ارجو من الشعار نقد الابيات

[هيشان]

قطفت من قلبي لكم غـض الاوراق=روض الحشا يسقيه نبع الصداقـه
ماهي زهورن مصدره سيب الاسواق=من دم جوف الروح في شكل باقـه
مني لكم مهداه مع صدق الاشـواق=احلـى تحيـه ياسمـو العـلاقـه
للعـز بوجيـه المطاليـق بــراق=زحول الرجـال مقدريـن الرفاقـه
الي على روس الطويـلات تنسـاق=تنساق بعزم الذيب وضلـوع ناقـه
اهل الوفا دايم على الطيـب سبـاق=حلويـن لطيـب وللهيـس عاقـه
اهل الكرم مده كمـا الديـم دفـاق=من مزنتـن رب المقاديـر ساقـه
مبداه عز ومنهجـه ذوق واخـلاق=فعل المراجـل والنواميـس شاقـه
افخر بعرفـه ياختفـى كـل هـلاق=يابان فـي قـول المنافـق نفاقـه

[عبدالله الجـــذع]

للعـز بوجيـه المطاليـق بــراق...زحول الرجـال مقدريـن الرفاقه

اسمح لي اخوي هيشان

انا هنا فقط لاسجل الاعجاب


وواصل الى الامام

محبك

.,

[آلاد غنـــام]

اكثر من رائعه

ومااعتقد فيها مجال للنقد


تحيتي لك هيشان

[ترركي]

اول شي الله يصبحكـ بالخير



ابياتكـ جميلة



ويظهر فيها خيال واسع يدل على شاعريه



لكن عندكـ كسر واحد في الوزن
(في الشطر الثاني من البيت الخامس)




ولا الباقي كله تمام .



وعندكـ بعد ثقافة جيدة .



حاول تطورها بقراءة قصائد الشعار الكبار




اتمنى لكـ كل التوفيق

[بدر بن ثعلي]

صح السانك ونوافق اخونا تركي في النقد

[أبونواف]

تنساق بعزم الذيب وضلـوع ناقـه

هذا عجزالبيت اللي الاخوان أشروااليه ونتمي لك التوفيق