من أول يالمطيري ماتعدى ديرة المطران !!!!

[وحي العقل]

*****
السلام عليكم
أليكم اعزائي محاورة لمعجزة شعر المحاورة : حبيب العازمي
في بداياته ..مع الشاعر الكبيـــــــر / فازع الصيدة المطيري (رحمه الله )*
الذي كانت بدايات حبيب معه . في ضواحي مهد الذهب *

********
فازع الصيدة /

.........................................
.........................................
حضرنا للعزيمة والعزيمة دربها سلطان
عوايدنا القديمـة يعلـم الله مانخليهـا

حبيب العازمي/

هلا يامرحبا ترحيبةٍ يرجح بها الميزان
كما نقد الذهب من بين بايعها وشاريها
الا ياصاحبي فازع بعدما جيت للعتبان
تعين فالحقيقة والرعية عنـد راعيهـا

فازع الصيدة /

لعل ابك البقى يالشاعر اللي يوفـي الديـان
وكـل يشتـري ويبيـع والطالـه لراعيهـا
وراعي الشوف مثلك مايجي في قصة العميان
بعدما جات العلوم اللي جليل الملـك حاليهـا

حبيب العازمي/

منول يالمطاري ماتعدى ديرة المطـران
وهالحينه تصبح في ديّر وديا ر تمسيها
انامالي ومال المخطيه والفاضي المليان
انا اعرفك واعرف كبار عبداله باساميها

فازع الصيدة /

منول يالعتيبي طاردينك من ورا القريـان
وذالحينه تبحلقلي عيونـك كحلهـا فيهـا
تقوله ياحبيب وانت في درب الغلط غلطان
قتلتوا نفس والله يا وجيه الخـار محييهـا

حبيب/
منول يالمطاري مالكم رحمه ولا غفران
وذالحينه ماغار اذنيك ترفعها وترخيها
لقانا عندنا رحمان وانتم عندكم شيطان
واخذتواعمة الشيطان وازعلتوا بناخيها

فازع/

تعلم عن فضيحه يالعتيبي وانشـد الشيبـان
عتابـه كلهـا ماهمنـي طربـاق اذنيهـا
فعلت القصة اللي مامضت في سابق الازمان
عساها ماتعود مع العرب لاعـاد طاريهـا

حبيب العازمي/

ابا اذكرك بالعصلا وعلم ربعك العصـلان
عتابه حربهـا ماهـو بطليـان تخصيهـا :)
اليا منك زعلت اضرب براسك عجة الدخان
ترا الدخان يكحل عين اخو مـره ويعميهـا

فازع الصيدة /

امانه علموني وش مضالك يوم كون هدان
شرايدكم ثلاث ايام ماتعـرف حراويهـا
ذبحنا المرشدي يوم الملاقا طاح فالميدان
حصانه في كراعه ربطت ماني مخفيهـا

حبيب العازمي /
لعله ثم ليتـه يـوم صارت منـك فالسلمـان
عسى خنذف على خنذف تجاهدهـا وتفنيهـا
نسيت الفارس المشهور طاح وعمدة الضبطان
واعـرف الاولـه والثانيـه مانـي بناسيهـا

فازع الصيدة/
ذبحنا قوم باسمك يوم جا للمعركـة دنـدان
جنايزكم كما نطل الخشب في جوف واديهـا
دماكم مع صليب الصمد تمشي سالت الوديان
واخذنا بارق العتبان يـوم الله دعـا فيهـا

حبيب العازمي/
فناجيلك شربناها وثنانا على البرهان
تراحيب انتهى وانته تسندها وتنحيهـا
ترى لولا علوماً ثانيه ونقدر الجيران ة
فتشنا عن علوم بالغطا عنك مغطيهـا

فازع الصيدة /
ليا مريت مع قرية ضرية زاوروا قشعان
تعشته السباع اللـي تروعكـم تعاويهـا











******

[زياد المزرمي]

ليا مريت مع قرية ضرية زاوروا قشعان = تعشته السباع اللـي تروعكـم تعاويهـا



ههههههههههههه


صح السان الشاعرين


والله يرحم فازع الصيده

ويبقي حبيب العازمي


لاهنت يا وحي العقل

[متـعـب المهيدلي]

محاوره ممتعه


سلمت على النقل


ياوحي

[مشاري]

محاوره راااائعه وممتعه

لك تحيتي ..

[الطيار..]

ابا اذكرك بالعصلا وعلم ربعك العصـلان
عتابه حربهـا ماهـو بطليـان تخصيهـا


ههههههههههههههههههههههههههههههههههه

فناجيلك شربناها وثنانا على البرهان
تراحيب انتهى وانته تسندها وتنحيهـا

اكلته السباع


ترى لولا علوماً ثانيه ونقدر الجيران
فتشنا عن علوم بالغطا عنك مغطيهـا


لا ستر الجيران فيه اجر


صح السانك ياحبيب من قدك

[ابو فايح]

محاوره قمه في كل شي ابداع من الطرفين
لاهنت يا وحي العقل وبيض الله وجهك وليتك كل يوم تنزل موضوع

[أبو مصلح 511]

محاوره ابداعيه من كلا الشاعرين الكبيرين




تسلم يا ذيب على النقل




لاهنت












تحياتي

[خالد بن مورق]

ابا اذكرك بالعصلا وعلم ربعك العصـلان
عتابه حربهـا ماهـو بطليـان تخصيهـا
هههههههههههههههههههههههههههههه



الله دره

[فارس نجد]

يسلم ابو فيصل على ها المحاوره الرائعه