الفالح تقدم ... الميدان

[عبدالله الاصعر]

مساء النور ياالفالح ومسيت باالخير=ابا اخذ علومك واخذ مني علومي
مادام انت حاضر يازبون المخاسير=لزومك وانا ماني مخلي لزومي

[علي فلاح العضياني]

على شوفة الغالي نسوق التباشير=هلا مرحبا بك كل ليله و يومي
مدام انت متواجد خبر خير يا طير=طواف الوداع و لا طواف القدومي

[عبدالمجيد الثعلي]

الأصعر + علي فلاح العضياني



صحت ألسنتكم وبيّض الله وجيهكم


مبدعين دائم


واصلوا وحنا متابعين

[عبدالله الاصعر]

ابو زيد فالميدان لاواجه الزير=يبين الدفاع اللي يصد الهجومي
ابا احج واسج النظا بالبواكير=لاكن اسر حتى يكهبن النجومي

[علي فلاح العضياني]

تعلّم و تآخذلك شهادات تقدير=و خلّ التهدد عنك ماله لزومي
نبا فيك بكره صبح نكتب تقارير=و تصبح بعدها كل ليل معزومي

[عبدالله الاصعر]

تعلمت لين اصبحت ضمن المشاهير= كلامك هذا يلحقك شكه ولومي
هذا العلم دور عنه ياصاحبي غير=شهادة بعض ربعك عليها ختومي

[عبدالله الاصعر]

ذيب المساري

صح بدنك وجهك ابيض

مرحبا حياك الله

وشرفتنا بمرورك الكريم

لك تحياتي

[علي فلاح العضياني]

يقولون مال أضغاث الاحلام تفسير=قرينا كتاب مفسرين الحلومي
انا خابرك شاعر و تحتاج تطوير=لهالحين يالاصعر تطيح و تقومي

[عبدالله الاصعر]

عيونك من الليلة وراها مطايير=سرى فوقك الكابوس غير الهمومي
تطورك غرك لين طحت بزمهرير= وانا من لهبا منجيتني عزومي

[علي فلاح العضياني]

ترى الناس في وضعك تدير التفاكير= و جوّك ملبّد بالسحب و الغيومي
يا ليتك تروح تزور عبدالله العير=و فيصل و لد منصور شيخ البقومي

[عبدالله الاصعر]

انا مابغيت اكشف غطا جمة البير=لاكن انت اشوفك قمت لشر تومي
لاتدعي دعا الله في حياتك بتعزير=قنابل سرائيل ام غاز(ن) سمومي

[علي فلاح العضياني]

عليكم غرامات و عليكم فواتير=وراكم تعكسون الطريق العمومي
أقول لك روح ارقد و تصبح على خير=وش اللي تريده بعد فرك الخشومي

[علي فلاح العضياني]

ذيب المساري







لاهنت على المرور طال عمرك

[علي الثبيتي]

وش هالابداع والفتل والنقض

صج لسانك و راسك يالاصعر
صح لسانك يالفالح

[فايز بن سرحان الثبيتي]

ابداع

الله لايهينكم



فتل ونقض يستحق الاشادة


تحيتي

[عبد العزيز العضيــاني]

ابداع

الله لايهينكم



فتل ونقض يستحق الاشادة


تحيتي