المساعد الشخصي الرقمي

مشاهدة النسخة كاملة : يابن سرحان شفنا صورتك في عكاظ

سعود العصيمي
13-Jan-2009, 02:54 PM
الشاعر الكبير/ ابن سرحان

اسعدالله مساك بكل خير ان كان وقتك يسمح لك استلم:


يابن سرحان شفنا صورتك في عكاظ = جايبٍ كارثة واتلف مضمونها.

صفحتك لونها اسود عقب لون البياض= اصبح اللون الاسود لونك ولونها.
بدر الكريزي
13-Jan-2009, 02:58 PM
سعود العصيمي .. و طالب .. ابن سرحان ..

اكتمـــل الإبداع ..


صح لسانك يا سعود ..


متااابع .. و اشاور نفسي في الصف هههههه ..
سعود العصيمي
13-Jan-2009, 03:05 PM
بدر الكريزي

مرحبا ومسهلا

الابداااع تواجدك طال عمرك وصح بدنك.

والصف واحد.


لاخلا ولا عدم.
متـعـب المهيدلي
13-Jan-2009, 03:20 PM
صحت السنتكم


ممتاز ياسعوود:)
قادح شرار
13-Jan-2009, 03:41 PM
الشاعر الكبير/ ابن سرحان

اسعدالله مساك بكل خير ان كان وقتك يسمح لك استلم:


يابن سرحان شفنا صورتك في عكاظ = جايبٍ كارثة واتلف مضمونها.

صفحتك لونها اسود عقب لون البياض= اصبح اللون الاسود لونك ولونها.


هههههههههه :) .

الهرش هذه مصيبه ..

صح لسانك يا أبو طايل وبأنتظار أبو ريان وصح لسانه مقدما ً .
سعود العصيمي
13-Jan-2009, 03:49 PM
متعب المهيدلي

صح بدنك وطال عمرك.




قادح شرااار


هههه

لامصيبة ولا يحزنووون.


وصح بدنك وكلك.
معجب العتيبي
13-Jan-2009, 05:00 PM
الله الله

سعود العصيمي ومعنى في الثمانيات


اسعد الله مساءك وصح لسانك


وصح لسان ابن سرحان

وعلى فكره الصوره ماكانت واضحه ههههههههههه
فايز بن سرحان الثبيتي
13-Jan-2009, 05:59 PM
ابو طايل الله يمسيك بالخير

اعذرني وانا اخوك ما انتبهنا لبدعتك الا بعد المغرب لكن ماحصل اخلاف ان شاء الله


استلم




صورتي يالعصيمي ماعلاها اعتراض = البلا في وجيه القوم واعيونها
لو فرضنا كلامك...جد...بس افتراض !! = الثياب العواري وش تسمونها
فايز بن سرحان الثبيتي
13-Jan-2009, 06:05 PM
بدر الكريزي \ الابداع تواجد الطيبين مثلك لا هنت وصفك لا هان

متعب المهيدلي \ حياك الله يااااااااااااااااااااااااااااااااااااااامتعب

قادح شرار \ عساني ماعدمك تواجدك ومرورك فخر لا هنت

معجب العتيبي \ صح بدنك وانت لك رد لحالك

هههههههههههههههههههه

صورتي زي فعلي ماعلاها اعتراض \\ بينه بينه وانتم تعرفونها

اسعدتني بمرورك العطر
عبدالمجيد الثعلي
13-Jan-2009, 06:07 PM
سعود العصيمي


ابن سرحان الثبيتي




صحت ألسنتكم وبيّض الله وجيهكم



طارووووق كايف
جمل زومان
13-Jan-2009, 06:08 PM
الله الله صح لسااانك ياسعووود

وصح لسااانك يابن سرحااان يالاستااذ

تحياتي
كبتن عتيبه
13-Jan-2009, 06:33 PM
الله الله



بدائه9 رائعه



فإنتظار إبداعاتكم
فايز بن سرحان الثبيتي
13-Jan-2009, 06:56 PM
عبد المجيد الثعلي \ صح بدنك يالغالي

جمل زومان \ مرحبا مليوووووووون


كبتن عتيبه \ لك بدعة الظاهر انك مانتبهت لها (هام!!!هام!!!)

وصح بدنك لا هنت
سعود العصيمي
13-Jan-2009, 07:03 PM
مرحبا ومسهلا
يابن العم
ولا حصل قصوور طال عمرك والشك زايل

استلم :

يشهدون اهل مكة قبل اهال الرياض = مابنينا بنايه غير بركونها.
مالبسنا العواري وقت حاضر وماض = دورها بفكرٍ واع تلقونها
سعود العصيمي
13-Jan-2009, 07:07 PM
معجب العتيبي

صح بدنك وكلك


لكن الصورة واضحة.

بس يمكن انت ماتمعنتها صح.

خخخخخ
سعود العصيمي
13-Jan-2009, 07:08 PM
جمل زومان

عبدالمجيد الثعلي

كبتن عتيبه

مرحبا ومسهلا


بالجميع
وصح ابدانكم.
فايز بن سرحان الثبيتي
13-Jan-2009, 07:17 PM
السوالف يابو طايل طوال عراض = وان هقيت ابك هقوه لا تجي دونها
ارزم النو في منشاه والبرق ناض = كيف بالله قلي ما تشوفونها

ابو طايل العذر منك

مضطر للخروج الاجباري ولي عوده ان شاء الله بعد ( 11 ) الليله
سعود العصيمي
13-Jan-2009, 07:59 PM
ماعندك مشكلة يابن العم .
خيرها بغيرها خذ راحتك:

ماخبرنا بحر من غرف غراف غاض = وانت قاض المعاني وانت دندونها.
اربع صقور طاحت والجوازي رباض =اكثر الناس منها زادت غبونها.
فايز بن سرحان الثبيتي
13-Jan-2009, 10:38 PM
الحرار الاصيله ماتجي فالرياض = ياسعود انت عارف ويش قانونها
والسباع الضواري كلبوها مراض = هرجة اوحيت خلق الله يقولونها
سلـطـان
13-Jan-2009, 10:47 PM
الحرار الاصيله ماتجي فالرياض
ياسعود انت عارف ويش قانونها
والسباع الضواري كلبوها مراض
هرجة اوحيت خلق الله يقولونها

..

سلام سلام

واصلواً وحنا مستمتعين ..!!

..