أشوف النجوم

[محمد شبيب السبيعي]

أشوف النجوم الساريه تالي اليل=مزين سواد اليل طلت نجومه
وانا ادري وجود الفرق بين الرياجيل=وعضت زمن لرجل تكشف عزومه

[عمير الثبيتي]

أشوف النجوم الساريه تالي اليل=مزين سواد اليل طلت نجومه
وانا ادري وجود الفرق بين الرياجيل=وعضت زمن لرجل تكشف عزومه


تشوف النجوم ولا دريتم عن السيل= وأشوف السبيعي ما تسده بقومه


تدرع بعد ماجيت بين الحلا حيل= بوقت عسى ربي يكافي سهومه

[محمد شبيب السبيعي]

نعرف الاهله والجدي ناحر السهيل=عسى الله يحقق لسنافي حلومه
انا جيت لاهل الكار والسيف والخيل=ولاتجرح الصايم عسى يتم صومه

[عمير الثبيتي]

نعرف الاهله والجدي ناحر السهيل=عسى الله يحقق لسنافي حلومه
انا جيت لاهل الكار والسيف والخيل=ولاتجرح الصايم عسى يتم صومه


مزحنا معك مزحه تراها على هيل = وطرقينا لا مر نأخذ علومه

ليالي السعد ماهي بدايم مقابيل = ولا كل من يسري بيقضي لزومه

[محمد شبيب السبيعي]

يابادي ترى الموجز أهم التفاصيل=وبعطيك علم(ن) يوم شفتك ترومه
وبضرب مثل يركب على الفار و الفيل=ليا شاف وجه الفار كثرت همومه

[عمير الثبيتي]

يابادي ترى الموجز أهم التفاصيل=وبعطيك علم(ن) يوم شفتك ترومه
وبضرب مثل يركب على الفار و الفيل=ليا شاف وجه الفار كثرت همومه


عيون السبيعي روحت كالدربيل=كحلها يقطر بعد طالت كمومه
بتضرب مثل ذا الليل وتحط وتشيل=ولالا لضعيف غير نزوة حلومه
تشرفت بالعب معك وختام اللعب عندك