الطارف يقرب.....

[احمد الزايدي]

ذعذع الهاجس بدت صلف الهبوب تهبه=يعشق الجزله ودايـم لجلهـا ينخانـي

ومن يحسب فاالزمن من حبه ومن سبه=عاش في دنياه متشتت ولا هو هانـي

[صقر جعيد]

ذعذع الهاجس وناره ياعرب مشتبه = تفرح الطيب ودايم تحرق العدواني
من يحسب فالبحر ماهو بسابح غبه = عاش متردد وميت موتت الغرقاني

[فايز بن سرحان الثبيتي]

ذعذع الهاجس بدت صلف الهبوب تهبه
يعشق الجزله ودايـم لجلهـا ينخانـي

صح لسانك ياحمد بدعة رااااااااايقه



ذعذع الهاجس وناره ياعرب مشتبه
تفرح الطيب ودايم تحرق العدواني


رد مايحتاج ياصقر جعيد صح لسانك




متابع




الله لايهينكم

[معجب العتيبي]

الله الله
ابيات مليئه بالحكمه


صحة السنتكم على البدايه الرائعه

وننتظر اكتمال الجمال

[صقر جعيد]

ابن سرحان الثبيتي

شرفني مرورك يالغالي لاهنت

لك كل الأحترام

[صقر جعيد]

معجب العتيبي

صح بدنك ولاهنت يالقرم

لك تحيتي

[عبدالله بن طلال]

السلام عليكم

ومساكم الله بالخير جميعا


احمد والله مبـــدع الله يستر عليك

صح لسانك

وصقر جعيد رائـــــع وربنا يحفظك

صح لسانك

والصفوف والحاضرين اجمل مشاركات

ومعجب وبن سرحان حضورهم مميز ومغري ههههه


عساكم على القوة ... متابعينكم

[صقر جعيد]

عبد الله بن طلال

صح بدنك لاهنت على مرورك الكريم

لك تحيتي

[احمد الزايدي]

يعلم الله ياصقر وش السبب والسبه=والعدو يا صقر بأمر الله يبا ينهاني


كـلـهـم ترددو مـاحـد مـغـلق نبه=ماش فرق بينهم لاقاصي ولا داني

[صقر جعيد]

العدو مشيه عليهم كان حبه حبه = مار تالي الوقت هاجم هجمة القوماني
من شراء مفتاح بابٍ مايجي له ضبه = كيف يمنع لايجي في بيته النصراني

[احمد الزايدي]

العدو من لا تصدى له أكيد ايحبه=يدعمه ويشجعه وهو قليل ايماني


والمريض أن ماتعالج واين يلقا طبه=والله سبحانه هو اللي يشفي المرضاني

[بدر الكريزي]

ااااااالله ااااااااالله


احمد الزايدي .. و .. صقر جعيد


صحت السنتكم يا مبدعين ..


متاااابع متااااابع

[المـــرشدي]

صح لسآنــك ابيآت جميلــه يا الزايدي

[احمد الزايدي]

ابن سرحان صح بدنك والرايق حضورك المميز..


معجب العتيبي صح بدنك والحكم مستقاه منك يالغالي



عبدالله بن طلال صح بدنك والاابداع أنت راعيه.


بدر الكريزي صح بدنك والله يسلمك


المرشدي صح بدنك والجميل حضورك

[صقر جعيد]

الجدار اللي بنوه بطين مدري صبه = قالوا أنه حد فاصل وهو يحمي الجاني
العدو ماهو بخايف والعرب من رهبه = والسلاح اللي يشيله صنعه أمريكاني

[صقر جعيد]

بدر الكريزي
صح بدنك ولاهنت

لك تحيتي

[احمد الزايدي]

مابقي ياناس شجعان تبا تخسف به=الزمان اللي مضى كانو به الشجعاني

والعدو يسفك دمانا وش بلانا نكبه=ماستطعنا نتحد كل الشعوب تعاني

[صقر جعيد]

دعوة اللي كل ماصلى دعاء لك ربه = يالله بنصرٍ مؤزر ياعظيم الشاني
رغم قوة في العتاد ورغم ذيك النسبه = العدو مهما يقاتل ياعرب خسراني

[صقر جعيد]

أحمد الزايدي

تشرفت بالعب معك طال عمرك

لك تحياتي

[احمد الزايدي]

احمد الزايدي

ذعذع الهاجس بدت صلف الهبوب تهبه=يعشق الجزله ودايـم لجلهـا ينخانـي

ومن يحسب فاالزمن من حبه ومن سبه=عاش في دنياه متشتت ولا هو هانـي

صقر جعيد

ذعذع الهاجس وناره ياعرب مشتبه=تفرح الطيب ودايم تحرق العدواني

من يحسب فالبحر ماهو بسابح غبه=عاش متردد وميت موتت الغرقاني

احمد الزايدي


يعلم الله ياصقر وش السبب والسبه=والعدو يا صقر بأمر الله يبا ينهاني

كلهم تـرددو ماحـد مغلـق نبـه=ماش فرق بينهم لاقاصي ولا داني


صقر جعيد


العدو مشيه عليهم كـان حبـه حبـه=مار تالي الوقت هاجم هجمة القوماني

من شراء مفتاح بابٍ مايجي له ضبه=كيف يمنع لايجي في بيته النصرانـي

احمد الزايدي


العدو من لا تصدى لـه أكيـد ايحبـه=يدعمه ويشجعه وهـو قليـل ايمانـي

والمريض أن ماتعالج واين يلقا طبـه=والله سبحانه هو اللي يشفي المرضاني

صقر جعيد


الجدار اللي بنوه بطين مدري صبـه=قالوا أنه حد فاصل وهو يحمي الجاني

العدو ماهو بخايف والعرب من رهبه=والسلاح اللي يشيله صنعه أمريكانـي

احمد الزايدي


مابقي ياناس شجعان تبا تخسف به=الزمان اللي مضى كانو به الشجعاني

والعدو يسفك دمانا وش بلانا نكبـه=ماستطعنا نتحد كل الشعوب تعانـي

صقر جعيد

دعوة اللي كل ماصلى دعاء لك ربه=يالله بنصرٍ مؤزر ياعظيـم الشانـي

رغم قوة في العتاد ورغم ذيك النسبه=العدو مهما يقاتل ياعرب خسرانـي

[ماجد الحنتوشي العتيبي]

الله الله الله وغيرها كثير في جميع المنتديات