

هلا ابو حبيب

شرفت


صح بدنك ولنا شرف متابعتك وانا وابو مالك

[محمد شبيب السبيعي]

صح لسانك يالعازمي وننتظر محمد رشيد
،،،،،،،،،
متابع

[عيد العازمي]

يا بن شبيب ... صح بدنك ..

ولاهنت

[محمد بن رشيد]

الله الله


هلا هلا والشرف لي طال عمررك




ابن زراق في وقت اللوازم حاضر وموجود = عسى الله يصلح الاحوال وانه يصلح النيه

صحيح ان المعارك حكمها للنار والبارود =لكن اثنين والاثنين هم من اي جنسيه ؟؟ ؟

[عيد العازمي]

الله الله الله



ليا جت للصحيح اللي نعدّه منته ابمجحود = تلبّست الثياب الضافيه ماجتك عاريه


اشوفك تنقض الحجه بدعوى والحبل ممدود = لياجت ساعة الشطه تعزوى من عزاويه

[قادح شرار]

يا ساتر يا ساتر ...

أبو طلال هنيا ... وطالب محمد بن رشيد ...

لا بالله ألا ذالليلة غير ...

صح لسانك يا أبو طلال ... وصح لسانك يا محمد ..

متابعكم ...

[عيد العازمي]

قادح شرار انت وين تغيب ادورك لكن حظي زين ما القاك

لين يهجدني غيرك


ههههههه

صح بدنك وشرفتنا باطلالتك

[فايز بن سرحان الثبيتي]

ليا جت للصحيح اللي نعدّه منته ابمجحـود
تلبّست الثياب الضافيـه ماجتـك عاريـه



الله اكبر


صح لسانك يالعازمي



وصح لسان محمد بن رشيد



ومتابع الطاروق

[عيد العازمي]

صح بدنك


يابن سرحان


شرفتنا بتواجدك لاهنت

[عبدالله الجـــذع]

الله يامبدعين

ابو طلال صح لسانك يالمحيط

وصح لسان محمد وعلى القوه


محبكم

,

[عيد العازمي]

ابو عابد صح بدنك


وللمعلوميه المحيط سعود العصيمي هههههه



شرفتنا بتواجدك

[محمد بن رشيد]

الله الله



عزاتي ياهل الطالات دايم ماعلاكم زود = وحنا للعداء ماعندنا رحمه وماويه

نقضت الحبل وانته لاترد النا الحبل معقود = تراني خامسك وان جاك ضده تدرق فيه

[قادح شرار]

قادح شرار انت وين تغيب ادورك لكن حظي زين ما القاك

لين يهجدني غيرك


ههههههه

صح بدنك وشرفتنا باطلالتك

أنا تراني أقرأ المعوذات كل ما أصبحت وأمسيت ..
عشان كذه ما تلقاني ولا تشوفني ... :)
وأنت مهجد الحارة يا أفندم .. :)

[محمد بن رشيد]

هلا هلا هلا



بالجميع كل ٍ بأسمه .. شرفتونا .


والله يعين علاكم يالهيلا

[عيد العازمي]

ابوك الله الله كفو




على جرّة هل المعروف لوتذري هبوب النود = ديارٍ قد مشوها قبلهم ماهيب ماطيه



يقولون المشاكل جرها من عقبنا مقرود = وانا ماني معوّد ,,في غيابي محتم الهيه

[محمد بن رشيد]

الله الله



تسير فالدير يالعازمي والحد والمحدود = تركته لين بيديهم تشالوه الحراميه

صحيح ان المشاكل ماوراها يالعتيبي فود = لكن ان رحت مالك فالديار اثار جديه

[عيد العازمي]

اسلم اسلم



طليق ايدين سايد يامحمد ماحصل مسيود = ولاينقص رباط المال من مال الغناويه


عليك الله وامانه لد عينك فالجبال السود = تبا تلقا مقابيس الليالي بالآماريه

[فايز بن سرحان الثبيتي]

الله الله

طاروق يجمل


بيض الله وجيهكم

[عيد العازمي]

وجهك ابيض

يابن سرحان


ومجمل ومشكور

[عيد العازمي]

محمد بن رشيد

يامال بياض الوجه


الختام عندك


وقد استفدت من شاعر بحجمك

لاهنت وصح لسانك


عندنا دوامات بدري والا كان ليلٍ ايسري ههههههه

[محمد بن رشيد]

الله الله



منوّل يوم قفيتوا ثلاثه واربعين وعود = وهذا اليوم فوق الفين ببشوت ٍ حساويه

انا بنشدك كيف الحال قبل الحاكم ابن سعود = عسى ربي يديم الامن في ظل السعوديه

[محمد شبيب السبيعي]

الله الله

منوّل يوم قفيتوا ثلاثه واربعين وعود
وهذا اليوم فوق الفين ببشوت ٍ حساويه


صح لسانك يامحمد بن رشيد

ولايهون العازمي

[محمد بن رشيد]

صح لساااااانك يالعازمي


ولاهنت


وانا لي الشرف طال عمررررك


والعذر من القصور


لاهنتوا جميعااااً

[كبتن عتيبه]

محاورة

فايف ستار




صحت السنتكم


تقديري

[روح جاي]

طاروق جميل ياشعارنا

يعطيكم العافيه وبيض الله وجيهكم

[حاكم الغنامي]

والله انها فايف ستار


جايكم التنسيق هاللحين


صحت السنتكم ياعمالقه

[عبد العزيز العضيــاني]

صحت السنتكم..

طاروووووووووق كاااااااااايف...

[حاكم الغنامي]

العازمي


ابن زراق لامنّي دعيته ماحصل منقـود=صحيح انه منوّل يدعي اللي نارهم حيه
ثنين اخوان واحد قاد واحد فالمعارك قود=نهار الحسنه اللي لو تقدّم كنهـا سيـه


محمد بن رشيد


ابن زراق في وقت اللوازم حاضر وموجود=عسى الله يصلح الاحوال وانه يصلح النيه
صحيح ان المعارك حكمها للنار والبارود=لكن اثنين والاثنين هم من اي جنسيه ؟؟

العازمي


ليا جت للصحيح اللي نعدّه منته ابمجحـود=تلبّست الثياب الضافيـه ماجتـك عاريـه
اشوفك تنقض الحجه بدعوى والحبل ممدود=لياجت ساعة الشطه تعزوى من عزاويـه

محمد بن رسيد


عزاتي ياهل الطالات دايم ماعلاكم زود=وحنا للعداء ماعندنا رحمه وماويه
نقضت الحبل وانته لاترد النا الحبل معقود=تراني خامسك وان جاك ضده تدرق فيه

العازمي


على جرّة هل المعروف لوتذري هبوب النود=ديارٍ قـد مشوهـا قبلهـم ماهيـب ماطيـه
يقولون المشاكل جرها من عقبنـا مقـرود=وانا ماني معوّد ,,في غيابي محتـم الهيـه

محمد بن رشيد


تسير فالدير يالعازمي والحد والمحدود=تركته لين بيديهم تشالوه الحراميه
صحيح ان المشاكل ماوراها يالعتيبي فود=لكن ان رحت مالك فالديار اثار جديه

العازمي


طليق ايدين سايد يامحمد ماحصل مسيود=ولاينقص رباط المال من مال الغناويـه
عليك الله وامانه لد عينك فالجبال السود=تبا تلقـا مقابيـس الليالـي بالآماريـه

محمد بن رشيد


منوّل يوم قفيتوا ثلاثه واربعين وعود=وهذا اليوم فوق الفين ببشوت ٍ حساويه
انا بنشدك كيف الحال قبل الحاكم ابن سعود=عسى ربي يديم الامن في ظل السعوديه

صحت السنتكم ياهروووووش الهيلا:)

[فواز السعيدي]

ياسلااااااااااااااااام


ابداع في ابداع


العاازمي


محمد رشيد


عز الله كفيتو ووفيتو

[زياد المزرمي]

يا سلام يا سلام


العــــــــــازمــــي

صح السانك يالذيب

وانت مجرررم السالم منك يعرج :)


محمـــد بن رشـــيد

صح السانك يالذيب

شاعر جززززل

محاااوره استمتعنا بقرائتها